جبت هاى لاين 2011 الحمد لله وعايز مساعدة الخبراء الوحوش:))

[mfnada]

شوف يا باشا
حاول تجيب ال vin واحنا نساعدك نعرف العربيه ده كويتى ولا حاجه تانيه
ده حتلاقى مكتوب على الازاز قدام الدركسيون
على فكرة معايا هاى لاين سعودى وفيها مرايه تعتيم
اذا لسه حتاخد السعودى جنط 16 لازم تاخد فرق
بالتوفيق ان شاء الله

ربنا يخليك ...هو للأسف ال vin مش حاقدر اجيبة دلوقتى بس هوة بيقولى الكوتش نوعة optima

هل دة نوع كويس؟ انا أول مرة أسمع عنة....هل تعرفة؟

انا كل الناس قالتلى السعودى 2011 الهاىلاين مفهوش تعتيم و لو فيه تعتيم مش حيكون فية 6 سى دى...فهل دة صح؟

و حاحاول اجيب ال vin لو قدرت

[timtim77]

انا بصراحه عربيتى موديل 2010
تعتيم و1 سى دى كاوتش كومهو
معرفش موضوع 2011 فى اختلاف ولا لا

[A.Saad]

OPTIMO IS not a trademark
its model

trademark is Hankook

[mfnada]

optimo is not a trademark
its model

trademark is hankook

طب دة المفروض انه كوتش كويس؟ و هل حد جربة قبل كد؟

[Hosam_Optrawy]

ايوه ياباشا الهانكوك ممتاز زى الكومهو نفس المستوى

[A.Saad]

بينزل فى البيكانتو
عيبه انه بيلم زلط صغير
بس ممكن تكون نقشة غير اللى عندك
اللى عندى k406

[mfnada]

و الله الواحد محتار و مش عارف يعمل اية

اجيب الكويتى دى و خلاص ولا استنى السعودى لما يغير لها الكوتش

الكويتى فيها مفتاح التحكم فى النور الخارجى زى السعودى بالظبط و تزيد عليها التعتيم و جنطها 16 و كوتشها optimo و قاللى اخره فيه 121.5 أو استنى يومين و يدينى السعودى بعد تغير الكوتش

انا بصراحة ال 17 كل الناس قالولى مش عملى خالص و انا مش عايز مفاجات

لو حد شاف الفئة الكويتى دى و يعرفها يا ريت يقولى...و هو عمال يقولى انها زى السعودى بالظبط بدليل الزرار اللى موجود فى السعودى

أعمل ايه يا وحوش؟؟؟؟؟

[LeperMessiah]

بص يا اخى الموضوع ده اثير هنا كذا مره و قعدوا يقولوا السعودى و الكويتى و الاردنى و بلاد الواء واء

انا شايف ان كله واحد و محدش قدر يثبت ان سعودى احسن من الاردنى و الكلام الفاضى ده و اللى عنده الاثبات يتفضل يوريهولنا

طالما انت قررت تجيب خليجى يبقى هات اعلى اوبشن باقل سعر و صدقنى المصنع واحد و الجوده واحده و ده راى و الله اعلم

[mfnada]

بص يا اخى الموضوع ده اثير هنا كذا مره و قعدوا يقولوا السعودى و الكويتى و الاردنى و بلاد الواء واء

انا شايف ان كله واحد و محدش قدر يثبت ان سعودى احسن من الاردنى و الكلام الفاضى ده و اللى عنده الاثبات يتفضل يوريهولنا

طالما انت قررت تجيب خليجى يبقى هات اعلى اوبشن باقل سعر و صدقنى المصنع واحد و الجوده واحده و ده راى و الله اعلم

و الله انا كمان نفسى اعرف....لو حد يعرف اية الفروق يا ريت يقول

[zahaan]

congratulations


انا شايف تاخد الكويتى لانها مش حتفرق كتير و الخيره فيما اختاره الله

[mfnada]

أسمعوا القصة يا جماعة حتى تعم الفائدة

يا جماعة اسمعوا اللى حصل معايا عشان زى مانا اتعلمت من المنتدى يبقى لازم اقول تجربتى حتى تعم الفائدة و محدش يتنصب عليه

