انا هشترى عربية بيكانتو 2010 وارجوا الافادة

[magedm2007]

صباح الفل

انا إن شاء الله هشترى عربية كيا بيكانتو من عند سمير ريان بالقسط هدفع 40 الف واقسط الباقى على خمس سنوات وكنت بسأل كام سؤال كدة
1- اية الحاجات اللى بتيجى مع العربية
2- هل ينفع اشغل التكيف قبل 1000 كيلو ولا استنى بعد الالف كيلو
3- ترخيص العربية دى هيبقى سنة واحد فط مش ثلاث سنوات عشان القسط بتاع البنك هيتكلف كام
4- اكشف على اية فى العربية وانا بشتريها
5- بحتاج حد من عند سمير ريان عند الترخيص ولا ممكن اروح ارخص لوحدى
وشكرا على افادة سيادتكم

[al_qassam2003]

السلام عليكم
الف مبروك العربية
ربنا يديك خيرها ويكفيك شرها

[A.Saad]

- اية الحاجات اللى بتيجى مع العربية
الاستبن ، الكوريك ، طفاية السجاير ، الولاعة ، الاريال ، الكتالوج ، كتاب الضمان بتاخده بعدها
2- هل ينفع اشغل التكيف قبل 1000 كيلو ولا استنى بعد الالف كيلو
المعتاد استنى شوية
المهم ما تعليش rpm فوق 3000 و ما تمشيش بسرعات عالية
3- ترخيص العربية دى هيبقى سنة واحد فط مش ثلاث سنوات عشان القسط بتاع البنك هيتكلف كام
4- اكشف على اية فى العربية وانا بشتريها
اكشف على كل حاجة
شغل الاضاءة ، التكييف ، الكلاكس ، المساحات ، جرب الابواب ، انظر على الكبوت و العفشة طبعا
5- بحتاج حد من عند سمير ريان عند الترخيص ولا ممكن اروح ارخص لوحدى
لو هتاخد حد بسهل لك شوية
وبتاخد ورق
الافراج الجمركى
شهادة البيانات
ايصال استلام السيارة
الاجابات مع الاسئلة

[YaSSerwIN]

استاذ احمد اجاب عن معظم الأسئلة

بالنسبة لتكلفة الترخيص أول مرة هاتدفع فى حدود 600 دة شامل

الضريبة + التأمين الأجبارى + الاستمارات + التصوير والملفات وغيره + شراء الطفاية + النمر

ودة لسنة واحدة علشان التقسيط

وتانى سنة هاتتكلف حوالى 280 جنية دة بردك لسنة واحدة

بالنسبة سمير ريان اول لما ورق العربية بيجهز عنده بيكلمك مندوب من عنده بينسق معاك هاتروح ترخيص العربية امتا وبيكون

معاه الورق كلة الأفراج الجمركى وشهادة البيانات وجواب البنك بتاع الحظر

كل ما عليك انك هاتصور نسخة من الورق دة للأحتفاظ بها ليك وهو بيعملك كل حاجة فى المرور وبياخد فى الأخر الى فيه النصيب

( ياعنى حسبة 50 جنية )

سمير ريان بيسلمك ورقة اقرار استلام سيارة ولا بيديك فاتورة ولا بيديك اى حاجة

اهم حاجة تاخد جولة حولين العربية وتشيل الاستيكر الابيض هناك علشان ساعات بيبقا فيه خبطات تحت الاستيكر وتنزل تحت

العربية تبص على العتب علشان ساعات بتتخبط من تحت اثناء العرض وخلافه

[magedm2007]

اشكركم جدا على مساعدتكم لية

[Nistelrooy]

( ان شاء الله )

[mohie777]

مبروك مقدما

وربنا يديك خيرها ويكفيك شرها

[mahgary]

الف مبروك وربنا يديك خيرها ويكفيك شرها

[omaroof]

رد الاخوه ماشاء الله كافى ووافى
بس ليا تعقيب
التكييف يشتغل عادى مافهوش مشاكل خصوصا ان ال1000 كيلو الاولى حايطولو لو جوا البلد وانته اللى حاتتعذب فشغل التكييف عادى بس ماتشدش بالعربيه وماتعلايش الريس اكثر من 3000

[elrasy]

استاذ احمد اجاب عن معظم الأسئلة

بالنسبة لتكلفة الترخيص أول مرة هاتدفع فى حدود 600 دة شامل

الضريبة + التأمين الأجبارى + الاستمارات + التصوير والملفات وغيره + شراء الطفاية + النمر

ودة لسنة واحدة علشان التقسيط

وتانى سنة هاتتكلف حوالى 280 جنية دة بردك لسنة واحدة

بالنسبة سمير ريان اول لما ورق العربية بيجهز عنده بيكلمك مندوب من عنده بينسق معاك هاتروح ترخيص العربية امتا وبيكون

معاه الورق كلة الأفراج الجمركى وشهادة البيانات وجواب البنك بتاع الحظر

كل ما عليك انك هاتصور نسخة من الورق دة للأحتفاظ بها ليك وهو بيعملك كل حاجة فى المرور وبياخد فى الأخر الى فيه النصيب

( ياعنى حسبة 50 جنية )

سمير ريان بيسلمك ورقة اقرار استلام سيارة ولا بيديك فاتورة ولا بيديك اى حاجة

اهم حاجة تاخد جولة حولين العربية وتشيل الاستيكر الابيض هناك علشان ساعات بيبقا فيه خبطات تحت الاستيكر وتنزل تحت

العربية تبص على العتب علشان ساعات بتتخبط من تحت اثناء العرض وخلافه

وكلام صح جدا
واهم حاجة انك تحاول تبص على العربية من تحت لانى كنت ساكن امام سمير ريان وفى اوقات لما يحطوا العربيات فوق الرصيف اوقات بتتخبط,, خلى بالك.

[lenasam]

الف مبرو ك يا باشا
ويارب يديك خيرها و يكفيك شرها

[fawzyyyy]

الف مبروووك يا كبيير العربية ديه جميلة جدا و من اجمل العربيات الهاتشباك
ربنا يحميهالك و يكفيك شرها

[hosamenter]

الف الف مبروك الردود الى فاتت فيه كل حاجة ياريت تاخد حد معاك يكون عندة شوية خبره علشان يستلم العربية واستلم بالنهار واهم حاجة لازم تشوف العربية من تحت كويس جدا وربنا يوفقك

[magedm2007]

شكرا جدا لسيادتكم انا استلمت العربية يوم الجمة اللى فاتت وفعلا العربية فوق الممتازة بس يعبها انها مفهاش كاسيت لية مش عارف جدت على الكاست مش عارف اية الحكمة من كدة وبالنسبة للتلين انا مبشغلش التكيف عشان خايف بصراحة ومبزودش عن 3000 لفة عداد الار بى ام وهحاول اطلع بيها طلعة للأسكندرية عشان اخلص من موضوع التلين دة
بالنسبة للكاسيت اية النوع الحلو بس ميكنش غالى وشكرا

وشكرا جدا على ارائكم

[M.ABDEEN]

مبروك مقدما يا باشا