هو الناس بتكره السيراتو ليه؟

[SaberMan]

يعنى الاشاعات دى كانت فى بدايه موجه لمهاجمه
أحنا فى مرحله تانيه الان

ايوا الأشاعات كافيه انها تكره بلاش تكره تزعل فئه من الناس فيها , لما بيكتشف العكس بيندم انوا مشتراش

متشغلش نفسك بالحكايه دى أى حد أو حاجه ناجحه فى مصر أعداء النجاح لازم يحدفوها بالطوب نفسنه مش اكتر .

[mikology]

فى عربيات كتير انا مش مقتنع بيها - بس لما بلاقى حد حابب يجيبها - لك حريه الاختيار - انا مالى انا هو انا اللى هاركبها ؟؟

[ابو ليلى]

لاازم بس فى الاول نحدد هل ده الطبيعى اللى موجود فى الشارع ولا الكره هنا فى المنتدى بس

لانى اكتر من مرة الاحظ ان فى كتير بيقولو فيما معناه اننا مش بنحب العربية بسبب ملاكها

لانهم طالعين فيها اووووووى ( يعنى احنا مغرورين )

وفى ناس مش مستوعبه الفكرة ازاى بالسهولة دى وفى الفترة البسيطة دى تاكل السوق اكل وده

برضه راى باقى التوكيلات وبيكون رد الفعل عدم تصديق للفكرة نفسها يعنى ازاى كل الامكانيات دىوالاوبشن ده يكون بالسعر ده لالالالا ده اكيد فى حاجه غلط .

وده راجع لمفهوم الشعب المصرى عموما اننا اخدنا ان مافيش حاجه حلوه عندنا ابدا كل حاجه لاازم تكون وحشه علشان كده لما نشوف حاجه حلوه نكون مستغربين ولاازم نشكك فيها ونطلع فيها القطط لفطسانة ....

وده اللى بحصل مع السيراتو بالظبط عدم تصديق فكرة انها عربية حلوة لانهم مش

متعودين يشوفو عربية بالامكانيات دى والاوبشن ده تكون بالسعر ده .

وعلشان كده بينطبق عليها مثل ( العجل وقع هاتو السكينة ) منتظرين اى حاجه تثبت وجه نظرهم

ولما ميلقوش حاجه بتبدى بقى التخيل ويصبح التخيل واقع والواقع يصبح حقيقة والحقيقة تصبح

ان السيراتو كيداهم

[NoRmAl]

هو انا قولتلك انى بألف عليها حاجة؟؟
انا بقولك مابقتش احبها نفسى قفلت منها - بسسسس

واضح أن حضرتك فهمتنى غلط :)
أنا مش بهاجمك ولا بقول أنت بتألف عليها حاجه :)
حضرتك فهمت سؤالى غلط
أنا عايز أعرف هل السبب الى عندك قد يدفعك أنك تعمل حاجه زى كدا
ولو حصلت حاجه وفهمتنى غلط أنا متأسف وبسحب سؤالى

[M!SHO]

من غير زعل ,,,
يمكن بسببكم ,,,,
يمكن عشان لما بتيجى سيرتها فى اى مقارنه مع اى عربيه ( سواء أعلى أو أقل ).....
مبيتقالش غير كلمه واحده السيراتو تكتسح ,,,

يمكن بسبب أسلوب بعض الملاك مع أى واحد معارضهم فى الرأى ,,,,
يمكن بسبب المواضيع المستفزه من بعض الملاك ,,,,
يمكن يمكن ............حاجات كتير جدا" ,,,
ومعظم الحاجات دى واضحه فى موضوع البشمهندس غازى ,,,

أنا عارف ان حضرتك بتكره اللانسر بومه ,,,يمكن لنفس السبب الناس بتكره السيراتو ,,,,

فى النهايه ,,,
أنا لا بحبها ولا بكرها ( نفس الكلام ينطبق على العربيه اللى معايا ) بس بحس بمبالغه رهيبه احيانا" وعدم الموضوعيه والتحيز ...

