ليه كده ياسيرااااااااا

[jimmy86]

انا النهارده كالعاده رحت بعربيتي الشغل وانا مروح بقى حصلي موضوع خنقني جدا ومضايقني جدا وانا بفتح صندوق التخزين اللي في التابلوه علشان احط حاجه جيت اقفله مابيتقفلشي حاولت مره واتنين وتلاته وبردوا مفيش فايده طبعا بقيت ماشي بيه كده بمنظره الجميل ده وهوه مفتوح طبعا انا عارف الناس هاتقول ايه العبط ده ده موضوع بسيط جدا بس مش اللي مضايقني ده اللي مضايقني اني سرحت وفكرت في مواضيع كتير اهمها اني ابتديت اصدق موضوع رداءة الخامات والمكونات الداخله في تصنيع التابلوه والموضع الاهم ان عربيه ماكملتشي سنه وحصلها كده اومال قدام شويه هايحصل ايه وابتديت استعجب من الحال اللي وصلناله يعني احنا زمان كنا بنجيب عربيات بتعيش بالعشرين سنه ودلوقتي تدهور بينا الوضع بقينا بنجيب عربيات لما تعدي عليها سنه نشكر ربنا وندعي انها تعيش للسنه اللي بعديها انا عارف ان ان شاء الله الموضوع بسيط (وطبعا مفيش حاجه في التوكيل اسمها موضوع بسيط) بس انا الاسئله ده سالتها لنفسي بعد الموقف ده والاسئلة ده حزنتني على حالنا يلا الحمد لله على كل شئ وحسبي الله ونعم الوكيل ومعلشي صدعتكم معايا انا معرفتش افضفض لمين فقولت اني افضفضلكم

[NoRmAl]

هو حضرتك مكبر الموضوع بس :)
حاول تعرف مبيقفلش ليه

[lolly136]

بص هو ده بقى حال الدنيا فاكر زمان لما كنا بنغير اللمبة مرة كل عشر سنين دلوقتي كل اسبوعين اللمبه بتتغير...... اصلهم لو عمللك حاجة عمرها طويل حيكسبوا منين؟؟؟

[M.Osman]

الموضوع ان شاء الله بسيط

اما عن زمان و دلوقتي....

زمان مكنش فيه marketing ولا planned obsolescence

[matrriixx]

انت متاكد ان التابلوه هو اللي بايظ
ههههههههههههه
انت مكبرها ليه كدة :))

[morasystem]

سيادتك مكبر الموضوع أوى أوى يعنى ... و انا شايف إن السيراتو خاماتها كويسة جدا

و انا شفت سيراتو كتير و قليل ... لكن مشفتش ولا واحدة وحشة غير هى واحدة بس كانت LX وكيل معروضة فى أبو رواش و كانت تقريبا عربية فاضية و فرشها و لون التابلوه و خامته كانوا وحشين ... إنما ما عدا ذلك لأ طبعا السيراتو عربية محترمة ... و السبب فى اللى حصل ده إن و هم بيعملوا صيانة لفلتر التكييف بتاع عربية حضرتك قفلوا التابلوه جامد شوية و الحل بسيط و تافه

اتفضل ... حضرتك هتلف البكرة دى نص لفة شمال و اللى قبالها زيها برضه و خلاص

[jimmy86]

انا عارف والله ان الموضوع بسيط وانا قولت كده بس انا مش بتكلم من منطلق الموضوع البسيط ده انا الموضوع البسيط ده فتح قدامي موضوع اكبر عن الوضع دلوقتي والوضع زمان وبس وشكرا ليكم على مشاركتكم والواحد فعلا كان بيدور على ناس يفضفضلهم وميرسي فعلا على تفاعلكم معايا

[jimmy86]

لا مش الموضوع البكره ده خالص عارف اللسان اللي بيشبك في الفتحه اللي لما تحرك دراع فتحة التخزين بيتحرك معاك لجوه اهو السان ده دخل لجوه ومش راضي يطلع تاني لبره فده اعتقد بتبقى سوسته والسوسته ده باظت فعلشان كده الدراع مابقتشي بتحرك اللسان ده خالص وشكرا على ردك الجميل ده ومعلشي تعبتك معايا انا في نقطه بردوا علشان انا الناس بردوا تفهمني صح مش معنى الكلام ده بردوا اني بكره السيراااا بتاعتي لا بالعكس انا بحبها جدا ولما بتكلم عن نقطه تفهه زي ده ده اكيد يبين انا بحب عربيتي قد ايه ونفسي انها تبقى احسن عربيه تبقى زي عربيات زمان كده وشكرا

[NoRmAl]

لا مش الموضوع البكره ده خالص عارف اللسان اللي بيشبك في الفتحه اللي لما تحرك دراع فتحة التخزين بيتحرك معاك لجوه اهو السان ده دخل لجوه ومش راضي يطلع تاني لبره فده اعتقد بتبقى سوسته والسوسته ده باظت فعلشان كده الدراع مابقتشي بتحرك اللسان ده خالص وشكرا على ردك الجميل ده ومعلشي تعبتك معايا انا في نقطه بردوا علشان انا الناس بردوا تفهمني صح مش معنى الكلام ده بردوا اني بكره السيراااا بتاعتي لا بالعكس انا بحبها جدا ولما بتكلم عن نقطه تفهه زي ده ده اكيد يبين انا بحب عربيتي قد ايه ونفسي انها تبقى احسن عربيه تبقى زي عربيات زمان كده وشكرا

لأ هو محدش قال حاجه أحنا بس عايزين نهون على حضرتك ونقلك أنها بسيطه
ومع ذلك هو يضايق أكيد
شكلها وحش أوى أنى أمشى بيها وهى مفتوحه كدا وليك حق :)

[bassemforever]

ان عرف السبب بطل العجب ملوش دعوة بخامات اكيد فى حاجة غلط دور كويس ولو عربيتك فى وكيل روح للضمان هيحلوها ولو محلوهاش يتصرفوا فى ضمان ضد عيوب الصناعة و لو مش وكيل روح برضو التوكيل :) فى راى علشان مشتروح لحد يفتى ويكسر حاجة ولا يبوظ حاجة مش هتعرف تجيب الاصلية بتعتها بعد كدة ومهما هيكلف فى التوكيل هيكلف كام يعنى او مركز صيانة محترم بلاش الناس العادية بيالفوا ويخربوا الحاجة اكتر من الاول