حصريات

[shitos777]

مساء الخير عاليكم يار تكونوا فى صحة جيدة وسعادة ....... المهم نخش فى الموضوع على طول انا الحقيقة دخلت الموقع هنا ولاقيت ان سعر الخليجى من الكوبية السعودى 126 الف الكاملة دا صحيح بس انا اتصلت بجابر عبدالشهيد ورد عاليا شخص محترم جدا اسمة هشام على واتكلمنا مع بعض وقالى التمن دا كان فترة ورجع السعر تقريبا 132 الف الكاملة بس قال ان ان شاء الله حيكون فية عروض كويسة خصوصا لما زاد الطلب على السعودى لانها فيها كل الكماليات

...............

اتفقت مع استاذ هشام انة ينزل العروض الموجودة عندهم والاسعار الجديدة وفى نفس الوقت لما يكون فى عروض وخصم عاليها واظن اننا كلنا مستنين العروض دى وياريت يرجع التمن زى الاول 126 الف او يكون فى عرض كويس الحقيقة انا قلت اعمل الخطوة دى وان شاء الله تجيب نتيجة ونحدد بعد كدة المراكز اللى ممكن نعمل صيانة فيها

شكرا واسف على الاطالة .... اخوكم المهندس شريف

[NoRmAl]

شكرا يا بشمهندس على الاخبار
بس ياريت يبقى فيه تنسيق مع الاداره علشان ميبقاش إعلان

[shitos777]

مش اعلان

لا مش اعلان انا عن نفسى بدور على العربية دى بس مستنى اشوف ارخص سعر فيها

[santacruz]

انا معاك معاك معاك لانى عاوز واحدة وبدور زييك وياريت نتابع مع بعض انا بردو قلولى نفس الكلام على فكره انا اشتريت من معرض اى كلام ورجعت العربية من يومين وكنت جايبها ب 136000 sx 2011 لان العربية طلعت كويتى اوانا اللى طلعت هندى واتضحك عليا

[Baher79]

أسف على المداخله دي .... بس خدوا حذركم من الناس اللي ذكرتوهم دول لأن لما جيت أشتري عربيتي ( سيراتو جنوط 16 فتحة سقف و حساسات و فرش جلد ألخ) قالولي تمنها 114 ألف جنيه وده كان يوم أربعاء وبعدها بيوم اتصل بيا نفس الشخص المذكور عاليه وقاللي أن في اعلان هينزل بكرة ( الجمعه ) والأسعار هتغلى فالحق اشتري المهم جمعت الفلوس يومها من كل مكان علشان ألق قبل ما تغلى ( ثقة فيهم للأسف) واستلمت العربية الخميس بالليل ويوم الجمعه بفتح الجرنال لقيت ثمن العربيه بقى 112,500 وبعدها بأسبوع بقت ب 111,000 جنيه.
فلأننا كلنا هنا عيله واحده حبيت أحذر من الوعود الكتير لعدم المصداقيه في تجربتي الشخصيه معاهم.