اسعار الكاوتش للسيراتو جنط 17

[Deshahcoka]

السلام عليكم يا جماعة ، اجدع سلام لاجدع رجالة في مصر كلها :)

يا رجالة انا كنت عاوز خدمة من حضراتكم ،

ياريت الي يعرف سعر فردة الكواتش 215/45/17r و نوعها يتفضل و يكتب سعرها و يا ترا فين الاقيها بالسعر ده

فاذا يوجد توفير مثلاً في مكان معين في القاهرة ممكن الواحد ينزل يجبهم من القاهرة مع العلم اني من الاسكندرية

اما بالنسبة للماركة فيفضل المناسب للميزانية للعلم ان هذا 3 طقم سوف سركب بعد الفبريكة و الي باظ فهيا مش فارقة لو بردجستون هيبوظ برضوا

انا شفت الموضوع بتاع الميه و الزحلقة الي يفضل الجيديد يركب ورا ، علشان كدة يفضل نقشه زي بتاعت الفبريكة مش المكسس السبور و كدة لاني مركبة و هيا عاملة زي الصابونة بتتزحلق مهما كانت الارض ناشفة و الفرامل مبيمكس بيها كويس !

الف شكر يا جماعة

[M.Hosni]

فيه الكومهو الفردة بتعمل 470 تقريبا
و فيه كمان البريدجستون بتعمل 975 تقريبا

[blackknight]

الكومهو موجودة عند واحد فى الحمام على طريق الساحل بسعر 420 جنيه للفردة , الراجل الصراحة محترم جدا و هتلاقيه موجود جوة البلد على الشمال فى الحتة بتاعت سوق الحمام

[Deshahcoka]

بجد يعني بعد الفصال ترسي ب 400 :) خلاص لو كدة الواحد ياخد بعضه و يركبهم هناك :) الف شكر يا بشوات :) ربنا يخليكم كلكم