رحله الى الاسكندريه بالنيو سيراتو

[mohnd2]

السلام عليكم . انا عربيتى سيراتو 2010 وعامله 1500 كم وهي ex وانا سفرت بيها اسكندريه وتجربتى مع السيارة انه سيارة عظيمه من كل النواحى اولا الثبات لحد سرعة 150 كم زى الفل ومتاثر خالص ثانيا صوت الماتور مش عالى خالص زى مبعض الزملاء قالوا ان بعد 120 كم الصوت بيبقا عالى الكلام ده مش موجود خالص ثالثا العربيه مريحه جدا فى السفر وش متعبه خالص رابعا استهلاك البنزين عالى شويه عملت 1 لتر لكل 8 كم بس احتمال عشان لسه جديدة خامسا ده استفسار ياريت الرد عليه لما بجيب الفتيس على R بحس ان صوت المتور عالى وزي مايكون فى وره كده عادى ولا لا علشان انا اول مره اجيب عربيه اتوماتيك ؟ ياريت الرد

[NoRmAl]

مبروك يا فندم على العربيه
ربنا يديك خيرها والحمد لله أنها نالت أعجابك
بخصوص سؤالك فى وره شهيره للمارشدير
هل دى الى تقصدها؟
دى فى كل العربيات وتقدر وأنت فى البيت تعرف أن فى عربيه بترجع لورا فى الشارع من صوت الوره دى
حضرتك دى عربيتك الاولى؟

[kono]

مبروك عليك يا باشا وانا معايا نفس الفئة ولحد الوقت العربية تمام جدا والحمد لله
اما بخصوص لمارش فصوته عندى عادى مش بحس باختلاف

[morasystem]

و انا كمان نفس الفئة ... و نفس الكلام برضه ... العربية صوتها مش عالى خالص بعد ال 120 و خصوصا كمان بعد لما شغلت الخاصية بتاع ال sdvc دى ولا مش عارف اسمها ايه ... و استهلاك البنزين فى نفس المشوار برضه كان حوالى 7.6 لتر فى ال 100 كيلو

ربنا يكفيك شرها يا باشا ... قولى صحيح الصحراوى بعد ما اتجدد بقى حلو ولا ايه و ايه أخبار الكماين و الرادارات؟؟؟ ... علشان هخلص امتحانات و أطلع على اسكندرية بإذن الله

[mohnd2]

شكرا على الرد وده تانى عربيه ليا واول واحدة كانت دايو نوبيرا بس كانت مانيوال علشان كده بسال موضوع الوره ده عادى فى الاتوماتيك ولا لا والصحراوى زى الفل بس برده فى مطبات الهوى بس مع السيراتو هتنسى الدنيا

[NoRmAl]

شكرا على الرد وده تانى عربيه ليا واول واحدة كانت دايو نوبيرا بس كانت مانيوال علشان كده بسال موضوع الوره ده عادى فى الاتوماتيك ولا لا والصحراوى زى الفل بس برده فى مطبات الهوى بس مع السيراتو هتنسى الدنيا

هى وره الريفرس دى فى كل العربيات مانيوال وأوتوماتيك

[mohnd2]

انت قصد حضرتك على الوره لما بكون دايس على الدواسه وبرجع ده انا عارفها لكن لما بجيب الفتيس على r بيظهر الصوت على طول وبيبقى واضح قوى لما بكون دايس على الفرامل ولما بشيل رجلى من عليها الصوت بيقل

[NoRmAl]

طيب هل الصوت بيفضل موجود طول منت دايس على الفرامل ولا بيروح بعد فتره صغيره
عايز أعرف دا صوت النقله ولا فى حاجه....

[mohnd2]

لا بيفضل موجود طول مانا دايس على الفرامل وكل ماجى اعمل مرشدير مثلا وانا بركن بيعمل نفس الصوت دة ودة تقريبا مكنش موجود اول مجبت العربيه وده ظهر بعد صيانه الالف كيلو

[NoRmAl]

خلاص وأنت بتركب الانذار قلهم عليه

[mohnd2]

ماشى وشكرا على الاهتمام

[aasaleh]

انا لسة جايب واحدة هاى لاين جنط 16 2011 بس مش عارف انسب طريقة للقيادة فى اول الف كيلو (التليين) برجاء الافادة ولو سافرت بيها برضو امشى على كام و اثبت الرعة و لا لأ

[NoRmAl]

انا لسة جايب واحدة هاى لاين جنط 16 2011 بس مش عارف انسب طريقة للقيادة فى اول الف كيلو (التليين) برجاء الافادة ولو سافرت بيها برضو امشى على كام و اثبت الرعة و لا لأ

متعديش ال3500 rpm
ومتعديش سرعه 100 كم فى الساعه
ومتخليش سرعتك ثابته
دايما تغير سرعتك يعنى حبه 100 وتنزل 70 وبعدين تطلع 90 وهكذا
يفضل متشغلش التكييف بأستمرار
بعد الالف أنسى كل دا وأعمل الى على كيفك :)

[BassamHafez]

انا لسة جايب واحدة هاى لاين جنط 16 2011 بس مش عارف انسب طريقة للقيادة فى اول الف كيلو (التليين) برجاء الافادة ولو سافرت بيها برضو امشى على كام و اثبت الرعة و لا لأ

ممكن اتقل عليك شويه

انا هجيب واحده 2011 برضو من اباظه جنط 16 وهو قاللي سعرها 114 الف

ممكن تقولي كماليات عربيتك ايه وجبتها منين وبكام عشان انا عارف ان الخليجي ممكن يبقى فيه اخد وعطى في موضوع السعر ده ويا ترى هي سعودي ولا حاجه تانيه لانهم قالولي ان السعودي احسن الخليجي وهي دي اللي عندهم

فهل الكلام مظبوط لا هما عايزين يبيعوا وخلاص

وربنا يباركلك في عربيتك ويفيك شرها

سؤال كمان معلش انت اشتريت ليها ضمان ولا لا ومع مين الضمان