ياجماعه بالله عليكو اشتري سيراتو 2010 منين تعبت

[aspilot]

السلام عليكم معلش دي اول موضوع ليا ويكون طلب بس انا تعبت فعلا بقالي اسبوعين بلف علي معارض واتوكيل بيقولي استني 3 شهور او خد اس اكس هاي لاين

انا عايز اس اكس بضمان الوكيل استلم فوري وهدفع مقدم 30 % بصوره البطاقه وقسط لحد 2000 شهري علي
60 وبدون جظر بيع حتي لو القسط هيزيد شويه

المشكله اني روحت معرض قالي بصوره البطاقه بس وبعدين رجع قالي لو 40 % امشيها
روحت معرض تاني قالي تكون شغال في شركه بقالك 3 شهور
روحت معرض ثالث قالي الفايده 10ونص %
المشكله الاكبر روحت معرض اداني العربيه مبهدله وكانت عامله 90 كيلو ومادنيش سبب واضح ليه
وكله بيقولي ادفع المبلغ وابقي استلم بعدين وبخاف ادفع ويقعد يمطحوني عقبال مااستلم العربيه

انا خايف اخد عربيه مفصول عدادها وماشيه او حاجه مش مظبوطه وانا مابفهمش في العربيات خالص ومش بثق في اي معرض
ياريت ياجماعه حد يساعدني
شكرا

[aspilot]

انا مستني رد والله ياجماعه وشفت في كذا موضوع ناس بتسال عن معارض كويسه وبرضه مفيش رد
لو ناديت حي لاسمعته ولكن
لاحياه لمن تنادي

[m_m_k_z]

روح فور برزرز ناس محترمة جدا جدا جدا انا اشتريت عربيتي من هناك بقالي ١٠ ايام لو عايز نمرة التليفون او اي تفاصيل كلمني وانا تحت امرك تليفوني ٠١٠٣٥٥٣٠١٨ مهندس محمد مصطفي

[ahmology]

روح معرض عربيات في المهندسين قدام جامع الحامديه الشاذليه انا لسا شاري من عندهم من اسبوع وناس محترمين بصراحه تسليم فوري وعربيات وكيل بس بصراحه 30% وبدون حظر بيع دي صعبه شويه اول مره اسمع عنها .... وربنا يكرمك بعربيه كويسه ومبروك مقدما

[kh_talaat]

روح سمير ريان عندهم كمية عربيات رهيبة ومعظم العربيات معروضة عندهم وبتشوف العربية قبل ما تدفع ولا مليم ومفيش حاجه اسمها ادفع مبلغ تحت الحساب عشان نجيبلك العربية

انا عارف ان سمير ريان ناس كتير بتقول ان سمعته وحشه لكن بصراحه اخر مره روحته كان محترم جدا ومواعيدهم مظبوطه في التسليم وأسعارهم حلوة جدا

بس سمير ريان تقسيطة مع البنوك

[magdy1963]

عندك معرض جودى امام فور برازر ناس كويسة لسة من شهر جايب واحدة سبترونيك من عندهم

[LeperMessiah]

عندك معرض جودى امام فور برازر ناس كويسة لسة من شهر جايب واحدة سبترونيك من عندهم

سبترونيك ؟ انا كنت فاكر ان كل السيراتو فتيس بيجى بالطول بس

هو يا اما حضرتك بتسوق للمعرض ده او مش فاهم قوى و فى الحالتين نرجو عدم الرد لان ده هايتوه الراجل




بص يا اخى الخلاصه فى السوق من غير حظر بيع يبقى مقدم 40% على الاقل او ضمان وديعه
و مقدم ال 10-20-30-40 % عموما لازم تكون موظف مش اقل من ٣ شهور و احيانا ٦ و قسطك مايعديش 40% من الدخل
انما اعمال حره و خلافه انسى لازم على الاقل 50% مقدم
الوضع واحد بالنسبه للمعارض كلها لان اللى قولتهولك ده خلاصه لفى و خبرتى فى السوق و المعرض اللى يقولك غير كده هايرجع يغير كلامه بعدبن فنصيحه خليك فى المعارض الكبيره احسن بضاعه نظيفه مضمونه و هايخاف على سمعته و بيكون فاهم نظام البنوك كويس مش هايسوحك و لو عايز تفاصيل اكتر كلمنى عاى الخاص اديلك رقم موبيلى

[aspilot]

شكرا ياجماعه علي الي ردو ربنا يبارك فيكو هو انا طيار يعني مش اعمال حره بس هو موضوع بدون حظر بيع دي لازم ليا عشان انا لسه جايه كنت بطير في السعوديه ولسه جايه من شهر ونص وجيت شركه هنا في مصر فلازم بدون حظر بيع عشان لو هروح شركه تانيه او اسافر اي بلد اعرف ابيعها واسدد اقسطها بسهوله اا انو مرتبي والموضع اربعين في الميه ده فالمرتب عالي الحمد لله
اماموضوع اني موظف من 3 شهور دي مش هتنفع لاني في الشركه دي من شهر ونص بس
فمش عارف اعمل ايه

