تجربتى .. مع السيراتو وتكنو1

[ayman2]

الحكاية بدأت عندما اشترى أحد أقربائى سيراتو خليجي وبالتحديد سعودي وهى بها كل شىئ حتى مفتاح البصمة وفرش جلد و سعر ارخص من الوكيل وبضاعة حاضره بسم الله وماشاء الله ربنا يبارك له فيها لكنه بعد فتره قصيرة جدا بدأ يشكو من حدفه شمال مع عدم الثبات عند الضغط على الفرامل بالإضافة إلى إن العفشه ناشفة جدا ويشعر في المطبات كأن الجنط 17 ليس به كاوتش ودي كانت البداية وطبعا من مشاكل الأعضاء هنا شعرت بالقلق عليه لدرجه انه فكر في بيعها وعلى الفور تذكرت مركز تكنو 1 ولكن قبل ذلك تفقدت نوع الكاوتش فوجدت انه كومهو KH17 محترم جدا وليس صيني مثل التوكيل وتم ملؤه بالنيتروجين على ضغط 32 فإذا بالسيارة تختلف تماما وتصبح مقبولة جدا ولا تشعر بالمطبات وخلافه حتى أنى لم اصدق من كثرت ماسمعت عن عفشه السيراتو وتم الاتصال بالأستاذ كريم منير وأزعجته في المصيف وبعد ذلك ثم الاتصال بمركز تكنو1 الساعة 1 ظهرا لحجز ميعاد يوم الجمعة الماضي للكشف على السيارة وذكرت لهم على استحياء ما مدى أمكانيه اليوم (الأربعاء الماضي) فاذا بهم يقولون لا مانع ويمكن الآن وعلى الفور ذهبنا هناك الساعة 2 وأول شيء سئلت على المهندس أحمد الشحات فقالوا على وصول وعرفتهم بنفسي وأنى من نايل موتورز وتم الترحيب بنا على أكمل وجه وتم عمل صيانة 1000 وعمل Check up على السيارة بالكامل وتربيط العفشه وتمت تجربه السيارة مع مهندس المركز فإذا بالأداء يختلف تماما عن ذي قبل مع وجود نفس الحدفه الشمال وتم قياس الزوايا لها واتضح أنها مضبوطة تماما فتم تبديل مكان العجلتين الأماميتين واختفت الحدفه بشكل كبير جدا وأثناء العمل في السيارة تم التحدث مع الأستاذ محمد عبد الرازق احد مسئولي شركه أمان الشرق وهو متعاون جدا وخدوم لأقصى درجه حتى انه في حاله عمل الضمان يتم عمل صيانة 1000 مجانا ولم نكن مستعدين لعمل الضمان في ذلك الوقت حيث كان اكبر همنا هو الاطمئنان على السيارة فإذا به يعرض عمل خصم فلوس الصيانة بأثر رجعى في حال عمل الضمان في خلال 3 أيام من تاريخ عمل صيانة 1000 . وتكلفت المصنعيه 100 جنيه قبل خصم نايل موتورز لتصبح 80 بعد الخصم ليصبح اجمالى تكلفه صيانة 1000 مبلغ 415 متضمنا 50 جنيه قيمه ضبط الزوايا وأثناء ذلك حضر المهندس أحمد الشحات وتم التعارف بيننا وكنت اعتقد أنى سوف أجد رجل كبير عمرا مع كثره خبراته وشهاداته التي ذكرها أستاذ كريم ولكنى وجدت شابا كله حيوية ونشاط (ربنا يبارك له في عمره و بدنه) وكشف على السيارة مره آخري وعمل خصم اضافى ليصبح ماتم دفعه 400 جنيه فقط واهم من ذلك الاطمئنان على السيارة وإلغاء فكره بيعها .... وأنا هنا لا أقيم المركز من خلال كوب شاي أو ما شابه ولكن الخدمة والمقابلة والاهتمام على مستوى عالي ويكفى انك تستطيع أن تكون بجوار سيارتك أتناء العمل فيها والتحدث مع المهندس بحريه ووضوح كل هذا يجعلك مطمئن وأنت تشترى الخليجي بمواصفات وجوده خامات أعلى وسعر اقل وتسليم فوري بدون Over Price وكمان ضمان ..... فعلا ألف شكر للأستاذ كريم منير وربنا يجازيه خيرا والمهندس أحمد الشحات الرجل الخلوق المحترم و الأستاذ محمد عبد الرازق المتعاون جدا وتكنو1 بمهندسيه وعماله

[ابو ليلى]

ربنا يبارك فيها ويحرسها من شر العين

من الواضح ان المركز فعلا بيتعلم من اخطائه السابقة وده شى كويس جدا جدا وسبق اتكملنا كتير وقيمنا المركزوقلنا انه يكفى الراحه النفسية وتحس ان عربيتك مع ناس فاهمة هى بتعمل ايه .

