استفسار بخصوص نيو سيراتو 2010

[nesso]

السلام عليكم ورحمة الله وبركاته
الحمد لله اشتريت نيو سيراتو من اسبوع تقريبا اول فئه LX
بس كان لي بعض الاستفسارات
1- في هو بيدخل في الكبينة من فتحات التهوية وهو دا الوضع الطبيعي هل ممكن اوقف الهوا دا من غير ما اضغط على الزر الخاص بمنع الهو من الدخول من خارج السيارة اثناء التكيف ما يكون شغال
2- انا حاليا ماشي تقريبا 1250 كيلو متر هل كدا لازلت في التليين ولا خلاص اقد اشغل التكييف برحتي وامشي بالسرعة اعلي من 100 كيلومتر/ ساعة
3- لما بصل لسرعة 100 تقريبا عداد لفات الموتور بيعدي رقم 3 هل دا كدا طبيعي
4- سعات بحس ان العربية محتاجة غيار سادس هل دا احساس ولا عشان التليين والا ايه
5- بصوص صيانة 1000 كان في صاحب معرض عربيات اخبرني اني ممكن اعمل صيانة 1000 من غير ما اغير الزيت وقالي ان الزيت اللي بيكون فيها كويس جدا ومش هتلاقي زيو هنا في مصر ما مدي صحة الكلام دا
الرجاء المساعدة من اهل الخبرة بارك الله فيكم

[ghost1900]

الحمد لله اشتريت نيو سيراتو من اسبوع تقريبا اول فئه LX
الف مبروك عليك .. ربنا يديك خيرها ويكفيك شرها.
بس كان لي بعض الاستفسارات
1- في هو بيدخل في الكبينة من فتحات التهوية وهو دا الوضع الطبيعي هل ممكن اوقف الهوا دا من غير ما اضغط على الزر الخاص بمنع الهو من الدخول من خارج السيارة اثناء التكيف ما يكون شغال
أضغط على الزر الخاص بمنع دخول الهواء من خارج السيارة (غلق دائرة التكييف) معتقدش فى طريقة تانى.
2- انا حاليا ماشي تقريبا 1250 كيلو متر هل كدا لازلت في التليين ولا خلاص اقد اشغل التكييف برحتي وامشي بالسرعة اعلي من 100 كيلومتر/ ساعة
حضرتك تقدر تعمل كده بس بعد صيانة الالف كيلو، قبل كده حضرتك لسه تليين.
3- لما بصل لسرعة 100 تقريبا عداد لفات الموتور بيعدي رقم 3 هل دا كدا طبيعي
أعتقد عادى لان ده بيتعمد على مقاومة العربية للهواء ونوع الطريق ونسبة انحداره (مطلع أو منزل).
4- سعات بحس ان العربية محتاجة غيار سادس هل دا احساس ولا عشان التليين والا ايه
مش فاهم قصدك يعنى صوت الموتور بيعلى مثلا هو عموما 5 نقلات مانيوال تعتبر ممتازه.
5- بصوص صيانة 1000 كان في صاحب معرض عربيات اخبرني اني ممكن اعمل صيانة 1000 من غير ما اغير الزيت وقالي ان الزيت اللي بيكون فيها كويس جدا ومش هتلاقي زيو هنا في مصر ما مدي صحة الكلام دا
يعنى أيه مفيش زيت زيه خلاص منخليه على طول فى العربية :)، متسمعش كلامه ده بيفتى .. الفتايين بيشجعوا وأحنا مش معاهم.
الرجاء المساعدة من اهل الخبرة بارك الله فيكم
أتمنى أكون أفدتك

[ابو ليلى]

السلام عليكم ورحمة الله وبركاته
الحمد لله اشتريت نيو سيراتو من اسبوع تقريبا اول فئه lx
بس كان لي بعض الاستفسارات
1- في هو بيدخل في الكبينة من فتحات التهوية وهو دا الوضع الطبيعي هل ممكن اوقف الهوا دا من غير ما اضغط على الزر الخاص بمنع الهو من الدخول من خارج السيارة اثناء التكيف ما يكون شغال
2- انا حاليا ماشي تقريبا 1250 كيلو متر هل كدا لازلت في التليين ولا خلاص اقد اشغل التكييف برحتي وامشي بالسرعة اعلي من 100 كيلومتر/ ساعة
3- لما بصل لسرعة 100 تقريبا عداد لفات الموتور بيعدي رقم 3 هل دا كدا طبيعي
4- سعات بحس ان العربية محتاجة غيار سادس هل دا احساس ولا عشان التليين والا ايه
5- بصوص صيانة 1000 كان في صاحب معرض عربيات اخبرني اني ممكن اعمل صيانة 1000 من غير ما اغير الزيت وقالي ان الزيت اللي بيكون فيها كويس جدا ومش هتلاقي زيو هنا في مصر ما مدي صحة الكلام دا
الرجاء المساعدة من اهل الخبرة بارك الله فيكم

