جبت كارينز جديدة و عندي ملاحظات

[ideftar]

السلام عليكم.انا عضو جديد لانج ولسه مستلم العربية اول امبارح.هاى لاين وكيل من الدفعة الطازة اللي وصلت من اسبوع كده
الصراحة عندي كام سؤال عايز حد يشور عليا
1 تقريبا مفيش فرامل يد.انامشيت بتاع 250 متر و هي مشدودة واللمبة منورة وعادي جدا مفيش مشاكل! اما نزلتها محستش بحاجة
2 اناواقف على منزل جراج والعربية وشها لتحت. جبت ريفرس وعايز اطلع العربية . لوشلت رجلي من الفرمل العربية تنزل لتحت ومترجعش لورا الا لو دوست بنزين حبة حلوين
3 العربية سلسة جدا ما شاء الله. بجيب 120 واناموش حاسس. حتى لسه 150 كيلو و خايف التليين ميبآش صح.
مارايكم دام فضلكم؟

[Abdo_Eldesokey]

أولاً مبروك على العربية .. ربنا يباركلك فيها ويديك خيرها ويبعد عنك شرها

1- مفيش مشاكل إن شاء الله .. خد بالك بس بعد كده

2- ده عادي جداً .. لأن منزل الجراج ميله عالي

3- 120 مش قضية ، بس المهم متضغطش على العربية عشان تبقى ادتها حقها في التليين

صحيح .. جبت العربية لونها إيه ؟

[karemof]

ألف مبروك وربنا يباركلك فيها ويكفيك شرها .

أنا رايي زي الرد السابق للأستاذ عبده.

يا ترى موديل 2010 ولا 2011 ؟

[karemof]

بس فرامل اليد المهم متكونش مشيت عليها كتير كده , يا اما تكشف عليها أفضل

[ideftar]

متشكر جدا على الردود
هي فضي 2010 وكيل
بمناسبة فرامل اليد انا جربت الفرامل على منزل الجراج بس و لا عمل حاجة ى العربية بتنزل زي ميكونش في فرامل!

[bolok]

الف مبروك العربية .. ربنا يديك خيرها ويكفيك شرها
بالنسبة لفرمل اليد .. اتأكد انك شادد كل السنون .. يعني اعتقد انها ست تكات او سبعة

[mohamedhamam]

ألف مبروك ربنا يديك خيرها و يكفيك شرها

[karemof]

سؤال بعد اذنك هي دي ب 122 ولا 126 , ويا ترى ايه الأوبشنز اللي فيها, و فيها مسند ولا لأ

[yasserelsayad]

فرامل اليد يا باشا او الرجل فى الحالة عندك مش بتيجى مشدودة اوى او ساعات بتكون مش مشدودة خالص وبيعملوها فى صيانة الالف او اى وقت انت تروحلهم فيه.

[NoRmAl]

مبروك العربيه
وتقدر تكلم أستاذ خالد وتشترك فى جروب مالكى الكارينز هتستفاد جدا من مواضيعهم
مبروك مره تانيه

[ideftar]

متشكر جدا يا جماعة
انا شكلي كده هاروح التوكيل اشد فرامل اليد
بالنسبة لسؤال استاذ karemof العربية هي هي الهاي لاين الاولانية بتاع الوكيل ب abs و airbag من غير مسند يد
بس المرة دي الكاسيت الاصلي و ال multifunction شغالة
السعر الرسمي المفروض 126 على حد علمي و موش هتلاقي حد بيبيع بالسعر ده
انا جبتها ب 128.5 و نفس المعرض باعها بعد كده ب 130. شرين كار كانوا عايزين يبيعوها ب 133 !

[د.محمود صلاح]

الف مبروك وربنا يحفظهالك

[mohamed_selim]

السلام عليكم.انا عضو جديد لانج ولسه مستلم العربية اول امبارح.هاى لاين وكيل من الدفعة الطازة اللي وصلت من اسبوع كده
الصراحة عندي كام سؤال عايز حد يشور عليا
1 تقريبا مفيش فرامل يد.انامشيت بتاع 250 متر و هي مشدودة واللمبة منورة وعادي جدا مفيش مشاكل! اما نزلتها محستش بحاجة
2 اناواقف على منزل جراج والعربية وشها لتحت. جبت ريفرس وعايز اطلع العربية . لوشلت رجلي من الفرمل العربية تنزل لتحت ومترجعش لورا الا لو دوست بنزين حبة حلوين
3 العربية سلسة جدا ما شاء الله. بجيب 120 واناموش حاسس. حتى لسه 150 كيلو و خايف التليين ميبآش صح.
مارايكم دام فضلكم؟

مبروك يا باشا ... كده انت جبت 2010 وكيل زى اللى معايا بس انت الملتى فنكشن شغاله ... احنا استنينا حبه حلوين على ما الكاسيت ييجى ... بالنسبه للاسئله:
1- عادى فى صيانة الالف قولهم عليها هيظبطوها .. لو مضايقاك و محتاجها متستناش و روحلهم بس انا عن نفسى عملتها فى الالف

2- برضه عادى .. بالاضافه لموضوع ميل الجراج العالى برضه الR مش جامد زى الD يعنى لو نفس الميل و انت واقف بوشك و جايب D لبعربيه مش هترجع لورا ... بس عادى متشغلش بالك

3- التليين متعديش 3000 RPM و ده يخليك تجيب 120 مستريح ... وانا بلين جبت 16- بس وصلت ل RPM 4000 و مزودتش

ربنا يباركلك فيها و لو فى حاجه ابعت ... و خش على المجموعه الاجتماعيه Carens Owners و هتلاقى معلومات كتير

اظن ا/خالد مأجز من المنتدى بس اكيد لما هيشوف الموضوع هيبعتلك دعوه :)

[M7amD_7amDy]

ألف مبروووك :)

[A.Saad]

مبروووووووووووك