ضرورى جدا الضمان حتى لو كان سنة واحده مش مهم مع مين او انهى شركة المهم يكون فى ضمان وعن تجربة بقول لكل الناس مش هتخسر كتير بس صدقونى هتكسبو كتير من راحه بال.

والف مليون مبروك بس كنا عاوزين نعرف ايه الانطباع بعد تجربه العربية .

[ayman2]

صاحب السياره مطمئن جدا وبدأ يجرى بها والأداء اختلف تماما واشترينا كمان قفل للجنوط من عند ارابكوم ب 65 بعد الخصم .. والحمد لله وانا كمان سعيد جدا من مستوى الخدمه والضمان وخلى التوكيل عايش مع نفسه

[aaet1]

معلش ياريس إيه موضوع قفل الجنوط ده

[M7amD_7amDy]

الف مبروك على الصيانة

والحمدلله ان كل شيىء بقه تمام :)

[magdy1963]

الف مبروك على الصيانة وعقبال ال100الف

[ayman2]

معلش ياريس إيه موضوع قفل الجنوط ده

ده عباره عن اربع مسامير بمفتاح مختلف لا يوجد الا معك لحمايه الجنوط من السرقه وفى موضوع هنا عنه

الف مبروك على الصيانة

والحمدلله ان كل شيىء بقه تمام :)

الحمد لله والف شكر

[ayman2]

الف مبروك على الصيانة وعقبال ال100الف

الله يبارك فيك والف شكر

[LAMBOZ]

ألف مبروك وهو بيشتغل في أي نوع ولا بس الكيا ؟

[د.محمود صلاح]

ربنا يبارك لنا في مجهودات رجالة نايل موتورز ..

[mastr_n]

مبروك على الصيانة
بصراحة انا ناوى اعمل الصيانة فية بردة اهو احسن من اى مكان تانى على الاقل هنلاقى ناس فاهمة والعربية هاتكون تحت نظرى


مش كدة ولا اية

[ayman2]

مبروك على الصيانة
بصراحة انا ناوى اعمل الصيانة فية بردة اهو احسن من اى مكان تانى على الاقل هنلاقى ناس فاهمة والعربية هاتكون تحت نظرى


مش كدة ولا اية

+11111111111

[ayman2]

ألف مبروك وهو بيشتغل في أي نوع ولا بس الكيا ؟

تقريبا شغال فى كل الخليجى انا رايت عنده باسات و جيتا و فورد كتير جدا و كيا طبعا وهيونداى لأنه مركز صيانه معتمد لها وكمان عرض يعمل صيانه للفيات

[NoRmAl]

أهلا بيك يا أستاذ أيمن وأهلا باللينيا :))
ياريت كنت جيت المقابله مع يوكو
إن شاء الله نشوفك المقابله الجايه
على فكره الكاوتش كله كورى سواء وكيل أو خليجى
ومش قادر أفسر موضوع الحدفه
ليه العربيه بتنزل الضغط مش متظبط كله صح
وحكايه تبديل العجل دى
كل دا مش لقيله تفسر الحقيقه
شكرا يا باشا على الموضوع

[ayman2]

أهلا بيك يا أستاذ أيمن وأهلا باللينيا :))
ياريت كنت جيت المقابله مع يوكو
إن شاء الله نشوفك المقابله الجايه
على فكره الكاوتش كله كورى سواء وكيل أو خليجى
ومش قادر أفسر موضوع الحدفه
ليه العربيه بتنزل الضغط مش متظبط كله صح
وحكايه تبديل العجل دى
كل دا مش لقيله تفسر الحقيقه
شكرا يا باشا على الموضوع

اهلا وسهلا بيك .. انا دائما مواعيد المقابله دايما بتخبط فى الشغل مش عارف ليه ودايما كان نفس احضر وايه أخبار هندسه عين شمس والله وحشانى جدا
انا كنت فى الأول ناوى على السيراتو لكن حركات Over Price زعلتنى علشان كده انا عارفها كويس جدا واعتقد فى بعض الدفعات كان بينزل الكاوتش الصينى لكن الكومهو KH17 دايما فى الخليجى
موضوع الحدفه الشمال غريب جدا وطبعا تبديل العجل مش حل وانا اليوم احد اصدقائى اشترى خليجى واشتكى برضه من الحدفه شمال مع انه عمل 10000 ودى من ساعه ماشتراها .تفتكر ده عيب صناعه ولا ايه محدش فاهم ومحدش عاوز يقول حاجه
والف شكر ليك ونفسنا نتقابل