اول شى الف مليون مبروك ويارب يبارك فيها ويحميها من شر العين

واهلا وسهلا بيك فى بيتنا التانى نايل ماتورز بقيت خلاص واحد مننا واوعى تتردد لو عندك

اى استفسار كلنا هنا اخوات وانت بقيت واحد مننا

1 - انت اول ما بتشغل التكيف هو اوتوماتك بيفصل الهوا اللى داخل من بره هتلاقيه جاب ليك لمضه لونها اصفر كده معانه انه منع دخول الهوا الخارجى .

2 - 1250 ك انت يدوبك فى نهاية مرحلة التلين يعنى على 1500 ك ابتدتى اعمل اللى انت عاوزه ودوس عليها اما بخصوص التكيف فشغله عادى جدا مافيش اى مشكلة .

3- عدد لفات الماتور محتاج بس اعرف انت اوتوماتك ولا مانيول ولو اتوماتك عدد اللفات فى التقريب فى حدود 2500الى 2800 هنقول انت فى فترة التللين نصبر شويه على 5000ك ونشوف عدد اللفات كام ...انما لو مانوال معرفش الاجابة .

4- كده فهمت انك مانوال بدل بتسال على الغيار السادس بص العربية ما بين ال60 وال 100 سرعه بتحس انها ضعيفه شويه فى السحب انما بعد ال100 مش هتحتاج غير انك تمسك فى الدركسيون جامد وتخلى بالك هتلاقى طيارة معاك بس نصيحة بلاش تجرى اكتر من ال120 ك العربية جرايه جدا .

5- مع احترامى لصاحب المعرض بلاش تسمع كلامه وغير زيت وهتلاقى منه فى مصر طبعا لانه الطبيعى انه شيل وهوده الموصى عليه من الشركة وهتلاقى كده فى الكتيب الللى معاك .
وكمان انت محتاج تراجع على العربية تشيك اب - تربط عفشة - مراجعه باقى الزيوت - الزوايا - ضغط العجل - يعنى كل حاجه الموضوع مش غيار زيت وفلتر وبس .

مش عارف العربية خليجى ولا توكيل .......لو خليجى يبقى عندنا مركز تكنو وان هنا بنعمل فى صيانة العربيات الخليجى وعن تجربة ناس وانا منهم يعتبر من المراكز الموثوق بيها هنا وكمان لينا معاملة خاصة من ناحية الخصومات على المصنعيات ابقى خش اقرا فى الموضوع ده هتلقيه فى المواضيع المثبته .وكمان عاوز اعرف انت معاك ضمان ولا لا ؟؟؟

يلى انا كتبت كتير ويارب اكون افدك ولو عندك سؤال اسال متخفش وهتلاقى وحوش السيراتو موجودين معاك .

[mastr_n]

الف مبروك عليك العربية

ومبروك علينا عضو جديد

واعتقد مافيش جديد على الكلام الى اتكتبلك

[nesso]

اول شى الف مليون مبروك ويارب يبارك فيها ويحميها من شر العين

واهلا وسهلا بيك فى بيتنا التانى نايل ماتورز بقيت خلاص واحد مننا واوعى تتردد لو عندك

اى استفسار كلنا هنا اخوات وانت بقيت واحد مننا

1 - انت اول ما بتشغل التكيف هو اوتوماتك بيفصل الهوا اللى داخل من بره هتلاقيه جاب ليك لمضه لونها اصفر كده معانه انه منع دخول الهوا الخارجى .

2 - 1250 ك انت يدوبك فى نهاية مرحلة التلين يعنى على 1500 ك ابتدتى اعمل اللى انت عاوزه ودوس عليها اما بخصوص التكيف فشغله عادى جدا مافيش اى مشكلة .

