سؤال عن توكيل كيا....و تكنو وان

[esp]

السلام عليكم

هل السيراتو الخليجي ممكن يتعملها صيانه في التوكيل؟ انا سمعت ان ده ممكن لو دفعت مبلغ 4000 ج

و هل التوكيل افضل ولا تكنو وان في الصيانات العاديه؟

شكرا

[bolok]

بالظبط كده يا باشا .. ممكن يتعملها صيانة بعد ما تدفع 4000 جنية
ولو دفعت 4000 جنية طب ما تجيب سيراتو وكيل وخلاص .. ماهي حتبقى نفس السعر ..
وبخصوص تكنو وان فهو مركز كويس وفيه تخفيضات كمان لأعضاء المنتدى

[esp]

شكرا على الرد السريع

ازاي نفس السعر؟ الخليجي الهاي لاين ب117 زائد ال4 تبقى 121 بما ان الوكيل هاي لاين ب127

حاجه تانيه: التوكيل احسن من ناحيه الصيانه ولا لا؟؟

تحياتي

[bolok]

بص يا باشا الخليجي ممكن تشتريلو ضمان لقطع الغيار سنتين او 40 الف كيلو من شركة تأمين اسمها أمان الشرق وتبقى وفرت الأربع الاف ... أمان الشرق دي ممكن تشتريها من تكنو وان او المعرض اللى حيبعلك العربية .. و صيانة الوكيل زيها زي تكنو وان ... ده بشر وده بشر

[Amr A.salam]

بص يا باشا الخليجي ممكن تشتريلو ضمان لقطع الغيار سنتين او 40 الف كيلو من شركة تأمين اسمها أمان الشرق وتبقى وفرت الأربع الاف ... أمان الشرق دي ممكن تشتريها من تكنو وان او المعرض اللى حيبعلك العربية .. و صيانة الوكيل زيها زي تكنو وان ... ده بشر وده بشر

بس أكيد يا باشا الأجهزة في التوكيل أحدث والناس تدريبها أعلى على التعامل مع المشاكل
مش عيب يعني :))))

بس تكنو وان ممتاز للعربيات الخليجي

ولو واحد لسة ما اشتراش ....أنا شايف انه يشتري توكيل ويريح دماغه

[lolly136]

بس أكيد يا باشا الأجهزة في التوكيل أحدث والناس تدريبها أعلى على التعامل مع المشاكل
مش عيب يعني :))))

بس تكنو وان ممتاز للعربيات الخليجي

ولو واحد لسة ما اشتراش ....أنا شايف انه يشتري توكيل ويريح دماغه

كلامك مظبوط يا عمرو

[esp]

شكرا يا رجاله كيا....ما شاء الله منتدى مصحصح عن باقيه المنتديات

[NoRmAl]

شكرا يا رجاله كيا....ما شاء الله منتدى مصحصح عن باقيه المنتديات

نحن نختلف عن الاخرين :)

[mohamedaghali]

انا شايف انه ما فيش فرق بين تكنو وان و التوكيل , و الموضوع مافيهوش اجهزه ولا حاجه انت ما بتشوفش عربيتك ايه اللى بيحصل فيها جوه التوكيل زائد ان معملتهم مش اد كده و ده من كتر الضغط عليهم لاكن تكنو وان فى احترام و اهتمام و متابعه و ده من وجهه نظرى لان العربيه مش محتاجه اجهزه اد ماهى محتاجه اهتمام و حد عنده ضمير

[NoRmAl]

انا شايف انه ما فيش فرق بين تكنو وان و التوكيل , و الموضوع مافيهوش اجهزه ولا حاجه انت ما بتشوفش عربيتك ايه اللى بيحصل فيها جوه التوكيل زائد ان معملتهم مش اد كده و ده من كتر الضغط عليهم لاكن تكنو وان فى احترام و اهتمام و متابعه و ده من وجهه نظرى لان العربيه مش محتاجه اجهزه اد ماهى محتاجه اهتمام و حد عنده ضمير

لا طبعا يا باشا الاجهزه دورها موجود وفعال جدا ومهم جدا جدا
حكايه ان حد يدب راسه فى الكبوت علشان يعرف السبب دى أنتهت من زمان :)
مبقلش أن تكنو وان بيعمل كدا :)
بس عمره لو أتنطط مهيبقى فى خبرات ولا إمكانيات التوكيل التكنولوجيه

[lolly136]

لا طبعا يا باشا الاجهزه دورها موجود وفعال جدا ومهم جدا جدا
حكايه ان حد يدب راسه فى الكبوت علشان يعرف السبب دى أنتهت من زمان :)
مبقلش أن تكنو وان بيعمل كدا :)
بس عمره لو أتنطط مهيبقى فى خبرات ولا إمكانيات التوكيل التكنولوجيه

يا نورمال أنا مش عارف أقولك ايه إنت بتقول كل اللي أنا عايز اقوله بالظبط

[night_phoenix]

