ارجو المساعدة

[contact]

كنت مسافر بورسعيد وجت زلطة فى الزجاج الامامى وعملت شرخ كبير دخلت على المنتدى علشان اشوف اسعار الزجاج كام لقيت عامل 1200 جنية قلت الحمد لله على كدة واجيبة من التوكيل وخلاص اتصات علشان اسال واتاكد من السعر اتصلت بقطع الغيار فى ابو رواش بكام الزجاج الامامى قلى 1850 جنية غير 400 جنية تركيب + 130 الشمبر او الجلدة الى حولين الزجاج +10%ضريبة يعنى كلة 2500 جنية والكلام دة ينفع 2500 ج فى زجاج ممكن بعد ما اركبة وانا خارج من التوكيل تجى زلطة تانية وتكسرة ودة يرضى ربنا النصب على الناس بحكم انه ضمان لو فى حد مر بالمرحلة دى يفدنى لوممكن اركب الزجاج دة فين بره التوكيل ويكون كويس فى ناس قلتلى فى واحد فى العاشر من رمضان اسمه دكتور جريش ودة زجاجة كويس برجاء المساعدة

[NoRmAl]

هو أنا معرفش حد للأسف
لكن الشرخ كبير قد أيه
وكنت أسمع فى ناس بتعالج الشروخ دى بس مش متأكد
روح لحد بيفهم لو الشرخ مش كبير أوى وقالك انه مش هيكبر أمشى بيه كدا لو مش مضايقك فى الرؤيه

[kono]

روح عند حد يحقنهولك سليكون ..لو حد كويس الشرخ مش هيبان من برة بس هيفضل باين من جوه
اهم حاجة تلحق تعمله بسرعة قبل ما الشرخ يزيد معاك

[contact]

الف شكر على ارد بس الشرخ كبير

[alzwawy]

في واحد بتاع ازاز في الحرفين اسمه الثلاثي انا غيرت عنده ازاز اسكودا a4 ب 400 جنيه اسأل عنده هتلاقي موجود اكيد بس أتأكد انه اسمه الثلاثي مش الثلاثيه علشان في واحد اسمه الثلاثيه تاني دور علي الثلاثي في الحرفين

[abohagar2001]

السلام عليكم
حضرتك خد طريق مصر اسماعيلية الصحراوى لحد العاشر من رمضان
وروح عند د جريش ومش هتدفع نصف الثمن دا

[magdy1963]

كنت مسافر بورسعيد وجت زلطة فى الزجاج الامامى وعملت شرخ كبير دخلت على المنتدى علشان اشوف اسعار الزجاج كام لقيت عامل 1200 جنية قلت الحمد لله على كدة واجيبة من التوكيل وخلاص اتصات علشان اسال واتاكد من السعر اتصلت بقطع الغيار فى ابو رواش بكام الزجاج الامامى قلى 1850 جنية غير 400 جنية تركيب + 130 الشمبر او الجلدة الى حولين الزجاج +10%ضريبة يعنى كلة 2500 جنية والكلام دة ينفع 2500 ج فى زجاج ممكن بعد ما اركبة وانا خارج من التوكيل تجى زلطة تانية وتكسرة ودة يرضى ربنا النصب على الناس بحكم انه ضمان لو فى حد مر بالمرحلة دى يفدنى لوممكن اركب الزجاج دة فين بره التوكيل ويكون كويس فى ناس قلتلى فى واحد فى العاشر من رمضان اسمه دكتور جريش ودة زجاجة كويس برجاء المساعدة

استاذنا قدر الله وماشاءفعل الحمد لله انها جت على قدكدة اما بالنسبة للشرخ انا سمعت عن واحد اسمة الدكتورخالد لشروخ الزجاج ولية اكثر من فرع ممكن تسال علية وتروحلة ممكن ينفع يحقنة

[contact]

استاذنا قدر الله وماشاءفعل الحمد لله انها جت على قدكدة اما بالنسبة للشرخ انا سمعت عن واحد اسمة الدكتورخالد لشروخ الزجاج ولية اكثر من فرع ممكن تسال علية وتروحلة ممكن ينفع يحقنة

انا جربتة بس لسة فى مكان الشرخ باين وكنت ناوى اغيرة احسن

[contact]

السلام عليكم
حضرتك خد طريق مصر اسماعيلية الصحراوى لحد العاشر من رمضان
وروح عند د جريش ومش هتدفع نصف الثمن دا

متشكر اوى انا كنت ناوى اعمل كدة ان شاء الله

[lolly136]

متشكر اوى انا كنت ناوى اعمل كدة ان شاء الله

هو د جريش ممتاز واسعار هايله