غسيل الموتور للنيو سيراتو

[maghnom]

يا جماعة انا عندي نيو سيراتو معايا كده بقالها 8 شهور و عاملة فوق ال 9 الاف و عايز اغسل الموتور بتاعها لانه ما اتغسلش ولا مرة حتى الآن بس خايف
هي هناك اي مخاطر من غسل الموتور في السيراتو تحديدا؟
هل من الممكن اغسلها في اي محطة بنزين؟ ( انا مخاصم التوكيل بعد عملة العربيات الخليجي و نويت ان صيانة ال 10 الاف مش هعملها و هغير زيت و فلتر في بنزينة شل و خلاص لحد ما الاقي بديل مقنع للتوكيل في موضوع الصيانة)

المهم اتوكل على الله و اغسل الموتور في محطة البنزين ولا دي حاجة المفروض ما تتعملش برة التوكيل؟

شكرا لكل الردود مقدما

[Atrees]

ههههههه


ولا يهمك يا باشا انا غاسلة بتاع 6 مرات

المحطة ممكن تغسلة بس يغطي الكنترول يونيت وكمان ميغرقهاش ميه

[magdy1963]

ههههههه


ولا يهمك يا باشا انا غاسلة بتاع 6 مرات

المحطة ممكن تغسلة بس يغطي الكنترول يونيت وكمان ميغرقهاش ميه

عتريس باشا هو فعلا انت جربت غسيل الوتور بالماء ولا الفوم وهوة مفيش مشكلة وشكراعلى مجهودك

[EhabNoor]

أنا كنت بغسل الموتور تقريبا مرة كل شهر و بالفوم و المية و الحمد لله رب العالمين ما كانش في أي مشكلة هو بس يعني الأفضل انك تنضف الموتور بالهوا لأني سمعت ان تنضيف الموتور بالمية باستمرار مش كويس و ده لأي عربية مش بس السيراتو ، مهي السيراتو زيها زي اي عربية هو ليه لازم نخص السيراتو بالذكر (زي ما حضرتك كاتب "السيراتو تحديدا" ده طبعا مع احترامي الشديد لكلام حضرتك ، و كأننا بنقلل من قيمة السيراتو و ده مش صح أبدا ، لأن الحقيقة المقارنات كتير و العربية من ساعة ما نزلت و هي بتتحط في مقارنات مع كل العربيات اللي من فئاتها و الأعلي كمان و الحمد لله رب العالمين أثبتت جدارة و مكانة .. من الآخر .. شابو للسيراتو و كل السيراتوية ، و ما تقلقش يا أستاذ ماجنوم

[revel_sony]

انا ياريس بنضف الموتور بالهواء علي طوووول وبخاف من غسيل الميه مش كل محطات البنزين كويسه في الموضوع ده

[lolly136]

ههههههه


ولا يهمك يا باشا انا غاسلة بتاع 6 مرات

المحطة ممكن تغسلة بس يغطي الكنترول يونيت وكمان ميغرقهاش ميه

+1111111
أهم حاجة الكنترول يونيت

[maghnom]

أنا كنت بغسل الموتور تقريبا مرة كل شهر و بالفوم و المية و الحمد لله رب العالمين ما كانش في أي مشكلة هو بس يعني الأفضل انك تنضف الموتور بالهوا لأني سمعت ان تنضيف الموتور بالمية باستمرار مش كويس و ده لأي عربية مش بس السيراتو ، مهي السيراتو زيها زي اي عربية هو ليه لازم نخص السيراتو بالذكر (زي ما حضرتك كاتب "السيراتو تحديدا" ده طبعا مع احترامي الشديد لكلام حضرتك ، و كأننا بنقلل من قيمة السيراتو و ده مش صح أبدا ، لأن الحقيقة المقارنات كتير و العربية من ساعة ما نزلت و هي بتتحط في مقارنات مع كل العربيات اللي من فئاتها و الأعلي كمان و الحمد لله رب العالمين أثبتت جدارة و مكانة .. من الآخر .. شابو للسيراتو و كل السيراتوية ، و ما تقلقش يا أستاذ ماجنوم

بالعكس يا باشا انا من اكتر المقتنعين بالسيراتو و كفائتها و تميزها عن غيرها و بستغرب و بتجنن من اي حد يشكك فيها او يفتكس فيها اي عيب لانها عربية بجد تحفة في قدراتها و كفائتها و جودتها خصوصا موضوع الثبات اللي هي اصلا متميزة فيه بشدة و بستغرب من اللي بيقلل منها في النقطة دي بالذات مع ان الثبات هو احد نقاط قوتها الواضحة اوي, غير ان العربية معايا من 8 شهور و عامل بيها 9 الالف كيلو معظمهم خدمة شاقة و ما شفتش منها اي مشكلة و لا اي نقطة ضعف بصراحة, انا بس بسال من كتر خوفي عليها لاني عايز احافظ عليها مش اكتر و شكرا لردك و اتمنى المزيد من التواصل ان شاء الله

+1111111
أهم حاجة الكنترول يونيت

معلش يا باشا اعذرني لعدم معرفتي بس الكنترول يونيت فين بالظبط علشان اتأكد بنفسي انها اتغطت قبل الغسيل في حالة اذا كان العامل ما يعرفش؟

[kono]

انا كنت عاوز اغسلة مرة بتاع المشحمة قالى اوعى تغسلى بالميه وبيتغسل بالفوم وبيغطى الكنترول بوينت وممكن يتغسل بالهوا برضه

[maghnom]

محدش قالي يا جماعة الكنترول يونيت في السيراتو بتكون فين؟
و يا ترى فيه صور ليها؟

[magdy1963]

محدش قالي يا جماعة الكنترول يونيت في السيراتو بتكون فين؟
و يا ترى فيه صور ليها؟

ياباشا الكنترول دة الجزء اللى بيبقى جنب الفلتر

[moha4tec]

محدش قالي يا جماعة الكنترول يونيت في السيراتو بتكون فين؟
و يا ترى فيه صور ليها؟

على يمين علبة الفلتر يا باشا حته حديده عمله زى البلاى ستيشن وقفه على راسهااو سنها بالجنب