اخيرا سوقت السيراتو!!! عربية رائعة و تحذير من الجنط 17

[SAMEHNOSHI]

اخيرا سوقت السيراتو يا رجالة علشان ابطل اسالكو و اتعبكوا كل شوية التجربة كانت عن طريق ايجار السيارة لمدة يومان, السيارة خليجى اول فئة بس فيها ABS و الكاسيت الاصلى و بدون جنوط, انا سوقتها لمسافة 300 كم لمدة يومان و معظمها فى الزحمة.



خلاصة التجربة (تجربة و ليست نقييم لانى سوقتها 300 كم)

• تسارع جميل جدا
• فرامل جامدة جدا ... بجد تحفة
• تحكم فى السيارة فوق الممتاز
• صوت الماتور مسموع فى الاول و التانى و بيكون زنة رياضية خفيفة اوى (ممكن تكون محببة لبعض الناس و البعض الاخر زى حلاتى لا)
• العفشة ناشفة بس متعبتنيش خالصى, بالعكس انا حبتها و حسيت ان العربية ماسكة نفسها.
• التكييف جيد جدا بس مش ممتاز

الخلاصة العربية جميلة جدا فى سواقتها و انا سوقت تيدا و لانسر اتو معاها و اكتر واحدة استمتعت بسواقتها فيهم هيا السيراتو ... بجد ما كنتش عايز انزل منها (انا بتكلم على متعة السواقة اما من ناحية الاعتمادية و المتانة فالله اعلم مين الاحسن)



عيب العربية دية انك علشان تستمتع بيها لازم تجبها SX العربية فيها اوبشن جميلة بسعر جميل بس للاسف فيها عيب جامد جدا و هو الجنط ال 17, و للاسف الوكيل مصمم ينزلها بالجنط ال 17 و هو دة عيب العربية الاساسى, انا اتاكدت من موضوع البلالين دية بنفسى عن طريق فحص اكتر من 20 عربية حنط 17 واقفين فى الشارع (كل ما اشوفها راكنة انزل ابص على الكوتش بتاعها و شكلى عامل زى الحرامية )

• لقيت 3 عربيات فيهم بلالين فى احد الكوتشات.
• لقيت 1 عربية فيها بلالين فى الكوتش الامامى و الخلفى.

يعنى 1/5 العربيات ال sx فيهم بلالين طبعا اضيقت جدا من الموضوع دة و اتاكدت من ان الجنط ال 17 فعلا لعنة و غير مناسب للشوارع المصرية و دة اكبر عيب فى العربية دية.

[Tamer86]

يا جماعة مو ضوع الكويتش ده بيتهيألي عرفت سبب الشكوى الزايدة خاصة في السيراتو

الكويتش اللي نزل مع عربيتي kumho solus KH16 و الحمد لله بقالو سنة و لا بالون او مشكلة و اتطع معايا فردة بسبب حديدة جامدة قطعتو و بدلتها

و انا بدور عالبديل تقريبا عرفت كل المواصفات

اللي بينزل عالعموم في مصر او الشرق الاوسط نفس الكويتش بس KH 17 و ده اقل تحمل و خاص بالسيدان و الشوارع النضيفة و الماكس لود بتاعو 560 كغ و كاتبين انو للصيف بس
بينما KH16 و اللي نازل في فئة SLi مواصفات كورية تحمل أعلى XL و خاص بالسيدان و السبور و الماكس لود 650 كغ و لكل الفصول
يعني مناسب للميه و التلج برضو
و الحمدلله خدت حفر جمدة و نقر و غيره و لابلالين ولا غيرو و ماشي تمام

اتاكد من الكويتش و انا متأكد هتلاقيه KH17 عشان ارخص و هو اللي بعمل المشاكل دي مع النقر

و ده الموقع الرسمي بتاع kumho KH16
http://www.kumhotire.com/tire/tire_detail.jsp?prdt_id=26

و ده بتاع KH17

http://www.kumhotire.com/tire/tire_detail.jsp?prdt_id=143

[revel_sony]

اولا مبروك علي التجربة وعقبال متجبها ونباركلك انا بس كنت عايز اسئلك ايه موضوع البلالين ده اللي في الجنوط عشان مش فاهم

[SAMEHNOSHI]

اولا مبروك علي التجربة وعقبال متجبها ونباركلك انا بس كنت عايز اسئلك ايه موضوع البلالين ده اللي في الجنوط عشان مش فاهم

يا باشا البلالين يعنى انتفاخ فى الكوتش نتيجة تعرضة لصدمة شديدة, ممكن تعمل بحث فى المنتدى و انت تعرف معلومات اكتر عن الموضوع دة.

