إعـــــــلان

Collapse

.

,
See more
See less

الحمد لله اشتريت كيا سول وكيل

Collapse
X
 
  • Filter
  • الوقت
  • Show
Clear All
new posts

  • الحمد لله اشتريت كيا سول وكيل

    ازيكم ياجماعه
    بعد تفكير ولف كتير استقريت علي سول وكيل بعد ما تنازلت عن الايه بي اس في سبيل الوكيل ولاني كنت خايف اتبهدل مع الخليجي مع اني اتصلت علي الاستاذ كريم منير واكدلي مصداقيه تكنو ون
    لان الحمد لله هوا نصيبي كدا بالاضافه انو انا المعرض الي اشتريت منه كان عامل اوفر معقول
    سعر العربيه 116 بدون فتحه سقف موديل 2010
    هيجي الورق المعرض يوم السبت ان شاء الله وهرخص يا السبت يا الحد
    كنت عايز منكم شويه مساعده
    اول مره اشتري عربيه في مصر فا مش عارف في المعرض قالي انو هيطلع معايا حد المرور علشان ارخص وقالي تقريبا هتكلف 1500 او 1600 جنيه في الترخيص فا انا مش عارف هل كدا معقول ولا ايه وهل الراجل الي هيطلع معايا من التوكيل هياخد فلوس هل في ناس في المرور هتاخد فلوس تاني ولا ايه
    وهل كدا سعر العربيه كويس ولا لأ
    وكمان ياريت تدعولي بقا ربنا يديني خيرها ويكفيني شرها كدا علشان ربنا يباركلي فيها
    وان شاء الله لما امشي بيها شويه اعملكم تقيم
    اه
    كنت عايز اعرف كمان مين احسن شركه اعمل تأمين عندها
    وشكرا ليكم كلكم
    :wink10:

  • #2
    ألف مبروك يا باشا وربنا يديك خيرها ويكفيك شرها يا رب
    السعر كويس جدا الصراحه
    بخصوص الترخيص
    1600 جنيه دا على أساس 3 سنين وانت هتروح تعد باشا ومتتحركش من مكانك ولا تدفع مليم زياده
    لو كدا ماشى مبلوعه
    أنما هناك كمان تطلع 20 فى 20 وكل شويه يقلك هات كذا يبقى كتير
    المفروض الترخيص 3 سنين يعمل بتاع 1100 أو 1200 حاجه كدا
    فا ال400 أو ال500 دول بتوع شغل الراجل الى المفروض هيخلصلك الحاجه وأنت واقف
    ودى مسعره على فكره :) ومعروفه
    فتأكد أنها 3 سنين وأنك مش هتدفع حاجه غير ال1600 جنيه بس بالسلطات والحاجه الساقعه
    أنا مأمن مع مصر للتأمين هما كويسيين لكن غلباويين شويه
    مبروك مره تانيه
    [CENTER][FONT=Century Gothic][I]I am my problem[/I][/FONT][/CENTER]
    [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
    [CENTER]Eng. M.Ali[/CENTER]

    Comment


    • #3
      يعني سياسة الوكيل في تخويف الناس شغالة فعلا و بتجيب نتيجة !!!

      ألف مبروك يا جيمي مادام حضرتك مستريح كده ودي أهم حاجة ...

      التأمين المحترم هو أليانز من كل اللي أعرفهم هو نسبته أكبر بس تعامل كويس جدا ...

      1600 كويس بس ماتزودش عن كده قوي

      انت تديله 1000 و انت داخل المرور و تسيبه و تغطس لحاااااااااااااااااااااااااااااااد ما يطلع بالرخصة تديله ال600 و سلام سلام
      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

      Comment


      • #4
        بص انا لما روحت المرور مفيش واحد في المرور ماخدشي فلوس كل شباك وكل واحد اللي هيرفعلك البصمة هياخد فلوس لان ببساطة كل اللي في المرور بيبقوا مستنيين حلاوة العربية الجديدة انا رخصت من اسبوع او ١٠ ايام كدة في مرور العجوزة كلوا خد فلوس دة انا ياراجل وقفت في بنزينة وماكنتش علقت نمر لسة البنزينة كلها اتلمت عليا وعايزين الحلاوة اللي يمسح الازاز واللي يجيلي يعرض عليا حاجات واللي واقف كلهم عايزين الحلاوة فانت اديهم بس مش كتير علشان تكسر عينهم بس ومبروك علي العربية