[Atrees]

ههههههههه انت حتفضل كدة يا نورمال تغيب تغيب وتضرب في الصميم - احيك كالعادة

ردا بقي علي سؤالك عن عنصر الكره - انا فعلا مقتنع بالمبدا ده - لان النقد بيكون سببه انك تحسن من اللي انت بتنقده - غرض نبيل يعني - لكن الهجوم الغير مبرر والمبني علي اي حاجة بدون دليل ده اكيد مش نقد


مفي عضو هنا معانا قال انه كرهها بسبب مواقف حصلت لحياه صديقة ودة في رايي سبب كافي لانه يقفل منها - بس في ناس كتير بتتحول عندها العمليه لمشكله شخصيه ( مش قصدي الصديق ده طبعا )

انا حناقش باختصار في نقاط بعد اذنكم

- انتشار كبير = عدد اكبر من احتمالات الحوادث
- عربيه ممتازه في حدود فئتها = الانظار كلها تتحول اليها = عدد من المعجبين اكثر = عدد من المعارصين اكثر
- طفره ملحوظه في صناعه فئتها = اعداء تطور اكثر
- عربيه ملفته ومفعمه بالحيويه = غيره من فئه من الناس ( طبع البشر )
- شكر من ملاكها فيها = الحقودين ليه يخلوك تفرح
- سياره جديدة كليا = عدم معرفة تامه بيها = اشاعات اكثر


وكلمه اخير لكل من شنع بالباطل عليها بسبب لا اراه الا انه شخصييييييييييييييييييييي - قول اللي انت عايزه - برضوا السيراتو معجابينها بيزيدو يوم ورا يوم

نحن لا نقول انها الافضل - لكن نقول انها الافضل لنا


لو بفكر اشتري عربيه تاني اليومين دول حفكر في ايه ؟؟؟؟؟

التنوع موجود لكن فكروا كده معايا في النقط التاليه

محرك ممتاز
شكل جميل
صالون عصري
كماليات بوفرة
سعة 1600 سي سي
شبابيه - عائلية - واسعة
جوده خامات جيده
سعر منافس
توكيل محترم وقطع غيار
سعر اعادة بيع
قياده ممتعة

جربو كده
اختارو كل العربيات بتاعت نفس الفئة وادو نقطه للموجود فيها وصفر للي مش موجود فيها - وقوللولي رايكم

[aiman0173]

من غير زعل ,,,
يمكن بسببكم ,,,,
يمكن عشان لما بتيجى سيرتها فى اى مقارنه مع اى عربيه ( سواء أعلى أو أقل ).....
مبيتقالش غير كلمه واحده السيراتو تكتسح ,,,

يمكن بسبب أسلوب بعض الملاك مع أى واحد معارضهم فى الرأى ,,,,
يمكن بسبب المواضيع المستفزه من بعض الملاك ,,,,
يمكن يمكن ............حاجات كتير جدا" ,,,
ومعظم الحاجات دى واضحه فى موضوع البشمهندس غازى ,,,

أنا عارف ان حضرتك بتكره اللانسر بومه ,,,يمكن لنفس السبب الناس بتكره السيراتو ,,,,

فى النهايه ,,,
أنا لا بحبها ولا بكرها ( نفس الكلام ينطبق على العربيه اللى معايا ) بس بحس بمبالغه رهيبه احيانا" وعدم الموضوعيه والتحيز ...

كلام جميل وكلام معقول مقدرش اقول حاجة عنه

[mohamedwahid]

انا بحب السيراتو رغم انى عندى كارينز

[NoRmAl]

من غير زعل ,,, مفيش زعل
يمكن بسببكم ,,,, مش فاهم!
يمكن عشان لما بتيجى سيرتها فى اى مقارنه مع اى عربيه ( سواء أعلى أو أقل ).....
مبيتقالش غير كلمه واحده السيراتو تكتسح ,,, دا غير صحيح يا أستاذ هشام وفى مقارنات أنا وغيرى بنخش نرشح العربيه التانيه قصاد السيراتو

يمكن بسبب أسلوب بعض الملاك مع أى واحد معارضهم فى الرأى ,,,, زى أى أسلوب؟
يمكن بسبب المواضيع المستفزه من بعض الملاك ,,,, زى أى مواضيع وبجد بدون زعل...
يمكن يمكن ............حاجات كتير جدا" ,,,
ومعظم الحاجات دى واضحه فى موضوع البشمهندس غازى ,,,

أنا عارف ان حضرتك بتكره اللانسر بومه ,,,يمكن لنفس السبب الناس بتكره السيراتو ,,,, أنا مبكرهش البومه أنا بقول أنها عربيه بالتمن دا وبنفس الشكل من 7 سنين وسعرها بيزيد كمان فأنا شايف أنها مش صفقه رابحه
تقدر تقلى أزاى السيراتو تتكره لنفس السبب
ههى كمان بتغلى ولا شكلها بقاله 7 سنين؟

فى النهايه ,,,
أنا لا بحبها ولا بكرها ( نفس الكلام ينطبق على العربيه اللى معايا ) بس بحس بمبالغه رهيبه احيانا" وعدم الموضوعيه والتحيز ... هل من الاخر أقول العربيه دى زباله ومفهاش حاجه واحده عدله علشان يتقال عليه مش متحيز
مطلوب منى أيه مش فاهم
أنا عملت موضوع بناءاً على طلب الناس وضحت فيه عيوبها قبل مميزتها وبردو متحيز
يعنى أعمل أيه
أقول هى مش نافعه علشان أبقى مش متحيز!!

