فرد الكاوتش

[Deshahcoka]

السلام عليكم

مرة اخيرة صاحبي بتاع السيراتوا عنده 2 فرده امامي فيهم بلونة و فردة خلفية مقطوعة متفهمش ازاي

فيعتبر عنده 3 فرد من اصل 4 بايظين ( جنط 17 ) الفرد مشيت حوال 15 الف

فهل يغير الاربعة ؟ ولا ينزل الاستبن و يبقا عنده ستبن مستعمل و يجيب 2 قدام ؟

وهل حيلاقي النقضة الفبريكة الكومهوا ؟ و لا حيطر يشوف حجات تانية ؟ و الموضوع ده يدخل في كام يعني ؟

الف شكر يا رجاله

[alzwawy]

مينزلش الاستبن و يغير الاربعه و هيلاقي كهومو بس رسومات تانيه غير الاصليه و هيدخلو في 2000 جنيه

[Deshahcoka]

الله اكبر :) 2000 مرة وحدة :) طيب خير اوي !

[alzwawy]

2000 ده الكاوتش العادي الكوري انما لو بريدجيستون بقي و حاجه محترمه هتخوش في 4000 ولا حاجه

[Deshahcoka]

يبقا لو كدة نمشيها من غير كوتش اجدع :) هههههه ربنا يسهل :) منلك لله يا مصر ، خربتي بيتنا !!

[alzwawy]

يبقا لو كدة نمشيها من غير كوتش اجدع :) هههههه ربنا يسهل :) منلك لله يا مصر ، خربتي بيتنا !!

هههههههههههههه حرام و مصر زمبها ايه

[Deshahcoka]

بذمتك مش عارف :) هوا في كاوتش في موزانبيق ولا مقادشيوا سمعت انه بقلل ؟ ده بلاد بره بيركبوا جنوط 24 :) مش 17 بتاعتنا الهجص ديه و عمرها ما بقللت :) و طبعاً انتا عارف الباقي بلاش نتكلم :)

صحبي بيقول انه كان مغير الفردتين الي قام اصلاً بفردتين مكسس تاريخ 2008 جداد عملوا 1000 :( تخيل انتا :) و ديه حتبقا تالت طقم للعربية :) بذمتك مش حرام ؟

[alzwawy]

والله العيب في شوارعنا مش في العربيه
انا كنت مغير واحده و عندي واحده مبقلله و ماشي بيهاِ

[aromr]

حاجة تحرق الدم فعلا

انا عربيتي عاملة 15 ألف

وامبارح ظبطت الضغط على 32 في كل الفرد

ولما روحت لقيت شبه كالوو صغنن في الفردة اللي ورا شمال


حرام لما نغير الفرد بعد 15 بس وهما المفروض ياخدوا 40 ألف

[Deshahcoka]

مهوا علشان كدة حرام اوي لانه اصلاً مغير 2 قدام مكملوش 5 الف و الازم يتغيروا اما الفقريكة اتغير بعد 15 الف :)

حاجة خربناه من كلوا : ) يلا الحمدلله

[Hosam_Optrawy]

طيب مادام هايشترى

اعرض عليه يغير المقاس

بلاش 215/45 دا

عشان حرام كدا هايصرف كتير على الكاوتش

[alzwawy]

طيب مادام هايشترى

اعرض عليه يغير المقاس

بلاش 215/45 دا

عشان حرام كدا هايصرف كتير على الكاوتش

زي ما حسام باشا بيقول خليه يجيب 215/50 هيكون احسن

[Deshahcoka]

مش ده هيغير قراية العداد ؟ ولا ايه يا باشا ؟

[Hosam_Optrawy]

مش ده هيغير قراية العداد ؟ ولا ايه يا باشا ؟

اه هايفرق فى العداد بس فى المقابل هاتريح العفشه شويه وتقلل من البلالين

وفى كمان 225/45 ودا الفرق بينه وبين اللى راكب يكاد يكون لا يذكر ومش هايعمل فرق ملحوظ فى القرايه

[iCeY]

كاتوتش البريجيستون بي 1300 جنيه مصري للفرده