اذا حابب تستني اد 3 4 عشر 15 شهر ممكن تستني الوكيل والي هقوله ده اعتقاد قد يصيب و يخطي ان مفيش حد في البلد دي بيدي ضمان حقيقي كله مضروب انا واحد صاحبي معاه عربيه من ماركه تانيه راح الوكيل و هوة في الضمان ودفع عشان مروحه راديتير 400 جنيه برغم الضمان و الكلام ده انا عارف ان ده توكيل مختلف ولكن
انا لا اثق في اي توكيل في مصر بالمرة حتي لو توكيل موبيل " ده مش عيب صناعه يا باشا ده سوء استخدام سعادتك"
عشان اكده انا مش مبصدق التوكيل ولا بحبه
الي حابب طبعا التوكيل اهلا بيه
انا معايا خليجي و الحمد لله ماشي الحال
طبعا انا رايي مجرد راي فردي لا يمثل قاعده و الي بقوله عن اعتقاد شخصي
اتمني لك التوفيق

[bolok]

اذا حابب تستني اد 3 4 عشر 15 شهر ممكن تستني الوكيل والي هقوله ده اعتقاد قد يصيب و يخطي ان مفيش حد في البلد دي بيدي ضمان حقيقي كله مضروب انا واحد صاحبي معاه عربيه من ماركه تانيه راح الوكيل و هوة في الضمان ودفع عشان مروحه راديتير 400 جنيه برغم الضمان و الكلام ده انا عارف ان ده توكيل مختلف ولكن
انا لا اثق في اي توكيل في مصر بالمرة حتي لو توكيل موبيل " ده مش عيب صناعه يا باشا ده سوء استخدام سعادتك"
عشان اكده انا مش مبصدق التوكيل ولا بحبه
الي حابب طبعا التوكيل اهلا بيه
انا معايا خليجي و الحمد لله ماشي الحال
طبعا انا رايي مجرد راي فردي لا يمثل قاعده و الي بقوله عن اعتقاد شخصي
اتمني لك التوفيق

انا معاك في رأيك والاختلاف في الرأى لا يفسد للود قضية يا نورمال ويا لولي ... الأجهزة دلوقتى موجودة في كل مكان بس العنصر البشري عليه عامل مهم لانه هو اللى بيشغل الأجهزة دي ... ثانيا انا مش ضد الوكيل لأن عربياتي السابقة كانت وكيل وكنت متخوف من موضوع الخليجي ده .. بس بعد كذا فصل من فصول الوكيل قررت اني اتوكل على الله واجيب خليجي والضمان ربنا لانها بقت مش فارقة .. ده رأيي والله اعلم

[NoRmAl]

يا نورمال أنا مش عارف أقولك ايه إنت بتقول كل اللي أنا عايز اقوله بالظبط

ربنا يخليكى يا لولى وزى مبيقولو
great minds think alike :))

انا معاك في رأيك والاختلاف في الرأى لا يفسد للود قضية يا نورمال ويا لولي ... الأجهزة دلوقتى موجودة في كل مكان بس العنصر البشري عليه عامل مهم لانه هو اللى بيشغل الأجهزة دي ... ثانيا انا مش ضد الوكيل لأن عربياتي السابقة كانت وكيل وكنت متخوف من موضوع الخليجي ده .. بس بعد كذا فصل من فصول الوكيل قررت اني اتوكل على الله واجيب خليجي والضمان ربنا لانها بقت مش فارقة .. ده رأيي والله اعلم

على فكره أحنا مش مختلفين :)
بالتأكيد العماله ليها دور وفعال كمان
لكن التوكيل مش العامل الى واقف بيصلح وممكن يكون لسه جاى من يومين
دا خبرات متراكمه من مهندسين عايشوا عربيات من ماركه معينه لقتره كبيره وهما أدرى بعيوبها وحل مشاكلها
إضافه لتلقيهم دورات تدريبيه على أيدى مهندسين من الشركه الام فى التعامل مع أعطال العربيه
يعنى حتى لو أتكلمنا على العماله وتركنا الجانب التكنولوجى جانبا
بردو يفضل التوكيل متفوق لأنه الادرى بالعربيه من غيره وبكتير كمان
هو خلينا نتفق أن فيه فرق
لكن أد أيه؟
أنا شايفه كبير ويستاهل

[bolok]

ربنا يخليكى يا لولى وزى مبيقولو
great minds think alike :))



على فكره أحنا مش مختلفين :)
بالتأكيد العماله ليها دور وفعال كمان
لكن التوكيل مش العامل الى واقف بيصلح وممكن يكون لسه جاى من يومين
دا خبرات متراكمه من مهندسين عايشوا عربيات من ماركه معينه لقتره كبيره وهما أدرى بعيوبها وحل مشاكلها
إضافه لتلقيهم دورات تدريبيه على أيدى مهندسين من الشركه الام فى التعامل مع أعطال العربيه
يعنى حتى لو أتكلمنا على العماله وتركنا الجانب التكنولوجى جانبا
بردو يفضل التوكيل متفوق لأنه الادرى بالعربيه من غيره وبكتير كمان
هو خلينا نتفق أن فيه فرق
لكن أد أيه؟
أنا شايفه كبير ويستاهل

دي وجهات نظر طبعا .. بس للأسف في مصر الفرق مش كبير زي ما انت متخيل مش كل التوكيلات بتهتم انها تجيب خبير من دولة المنشأ علشان يدي كورسات للعاملين وكمان اغلب المراكز اللى بتبقى فاتحة لصيانة السيارات بيبقى اصحابها دارسين او كانو شغالين في توكيلات ..
مش معنى كلامي ان مراكز بره افضل ... انا اقصد ان الفرق أكيد لصالح التوكيل بس مش كبير لدرجة فرق السعر بين العربية الوكيل والخليجي ..