[Atrees]

من غير زعل ,,,
يمكن بسببكم ,,,,
يمكن عشان لما بتيجى سيرتها فى اى مقارنه مع اى عربيه ( سواء أعلى أو أقل ).....
مبيتقالش غير كلمه واحده السيراتو تكتسح ,,,

سؤال بس - هيا مش مكتسحه فعلا ؟؟؟؟ - رغم انها مش الافضل

يمكن بسبب أسلوب بعض الملاك مع أى واحد معارضهم فى الرأى ,,,,
يمكن بسبب المواضيع المستفزه من بعض الملاك ,,,,
يمكن يمكن ............حاجات كتير جدا" ,,,

تفتكر بعد كل الهجوم ده مش محتاج انك تبدا تدافع - وبنفس قوه الهجوم الغير مبرر ؟؟

ومعظم الحاجات دى واضحه فى موضوع البشمهندس غازى ,,,


أنا عارف ان حضرتك بتكره اللانسر بومه ,,,يمكن لنفس السبب الناس بتكره السيراتو ,,,,
طيب حتي شوف هوا ممكن يكون بيكره البومه لكن لم يهاجمها بما ليس فيه وطلع اشاعات وروجلها وبقي يحذر الناس منه ؟؟؟؟

فى النهايه ,,,
أنا لا بحبها ولا بكرها ( نفس الكلام ينطبق على العربيه اللى معايا ) بس بحس بمبالغه رهيبه احيانا" وعدم الموضوعيه والتحيز ...

تقصد تحيز من ملاكها ؟؟؟؟
بص يا صديقي - مفيش واحد من ملاك السيراتو مقلش عيوب العربية - كلنا بجميع فئات السيارة قولنا عيوبها ورغ ذلك المهاجمين خدوها مننا ونسجوا اساطير زي امنا الغولة والاشكيف عليها يبقي فين التحيز ؟؟؟؟

الدفاع اللي انت شايفة اقل بكثير من الهجوم اللي عليها

[M!SHO]

بشمهندس نورمال ,,,
طبعا" أنا أقصد بعض الملاك وانا عارف ان حضرتك والدكتور احمد سامى من اكتر الناس حياديه ,,,
لكن مش كل الناس زيكم ولو راجعت قسم المقارنات ( المواضيع القديمه ) هتفهم قصدى وبصراحه انا بضايق من حاجه زى دى لان احنا تقريبا" اتفقنا ان مفيش عربيه بتتفوق على التانيه فى كله ,,,

ليه الواحد ميقولش المميزات و العيوب ويسكت ....والقرار يرجع لصاحب الموضوع فى الاختيار ....

اعذرنى انا مش هقدر أقول الاساليب والمواضيع ( اللى أنا شايفها مستفزه ) عشان مش عايز حد يزعل منى ,,,,

وأنا والله عارف ان سعر البومه مبالغ فيه أوى أوى أوى بس هو أيه اللى موجود فى مصر مش مبالغ فيه ؟؟
واتكلمنا قبل كده فى الموضوع بتاع الشكل والسعر ....وأنا شايف ان دى حاجه راجعه للزبون اللى بيلبس قصدى اللى بيشترى ,,,

سبب من اسباب كره اللانسر بومه انتشارها ...وتقريبا" السيراتو شويه وهتعديها فى الانتشار
وده اللى قصدى عليه ( مع ملاحظة كلمه يمكن فى كل كلامى ) ...

أخر كام سصر دول حاسس أنك بتقفش عليا فيهم,,,,
بس لاحظ انى قولت ( أحيانا" ) وبقولك تانى مش كل الناس زيك وزى الدكتور أحمد .....

[M!SHO]

عتريس باشا ,,,,

هى فعلا" مكتسحه وحققت انتشار رهيب فى فتره قياسيه ,,,
يا ترى فاكرين سياسة القطيع (اللى الناس كانت ماشيه بيها ومازالت ماشيه بيها ) ولا سياسة القطيع كانت مع اللانسر بومه بس ,,,,
معلش خرجنا عن موضوعنا بس افتكرت سياسة القطيع لما جت سيرة الانتشار ,,,

نرجع لموضوعنا ...أنا هعلق على نقطه واحده والباقى موجود فى ردى على نورمال ,,,
حضرتك قولت أنها مش الأفضل ....طب ليه كل الناس فى المنتدى محسيسنا انها الافضل ....ليه الناس مش قادره تستوعب ان الافضل ليها مش الافضل لبقيت الناس ؟؟!!