أولا لازم اقول ان اوتو سمير ريان محترم جداااااااا لأن الراجل اللى بيبيع هو اللى علمنى كل حاجة فى العربية بمنتهى الامانة و كأنه مش عايز يبيع...هو أهم حاجة عند انى يشرحلى كل حاجة فى العربية و هو اسمة محمد و دة فعلا اكتر واحد شوفتة بيفهم و عايز مصلحة المشترى بغض النظر عن أى شىء

ثانيا المصرية معرض كويس مش وحش بس متروحش تجيب سيراتو منة ابدا لأن البياعين كلهم مش فاهمين الاوبشنز و التفاصيل أو يمكن مس امناء الله اعلم

ثاثا أسمعوا الحكاية:


طبعا انا كنت محتار و مش عارف اشترى أيه الكويتى ولا السعودى والكلام دة....المهم قلت خلاص حاجيب الكويتى دى و خلاص خصوصا ان الزرار بتاع التحكم فى الضوء الخارجى موجود المهم كلمتة فقالى خلاص تعالى استلمها...رحت طبعا لقيت الكوتش اوبيمو ده و كان معايا أخويا قالى دى نقشتة وحشة جدا قلتلة مش مهم ...المفاحأة بأة بجرب العربية و جيت اجرب الزرار بتاع التحكم الخارجى لقيت لا النور بيعلى و لا بيوطى ولا أى حاجة و كنا المغرب كده و اجى اجرب العربية التانية السعودى لقيت فعلا الزار شغال !!!! قولتلهم كدة كانو فى المعرض حيموتونى و قالولى ازاى ياباشا دة شغال و طبعا انا واخويا كنا مصرين انة مش شغال و جابولى صاحب المعرض و قالى ازاى و مش ازاى دة لازم يكون شغال و كل مرة يحال يشغلة يقولى شغال أهو !! و اققولة يا سيدى مش شغال

المهم فضلنا كدة فالراجل راح فاتح غطا الفيوز من الجنب و كانت المفاحأة: الزرار متركب و مش متوصل جوة بأى حاجة!!!! الراجل طبعا سكت و متكلمش كلمة...وقالى دى عربية من معرض تانى و مش بتاعتى و كدة المهم الدنيا ليلت و فعلا لاحظت ان الزرار حتى مش بينور طبعا لانة متركب أى كلام

يا جماعة بجد لازم تاخدو بالكم السوق بقى فية غش جامد جدا....المهم طبعا قلت العربية دى مضروبة و مش حاشترى خلاص غير السعودى اللى فيها المفتاح شغال و حاخدها جنط 17 زى ماهى و خلاص...و دة الحمد لله اللى حصل و اتأكدت من كل حاجة فى العربية انها تمام و العربية بجد رائعة بكل المقايس و الحمد لله على كل شىء

يا ريت تكون تجربتى مفيدة حتى تعم الفائدة للكل و نكون معا ضد النصب و الاحتيال

قولولى بأة أعمل صيانة الالف فين ؟ :)

شكرا لكل الناس اللى ساعدونى

[mfnada]

يا رب الناس تستفيد من الموقف دة

و ياريت حد يدلنى على مركز صيانة قريب من أكتوبر و شكرااااا

[PoweRPassioN]

الف مبروك وشكرا على نقل تجربتك

[timtim77]

الف مبروك ربنا يديك خيرها ويكفيك شرها

[SheNo0o]

هو بالفعل الكويتي مش حلو وهو ده الي طلع عليه اشاعات ان في ف السوق عربيات كتير نزله مقلوبه ومتصلحه ودخله تتباع هنا علي انها زيرو وناس كتير لبست في الموضوع ده وانا لو كنت شفت موضوع بدرري كنت قلتلك احسن حاجه السعودي
انا معايه سعودي خليجي الي تحت الهاي لاين وتمام وفل الحمدلله

ربنا يباركلك فيها يا باشا ويديك خيرها ويكفيك شرها يارب