[د.محمود صلاح]

شكراً لعرضك التجربة .. بالطبع معمول للطرق الحرير مش لطرقنا الجميلة

[M.ABDEEN]

شكرا على التجربة يا باشا

[diabianforever]

يا جماعة انا حاسس ان موضوع الجنط ال17 ده مش موجود غير فى الخليجى لان اغلب الناس اللى بتشتكى بلاحظ انهم معاهم خليجى مش توكيل و لا ايه رايكم

[yasserelsayad]

يا جماعة انا حاسس ان موضوع الجنط ال17 ده مش موجود غير فى الخليجى لان اغلب الناس اللى بتشتكى بلاحظ انهم معاهم خليجى مش توكيل و لا ايه رايكم

يا باشا العيب مش فى الجنط ولا الكاوتش .. العيب فى الشارع

[diabianforever]

ايوا يا ابو ياسر انا معاك ان شورعنا زبالة و مايمشييش فيها توك توك بس انا اعرف ناس كتير مركبة جنط ١٧ و ١٩ و مفيش الكلام ده و بعدين يا باشا لو فعلا الجنط ال١٧ ماينفعش فى مصر ماكانش حد من محلات الجنوط باعه و لا انتا ايه رايك و على فكرة انا بتكلم عموما يعنى مش عن السيراتو بس

[Atrees]

استمتع بالسيراتو اكتر لو جنط 16 ودي حقيقه :(

هوا الفرق واضح في المطبات بنسبة 30% اهدا
لكن في المشي العادي لا يتعدي 5%

[yasserelsayad]

ايوا يا ابو ياسر انا معاك ان شورعنا زبالة و مايمشييش فيها توك توك بس انا اعرف ناس كتير مركبة جنط 17 و 19 و مفيش الكلام ده و بعدين يا باشا لو فعلا الجنط ال17 ماينفعش فى مصر ماكانش حد من محلات الجنوط باعه و لا انتا ايه رايك و على فكرة انا بتكلم عموما يعنى مش عن السيراتو بس

لا يا باشا المشكلة فعلا فى الشارع .. انا كنت مركب 17 قبل كدا فى الميجان وشيلته بعد سنة وشوية بسبب البلالين وعشان كان فيه جنط اتعوج بس كانت حادثة يعنى .. فا موضوع البلالين دا معرض انه يظهر فى اى كاوتش من اول مقاس 17 وانت طالع وحوار ان المحلات مش هتجيبه عشان مش هينفع فى مصر دا مش صح عشان التاجر ملوش دعوة هو بيجيب اللى عليه الطلب واظن ان معظم اللى بيشترى جنوط بيكون عارف حوار البلالين دا وانا باردوا يا باش كنت بتكلم عموما مش على السيراتو

[Atrees]

فعلا انا كانت معانا الفا روميو 147 وركبنا فيها 17 واجارك الله علي اليي كان بيحصل وقررت مركبش حاجة 17 تاني لكن لما السيراتو نزلت هاي لاين و sx ب جنط 17 وشكله تحفه قولت امري لله وماشي جنب الحيط اهو :)

المشكله انك بتتفاجئ بالمطب او النقره واحنا يعني حفرنا ونقرنا لازم تبقي حادة وبي سن كمان وهوووووب بتلبسه حتي لو حاولت تفاديه تلاقي جنبه بلاعه او خزوق - عندا الحفر معموله بزمه قوي

[diabianforever]

اصلى يا ابو ياسر على العموم كلها اسبوع انشاء الله و اجيب العربية و هتلاقينى يا بشكر فيها يا قرفت من الجنط ١٧ و سعتها اول واحد هقولوا انت ههههههه بس انت ادعيلى انشاء الله بعد ما اجيب العربية ما يبقاش فيها مشاكل

[midosalah]

شكرا على نقللك التجربة