جديد معاكم فى قسم الكيا

[M.Hassan47]

ازيكم ياشباب
انا الحمدلله حجزت امبارح من سمير ريان كيا سيراتو سوده اللى هى بـــ 104
ولسه مستنى يتصل بيا عشان يقولى ان ورقها خلص واروح ادفع الفلوس

أولاً انا كنت من نقاض السيراتو جدا وبقالى سنة محتار بينها وبين الجين تو بس لقيت نفسى فى الأخر بعد استخارة ربنا استقريت عليها
بس اكتر حاجة مضيقانى فيها انها شعبية جدا
والسؤال هنا لو عايز اميزها اعمل ايه انا اولا هاركبلها فرش جلد احمر ايه رأيكو دى اول حاجة ولسه بفكر وعايز ارائكم

وعايز اعرف هل هنا فى القسم فى روح ومشاركة بجد مع الناس الجديدة ولا ايه
انا جى من قسم سيات وده من احلى الأقسام بالنسبالى اللى فى المنتدى فاعايز اشوف القسم الجديد بتاعى هيتجاوب معايا ازاى
وشكرا لوقتكم

[bolok]

الف مبروك العربية الجديدة .. ربنا يديك خيرها ويبعد عنك شرها ..
الحقيقة انا اتكلم عن نفسي اول ما جيت القسم ومن اول موضوع ليا عن ايه اللى اخد بالي منه وانا باستلم لاقيت مساعدة كبيرررررة مكنتش متخيلها وحسيت ان الناس هنا فعلا قلبهم عليا .. ومن اول الناس اللى ردت على الموضوع بتاعي كان ابو ليلى والدكتور احمد سامي ونورمال وزواوي وياسر الصياد مع حفظ الألقاب للجميع اللي بسببهم فليت العربية حته حته زي ما نصحوني ... ربنا يبارك فيهم جميعا
اهلا بيك في القسم ونورتنا

[magdy1963]

ربنا يمتعك بيها ويكفيك شرها يامرحب بيك وسط اخواتك كلنا اسرة واحدة شرفت المنتدى وتحت امرك فى اى حاجةويازين ما أخترت

[waleedelpiloot]

اهلا بيك فى رابطة كيداهههههههم وربنا ان شاء الله يديك خيرها ويبعد عنك شرها
بس قولنا مواصفات العربية اية
وخلى باللك وقلب كويس فى العربية وانتا بتاخدها حتة حتة
وجرب كدة فرش اسود الى مترز احمر زى بتاع الاس اكس وهتدعيلى بس لو انتا بتحب الغوامق
انا بردوا اسود وحاطط فرش اسود بتاع اس اكس وماشاء الله

[NoRmAl]

اهلا بيك
مبروك مقدما على العربيه وزي مقلك وليد فلى العربيه قبل متستلمها
شغل وجرب كل حاجه فيها كويس ويستحسن يكون معاك حد يتابع معاك عمل وظائف العربيه
بخصوص التميز
صدقنى لما تركبها مش هتحس أن فى آلاف مشين جانبك وراكبنها
مش هتعرف أنا بقول أيه غير لما تركبها
لأنك نفسك هتبقى راكب جواها وتبص عليها بردو وهى ماشيه جنبك :)
أما بخصوص القسم نفسه فالحكم ليك ومنقدرش نتكلم عن نفسنا :)

[Amr A.salam]

ألف مبرووك يا باشا

ربنا يحفظها لك ويبارك لك فيها

[medoxmedox]

الف مبروك
و ربنا يديك خيرها و يكفيك شرها
و نورتنا في قسم كيا

[santacruz]

الف مبروك يانجم نورت طبعا دا بعد اذن الكبار بتوعنا زواوى وابو ليلى ونورمال وياسر الصياد ودكتور احمد سامى والى ملوش كبير يشتريلو كبير

[yasserelsayad]

الف مبروك يا باشا على العربية .. والرجالة قاموا بالواجب و قالوا على كل حاجة تشوفها و انت بتستلم.

[lolly136]

ألف مبروك ونورت المنتدى والقسم

[revel_sony]

مبروك يا وحش ربنا يكرمك بالعربيه ويكفيك شرها اي استفسار احنا في الخدمه

[Conspirator]

Welcome on board ya man

[Atrees]

اهلا بيك معانا وان شاء الله تلاقي رد علي كل حاجة

في رسوم 5 جنية اشتراك اعضاء للسيراتو تدفعو - رسوم عضوية شركة حسن وحسني وحسنين للسيراتو ونسبة في سداد ديون الشركة اللي هيا الارباح - ههههههههههههه



نورت ياباشا

[xShadow]

الف مبروك يا باشا، و نورت قسم كيداهم :)

[M.Hassan47]

انا مبسوط جدا بجد بالترحيب دا ياجماعة ومش حاسس انى جديد فى القسم لأنكم فعلا ناس واضح انكم زى العسل كلكم والله يبارك فيكم جميعاً

وانا فعلا فليتها حتة حتة وكان معايا اخويا وهو كان جايب التوب لاين قبليا بأسبوعين فعارف الخبايا بتاعت العربية والحمدلله كله تمام
وهى تختلف عن التوب لاين انها من غير فتحة سقف ولا بصمة والتكييف مش ديجيتال وللأسف مش فيها أىبى إس ولا حساس باركنج
بس مفيش اختلاف تانى فى حاجة اللى عايز اسأل عنه وهو انى لازم اشترى ضمان ضد عيوب الصناعة مش كده ؟؟؟؟