الى ادارة المنتدى

[ابو ليلى]

بردو حقى و حقك تنبة الناس . لان المصيبة انى اشترى عربية بالسعر دة جديدة و يطلع لى بلاوى فيها و منبهش الناس.

و على فكرة فى اراء كتيرة جدا زييىو اكتر من كدة و مش فى المنتدى دة بس. و دة ميديش الحق لحد انة يوقفنى و انا جاهز للوقف تانى

فى قوانين للمنتدى كلنا ملتزمين بيها لو عند حضرتك شكوى فى قسم اسمه الشكاوى

وهناك تقدر تقول اللى انت عاوزه وتشرح ليهم وجه نظرك .انما هنا مش المكان المناسب

انا حاولت معاك بقدر الامكان بس من الواضح ان حضرتك مضايق شويه بسبب الوقف

حاول تهدى علشان تعرف تقرر حضرتك عاوز ايه .وافتكر كلامى وفكر فيه ولو مرة واحده

مش العربيات هى اللى بتجمعنا .

[Mostafa Shaker]

حضرتك اولاً قدر الله و ما شاء فعل ممكن تكون حاله فرديه مش عامه و لو كانت عامه اظن العربيه مكنتش هتنتشر كدة و كل عربيه ليه مزايا و عيوب
سؤال بعيد عن الموضوع تفتكر حد هيقتنع بالموضوع الى انت بتقوله دا و فعلا هيغير رأيه ؟

[Fouad Ezz]

معلش يا جماعة ... تقبلوا مروري

نصيحة لصاحب الموضوع بالإنتقال لقسم "إسبرانزا"
هناك كلمة "زبالة" عادي جدا وبتتعمل عناوين مواضيع كمان ...
ولا توجد "رفاهية" الأيقاف أو التعديل أو الحذف مراعاة لمشاعر مالكي السيارة

مرحبا بيك فى أي وقت فى قسم الإسبرانزا الحر الزبالة

[dr.amr]

هدي نفسك ياباشا

علي فكره انا بعت عربيتي برضو

بس خسرت 14 الف ومكملتش بيها 8 الاف

وقولت لصاحبها علي اللي فيها بما يرضي الله

وقولت العربيه من وجهة نظري فيها عيوب كذا وكذا وعملت اكثر من مقارنه مع عربيات تانيه

كنت امتلكتها برضو وقولت اللي يخلصني قدام ربنا

بس حضرتك ماينفعش تدخل تشتم بدون سبب ياربت توضح وجهة نظرك

ونتناقش يمكن يكون ظهر عندك عيب صناعه مثلا انا برضو ظهر عندي عيب في الياريس لما كانت معايا

[timtim77]

الله يكون فى عونك يا ابو ليلى

[ghost1900]

بردو حقى و حقك تنبة الناس . لان المصيبة انى اشترى عربية بالسعر دة جديدة و يطلع لى بلاوى فيها و منبهش الناس.

و على فكرة فى اراء كتيرة جدا زييىو اكتر من كدة و مش فى المنتدى دة بس. و دة ميديش الحق لحد انة يوقفنى و انا جاهز للوقف تانى

حقك طبعا ومش معترضين بس ممكن من غير أرقام تليفونات توضح لكل الأعضاء أيه هى المشاكل اللى واجتهك وكرهتك فى العربية ال..... زي مبتقول، يعنى حضرتك أشرحلنا عشان ده منتدى والمفروض الفائدة تبقى عامة من التجارب.

يعنى مع احترامى لوجهك نظرك مش كل عضو جديد داخل يشوف أراء وتجارب الملاك فى العربية هيتصل بسيادتك عشان تشرح له، فمن فضلك تانى أشرح لنا المشاكل اللى واجهتك دى.

على فكرة كمان بغض النظر عن السيراتو أو غيرها أى عربية زيرو تخرج من المعرض وتعلق نمر، وتحب تبيعها تانى يوم بتتعامل كسر زيرو وبتخسر فيها مش أقل من 5000 جنيه هو ده حال السوق.

[bolok]

لا حول و لا قوة الا بالله. هو انا لما اسيبلك تليفونى و اقولك هاوريلك الفواتير و الخسارة دة مش اثبات

وهو المفروض إن كل أعضاء المنتدى يتصلوا بحضرتك علشان يعرفو مشكلة السيراتو ؟
طب ما تقول هنا علشان الكل يستفيد

[dr_romio25]

حضرتك قولنا اية المشاكل الي خلتك كرهتها اوي كدة

وياريت تقول اية العربية الي حضرتك جبتها بعد مبعت السيراتو عشان تتغلب على المشاكل دي (طبعا هتكون في نفس رانج الاسعار عشان واضح انك فاهم يعني)

[explorist]

معلش يا جماعة ... تقبلوا مروري

نصيحة لصاحب الموضوع بالإنتقال لقسم "إسبرانزا"
هناك كلمة "زبالة" عادي جدا وبتتعمل عناوين مواضيع كمان ...
ولا توجد "رفاهية" الأيقاف أو التعديل أو الحذف مراعاة لمشاعر مالكي السيارة

مرحبا بيك فى أي وقت فى قسم الإسبرانزا الحر الزبالة

التحاور باستخدام كلمات متدنية يقلل من قيمة المنتدى ومكانة الاعضاء المحترمبن

لكن بخصوص الايقاف يبدو ان مشرف القسم عنده سيراتو ولديه حساسية تجاه اى عضو يحاول ابداء رأى مختلف

[ابو ليلى]

التحاور باستخدام كلمات متدنية يقلل من قيمة المنتدى ومكانة الاعضاء المحترمبن

لكن بخصوص الايقاف يبدو ان مشرف القسم عنده سيراتو ولديه حساسية تجاه اى عضو يحاول ابداء رأى مختلف

سبحان الله حضرتك الكلام فى قمة التناقض مابين السطر الاول والتانى