3- عدد لفات الماتور محتاج بس اعرف انت اوتوماتك ولا مانيول ولو اتوماتك عدد اللفات فى التقريب فى حدود 2500الى 2800 هنقول انت فى فترة التللين نصبر شويه على 5000ك ونشوف عدد اللفات كام ...انما لو مانوال معرفش الاجابة .

4- كده فهمت انك مانوال بدل بتسال على الغيار السادس بص العربية ما بين ال60 وال 100 سرعه بتحس انها ضعيفه شويه فى السحب انما بعد ال100 مش هتحتاج غير انك تمسك فى الدركسيون جامد وتخلى بالك هتلاقى طيارة معاك بس نصيحة بلاش تجرى اكتر من ال120 ك العربية جرايه جدا .

5- مع احترامى لصاحب المعرض بلاش تسمع كلامه وغير زيت وهتلاقى منه فى مصر طبعا لانه الطبيعى انه شيل وهوده الموصى عليه من الشركة وهتلاقى كده فى الكتيب الللى معاك .
وكمان انت محتاج تراجع على العربية تشيك اب - تربط عفشة - مراجعه باقى الزيوت - الزوايا - ضغط العجل - يعنى كل حاجه الموضوع مش غيار زيت وفلتر وبس .

مش عارف العربية خليجى ولا توكيل .......لو خليجى يبقى عندنا مركز تكنو وان هنا بنعمل فى صيانة العربيات الخليجى وعن تجربة ناس وانا منهم يعتبر من المراكز الموثوق بيها هنا وكمان لينا معاملة خاصة من ناحية الخصومات على المصنعيات ابقى خش اقرا فى الموضوع ده هتلقيه فى المواضيع المثبته .وكمان عاوز اعرف انت معاك ضمان ولا لا ؟؟؟

يلى انا كتبت كتير ويارب اكون افدك ولو عندك سؤال اسال متخفش وهتلاقى وحوش السيراتو موجودين معاك .

ربنا يبارك فيكم جميعا
العربية بضمان محلي التوكيل مش خليجي وكمان العربية منويل
بخصوص حكاية الصيانة الاولي مجانية وكدا وايه افضل مركز صيانة مع العلم انا حجزت في ابو رواش

[ابو ليلى]

ربنا يبارك فيكم جميعا
العربية بضمان محلي التوكيل مش خليجي وكمان العربية منويل
بخصوص حكاية الصيانة الاولي مجانية وكدا وايه افضل مركز صيانة مع العلم انا حجزت في ابو رواش

الصيانة الاولى مش مجانية بدل انت تبع الوكيل هدفع فى حدود 320 تغير زيت وفلتر

وافضل مركز صيانة هو اكيد التوكيل ولاازم تكمل صيانتك معه احسن تخرج بره الضمان .

[ghost1900]

ربنا يبارك فيكم جميعا
العربية بضمان محلي التوكيل مش خليجي وكمان العربية منويل
بخصوص حكاية الصيانة الاولي مجانية وكدا وايه افضل مركز صيانة مع العلم انا حجزت في ابو رواش

أفضل المراكز أبورواش والقطامية عن تجربة للاتنين وأبعد عن روكسى.

على فكرة المصنعيات بس هى اللى مجانية فى الصيانة الأولى، أنما الباقى بفلوس وحسابها زيت شل الترا 10 الاف كم ب 228 جنيه + فلتر زيت ب 30 جنيه = 258 + 10% ضريبة = 284 جنيه تقريبا.

لو هتغسل الموتور فوم زود 26 جنيه غسيل + 10% ضريبة = 29 جنيه تقريبا.

[bolok]

الف مليون مبروك العربية .. ربنا يديك خيرها ويكفيك شرها
بعد اللى قالو جوست وابو ليلى مفيش كلام يتقال ..
المهم انت تحافظ عليها بالصيانة الدورية
وبأكد ان تغيير الزيت ضرورى جدااا بعد الالف الاولى

[haleem]

السلام عليكم ورحمه الله انا محتار بين المانوال والاتوماتيك مع العلم ان عملى داخل القاهرة ورايح جى على كوبرى 6 اكتوبر فى الزحمة والف شكر

[bolok]

رأي اتوماتك نظرا للزحمة الشديدة ومشاويرك ، مع مراعاة الصيانة الدورية للعربية ..
مبروك مقدما ان شاء الله واهلا بك في اسرة الكيا