        Comment


        • #5
          المشاركة الأصلية كتبت بواسطة normal مشاهدة المشاركة
          ألف مبروك يا باشا وربنا يديك خيرها ويكفيك شرها يا رب
          السعر كويس جدا الصراحه
          بخصوص الترخيص
          1600 جنيه دا على أساس 3 سنين وانت هتروح تعد باشا ومتتحركش من مكانك ولا تدفع مليم زياده
          لو كدا ماشى مبلوعه
          أنما هناك كمان تطلع 20 فى 20 وكل شويه يقلك هات كذا يبقى كتير
          المفروض الترخيص 3 سنين يعمل بتاع 1100 أو 1200 حاجه كدا
          فا ال400 أو ال500 دول بتوع شغل الراجل الى المفروض هيخلصلك الحاجه وأنت واقف
          ودى مسعره على فكره :) ومعروفه
          فتأكد أنها 3 سنين وأنك مش هتدفع حاجه غير ال1600 جنيه بس بالسلطات والحاجه الساقعه
          أنا مأمن مع مصر للتأمين هما كويسيين لكن غلباويين شويه
          مبروك مره تانيه
          الله يبارك فيك يا باشا والف شكر علي النصيحه
          :wink10:

          Comment


          • #6
            المشاركة الأصلية كتبت بواسطة ahmed samy مشاهدة المشاركة
            يعني سياسة الوكيل في تخويف الناس شغالة فعلا و بتجيب نتيجة !!!

            ألف مبروك يا جيمي مادام حضرتك مستريح كده ودي أهم حاجة ...

            التأمين المحترم هو أليانز من كل اللي أعرفهم هو نسبته أكبر بس تعامل كويس جدا ...

            1600 كويس بس ماتزودش عن كده قوي

            انت تديله 1000 و انت داخل المرور و تسيبه و تغطس لحاااااااااااااااااااااااااااااااد ما يطلع بالرخصة تديله ال600 و سلام سلام
            والله الفكره مش فكره انها شغاله او لا
            انا لو عليا مش فارقه كتير واكيد كنت هجيب الخليجي لكان الوالد مقتنعش نهائي وقالي مش عايز اوجع دماغي بعدين وانا ماليش خير غيره فا قلت خلاص بقا كلها جت في ساعتها ودفعنا معا اننا مكناش نزلين نشتري كان نازل يتفرج معايا بس العربيه كانت عجباني
            وربنا يبارك فيك يا باشا
            :wink10:

            Comment


            • #7
              المشاركة الأصلية كتبت بواسطة m_m_k_z مشاهدة المشاركة
              بص انا لما روحت المرور مفيش واحد في المرور ماخدشي فلوس كل شباك وكل واحد اللي هيرفعلك البصمة هياخد فلوس لان ببساطة كل اللي في المرور بيبقوا مستنيين حلاوة العربية الجديدة انا رخصت من اسبوع او ١٠ ايام كدة في مرور العجوزة كلوا خد فلوس دة انا ياراجل وقفت في بنزينة وماكنتش علقت نمر لسة البنزينة كلها اتلمت عليا وعايزين الحلاوة اللي يمسح الازاز واللي يجيلي يعرض عليا حاجات واللي واقف كلهم عايزين الحلاوة فانت اديهم بس مش كتير علشان تكسر عينهم بس ومبروك علي العربية
              يا باشا الف مبروك وان شاء الله ربنا يديك خيرها ويكفيك شركها
              حضرتك جبت ايه؟؟
              وممكن تقلي تقريبا دفعت اد ايه فلوس في الليله كلها وهل الراجل الي بينزل معاك يخلص الورق بياخد فلوس هوا كمان ولا ايه النظام؟؟؟
              :wink10:

              Comment


              • #8
                الف مبروك يا باشا ربنا يديك خيرها ويكفيك شرها

                انا كنت مرخص سنة واحدة ب 700 جنيه تقريبا واديت مندوب الشركة 100 وكل اللى عملته انى دخلت الفحص بس وسيبته ومشيت ورجعت تانى بعدها بفترة كان هو خلص كل الاجراءات
                شوف بقى ضريبة 3 سني كام وحسبها
                [SIZE="3"]نحن قوم اعزنا الله بالاسلام فاذا ابتغينا العزة بغيره اذلنا الله[/SIZE]