[magdy1963]

سبترونيك ؟ انا كنت فاكر ان كل السيراتو فتيس بيجى بالطول بس

هو يا اما حضرتك بتسوق للمعرض ده او مش فاهم قوى و فى الحالتين نرجو عدم الرد لان ده هايتوه الراجل




بص يا اخى الخلاصه فى السوق من غير حظر بيع يبقى مقدم 40% على الاقل او ضمان وديعه
و مقدم ال 10-20-30-40 % عموما لازم تكون موظف مش اقل من ٣ شهور و احيانا ٦ و قسطك مايعديش 40% من الدخل
انما اعمال حره و خلافه انسى لازم على الاقل 50% مقدم
الوضع واحد بالنسبه للمعارض كلها لان اللى قولتهولك ده خلاصه لفى و خبرتى فى السوق و المعرض اللى يقولك غير كده هايرجع يغير كلامه بعدبن فنصيحه خليك فى المعارض الكبيره احسن بضاعه نظيفه مضمونه و هايخاف على سمعته و بيكون فاهم نظام البنوك كويس مش هايسوحك و لو عايز تفاصيل اكتر كلمنى عاى الخاص اديلك رقم موبيلى

شكرا على ردك يابوالفهم كلة المفروض انى دى وجهات نظر وانا بتكلم على انا اتعاملت معاهم ناس محترمة مش معنى كدةانى بسوق للمعرض المفروض لما تتكلم تتكلم بعلم وماتخبطش وعالعموم كل واحد ليةراى وهوة حر

[santacruz]

انا دايخ زيك يانجم

[LeperMessiah]

شكرا ياجماعه علي الي ردو ربنا يبارك فيكو هو انا طيار يعني مش اعمال حره بس هو موضوع بدون حظر بيع دي لازم ليا عشان انا لسه جايه كنت بطير في السعوديه ولسه جايه من شهر ونص وجيت شركه هنا في مصر فلازم بدون حظر بيع عشان لو هروح شركه تانيه او اسافر اي بلد اعرف ابيعها واسدد اقسطها بسهوله اا انو مرتبي والموضع اربعين في الميه ده فالمرتب عالي الحمد لله
اماموضوع اني موظف من 3 شهور دي مش هتنفع لاني في الشركه دي من شهر ونص بس
فمش عارف اعمل ايه

بص يا سيدى حظر البيع مش مشكله لو عايز تبيع لأنك كده كده هاتسدد التمن كاش و تفك حظر البيع بسرعه فا متدققش على الموضوع ده و توكل على الله
بس فى الغالب هاتضطر تستنى كمان شهر و نص لحد لما تكمل 3 شهور فى الشركه بتاعتك و يا سلام لو عندك تحويل مرتب يبقى ممكن تروح بنك اسكندريه و مقدم 20% بس و الفايده هاتكون 6.2% و ديه اقل حاجه فى السوق و ربنا يكرمك

شكرا على ردك يابوالفهم كلة المفروض انى دى وجهات نظر وانا بتكلم على انا اتعاملت معاهم ناس محترمة مش معنى كدةانى بسوق للمعرض المفروض لما تتكلم تتكلم بعلم وماتخبطش وعالعموم كل واحد ليةراى وهوة حر

يا سيدى انا اسف لو حصل سوء تفاهم بس جمله حضرتك مكنتش واضحه خالص و مش وافيه و بصراحه سبترونيك ديه شككتنى اكتر و عموما انا اسف

[magdy1963]

بص يا سيدى حظر البيع مش مشكله لو عايز تبيع لأنك كده كده هاتسدد التمن كاش و تفك حظر البيع بسرعه فا متدققش على الموضوع ده و توكل على الله
بس فى الغالب هاتضطر تستنى كمان شهر و نص لحد لما تكمل 3 شهور فى الشركه بتاعتك و يا سلام لو عندك تحويل مرتب يبقى ممكن تروح بنك اسكندريه و مقدم 20% بس و الفايده هاتكون 6.2% و ديه اقل حاجه فى السوق و ربنا يكرمك





يا سيدى انا اسف لو حصل سوء تفاهم بس جمله حضرتك مكنتش واضحه خالص و مش وافيه و بصراحه سبترونيك ديه شككتنى اكتر و عموما انا اسف

حصل خير ياباشا احنا كلنا اخوات

[A.Saad]

انا عايز افهم حاجة
نت هتقسط مباشر مع المعرض ولا مع بنك

[soska]

يا جماعه طب لو حد في نفس الظروف بس هدفع مقدم 50% (وده فعلا بيكون بصوره البطاقه بس ولا ايه)بس عايزاها من غير حظر بيع ومن غير اى اجراءات ليها علاقه بشغلى ...ولو نظام اسلامى يبقي تقريبا هدفع قسط كام شهريا؟وهتكون تقسيط من المعرض ولا من البنك وهيكون ايه الفرق بينهم؟