كنت سألت دكتور أحمد عن مفهوم الصفقه الناجحه بالنسباله ولما رد عليا اكتشفت ان مفهومها بالنسبالى مختلف تماما" ,,,

فى النهايه أنا معاك ان فى ناس بتهاجم وخلاص وعارف مدى الضرر اللى بيسببوه وأنا لو مكانكم هضايق ,,,
بس بردو مش كل الناس زى بعض ...

[M7amD_7amDy]

ليه متقولش حقد يا نورمال

الناس اللى بتتجه لأسلوب التأليف ونشر كلام مزيف عشان يشوهوا صورتها وخلاص

يتقال عليه كره زى مقولت وجنبها (( حقد )) وممكن برده معاهم (( غل ))

أرجو من الناس اللى مش بيحبوا السيراتو مايخدوش الكلام على نفسهم

أنا بقول الناس اللى بتتجه لأسلوب التأليف -:)

[heshamzaky]

يا جماعة انا عاوز اقول حاجة انا عن نفسى شكل العربية و الوانها بصراحة حلو جدا و شكلها اسبور و الكوبية شكلها حكاية فى النهاية اى عربية مهم كانت هى جماد يعنى ممكن بيعها و شراء موديل تانى احسن او اوحش مش مهم فى النهاية هى عربية سواء كيا بيجو فيات ميتسوبيشى فورد ألخ ألخ يمكن سبب ما تسمية كرة هو التعصب من بعض الزملاء لما حد بينقد السيراتو هو دة الموضوع بمنتهى البساطة و اية رايكم فى التابلوة دة و سؤال بقى بالمرة ما هى الكيا السيراتو ال فورتى دى 150 حصان تقريبا

[Atrees]

عتريس باشا ,,,,

هى فعلا" مكتسحه وحققت انتشار رهيب فى فتره قياسيه ,,,
يا ترى فاكرين سياسة القطيع (اللى الناس كانت ماشيه بيها ومازالت ماشيه بيها ) ولا سياسة القطيع كانت مع اللانسر بومه بس ,,,,

هههههههههههه فكرتني فعلا انا مش عارف يعني ايه سياسة القطيع دي ؟؟؟ يعني انا اشتري حاجة الناس كلها بتكرهها عشان مبقاش مع القطيع ؟؟؟ دا انا ابقي حم........ ومخطط كمان
معلش خرجنا عن موضوعنا بس افتكرت سياسة القطيع لما جت سيرة الانتشار ,,,

نرجع لموضوعنا ...أنا هعلق على نقطه واحده والباقى موجود فى ردى على نورمال ,,,
حضرتك قولت أنها مش الأفضل ....طب ليه كل الناس فى المنتدى محسيسنا انها الافضل ....ليه الناس مش قادره تستوعب ان الافضل ليها مش الافضل لبقيت الناس ؟؟!!

الافضليه نسبة وتناسب - يعني ايه ؟؟؟
يعني السيراتو ليست الافضل في المطلق ولكنها الافضل لقاعدة واسعة ومختلفة من الناس ( في حيز الاغلبية يعني )
ومن كلام الملاك انها انها الافضل من المنطلق ده - ممكن تكون اتفهمت غلط لكن صدقني لو فيه 60% من الشعب السيراتو مناسبة ليها تبقي فعلا الافضل نسبه وتناسب وليس في المطلق

كنت سألت دكتور أحمد عن مفهوم الصفقه الناجحه بالنسباله ولما رد عليا اكتشفت ان مفهومها بالنسبالى مختلف تماما" ,,,

معاك تماما في دي - لكن هل ده معناه ان مقياسة للصفقة الناجحة خطاء؟؟؟؟؟؟
ده بقي اللي بيتكلم فيه المهاجمين - السيراتو ليست صفقه ناجحة - قوللي انت بقي نرد اواي :)

فى النهايه أنا معاك ان فى ناس بتهاجم وخلاص وعارف مدى الضرر اللى بيسببوه وأنا لو مكانكم هضايق ,,,
بس بردو مش كل الناس زى بعض ...
ده اكيد وحضرتك مثال علي ده - في ناس فعلا رايها يحتر حتي لو معارض