                Comment


                • #9
                  الف مبروك يا باشا ...
                  هترخص فى مرور ايه؟

                  الاكيد بالطفايه و التأمين الاجبارى و النمر الجديده و الضريبه 3 سنين و رش على خفيف عملت 1200 و الراجل اللى كان معايا اخد 100 (بس ده امين شرطه من خلال ظابط معرفه)
                  [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                  Comment


                  • #10
                    المشاركة الأصلية كتبت بواسطة mohamed_selim مشاهدة المشاركة
                    الف مبروك يا باشا ...
                    هترخص فى مرور ايه؟

                    الاكيد بالطفايه و التأمين الاجبارى و النمر الجديده و الضريبه 3 سنين و رش على خفيف عملت 1200 و الراجل اللى كان معايا اخد 100 (بس ده امين شرطه من خلال ظابط معرفه)
                    انا مرور اكتوبر
                    :wink10:

                    Comment


                    • #11
                      المشاركة الأصلية كتبت بواسطة kono مشاهدة المشاركة
                      الف مبروك يا باشا ربنا يديك خيرها ويكفيك شرها

                      انا كنت مرخص سنة واحدة ب 700 جنيه تقريبا واديت مندوب الشركة 100 وكل اللى عملته انى دخلت الفحص بس وسيبته ومشيت ورجعت تانى بعدها بفترة كان هو خلص كل الاجراءات
                      شوف بقى ضريبة 3 سني كام وحسبها
                      ربنا يبارك فيك يا باشا
                      :wink10:

                      Comment


                      • #12
                        المشاركة الأصلية كتبت بواسطة gemy215 مشاهدة المشاركة
                        انا مرور اكتوبر
                        معرفش نظامه ايه بس ساعات لما المرور يكون ممسوك صح موضوع الحلاوه ده مبيكونش بالشكل الفظيع زى مرور سايبينه للموظفين ... يا ريت لو حد من الاعضاء جرب هناك يقولك ...
                        [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                        Comment


                        • #13
                          المشاركة الأصلية كتبت بواسطة mohamed_selim مشاهدة المشاركة
                          معرفش نظامه ايه بس ساعات لما المرور يكون ممسوك صح موضوع الحلاوه ده مبيكونش بالشكل الفظيع زى مرور سايبينه للموظفين ... يا ريت لو حد من الاعضاء جرب هناك يقولك ...
                          معتقدش انو بقا فيه مكان في مصر مش سايب
                          كله مبيمشيش غير بالطريقه دي
                          عماتا انا مستني الورق يجي من كيا للموزع واحتمال يكون السبت او الحد واروح ارخص بأذن الله
                          :wink10:

                          Comment


                          • #14
                            ايوه طبعا للاسف كله لازم فى دفع بس فى احيانا دفع بشياكه و اللى هتجيبه و كده كده الدنيا ماشيه و فى دفع و انت دراعك ملوى و ده بيرجع لادارة المكان ....

                            مره كنت بنقل رخصة السواقه من مرور لمرور و الموظف قعد يغنى ده المرور اللى جايه منه الرخصه عاملين كام قضية تزوير لرخص من هناك و انا تعبت قوى عشان اجيبلك الملف و الموضوع صعب و كلام كده قولتله عايز كام يعنى .. قاللى لأ فلوس لأ هتلى علبة سجاير ... كان ساعتها مدير المرور مركب كاميرات جايباله الشبابيك كلها و لو شاف فلوس هيضيعه .... طبعا الكلام ده من ييجى 12 سنه فكانت الطلبات من عينة علبة سجاير بجوز جنيهات :)))))
                            [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                            Comment


                            • #15
                              الف مبروك ربنا يباركلك فيها

                              هو المعرض عمل لك خصم ولا هى سعرها الرسمى بقى 116 خلاص ؟
                              [aldl]http://s17.postimg.org/ygne2hebj/F2000045710.jpg[/aldl]

                              Comment

                              Working...
                              X