وأخيرا ركبت انذار ..... ولا الحاجة للوكيل

[aaet1]

السلام عليكم، بعد طول تردد ومناكفات مع الوكيل، ياعم انذاركم مش عاجبانى، والله ده اللى عندنا، وأبعت للشركة الأم والوكيل يتصل بيا وبرضه مش هنركب انذار من بره
واللى تابع موضوعى القديم هيفتكر الكلام ده واللى أخيرا وصلت لحل من الوكيل .... ركب برة لو تحب ولكن لو الانذار عمل مشكلة فى الكهرباء ضمانها هيقع منك، وبعد تردد قررت أمسك فى الجملة دى واتوكلت على الله والاخوان هنا نصحونى بمحل شهير فى صلاح سالم وقد كان

ركبت انذار بيشتغل على ريموت العربية، صوته كويس جدا وعالى وحساسيته جميلة، ومداه طبعا على المدى الأصلى بتاع ريموت العربية وكل ده بـ 300 جنيه

كمان الراجل عرض عليا أركب وحدة رفع ازاز للأربع شبابيك بـ 175 جنيه بس بصراحة قلت بلاش لعب فى الكهرباء أكتر من كده ولما نشوف الانذار الأول

الحمد لله ولا ذل الوكيل بس ربنا يتمها على خير

تحياتى

[braveheart911]

الف الف مبروك الانذار يا باشا وربنا يتمها عليك بخير باذن الله

[kono]

مبروك يا باشا ويا رب يطلع تمام معاك
ابقى وافينا بالاخبار عشان نمشى على خطاك

[bolok]

اولا الف مبروك الإنذار
بعد كام يوم كده وافينا بأخبار الكهربا ايه وهل كل شئ تمام ..
ربنا مايجبلكش حاجة وحشة ان شاء الله

[aaet1]

واتركب فى ساعة ونص بالكتير ولا لطعة الأربع ساعات فى التوكيل

[Atrees]

انا باقولك اهو زي التوكيل - ده اخر انذار ليك مننا - ههههههههههههههههههه

طبعا انا بهرج كالعادة - ربنا يباركلك فية

[Mostafa Shaker]

اولا الف مبروك ثانيا انت عربيتك بصمه ولا العادى و مكنه الرفع دى حوارها ايه انت عارف ان اللوك بيقفل بعد 20 ك/م
معلش اسألتى كتير

[aaet1]

أنا عربيتى sx عادى مش بصمة وموضوع وحدة الرفع بسيط جدا جهاز بيتركب على الدايرة بتاعة رفع الزجاج ومربوط بالانذار بحث اول ماتقفل يدى أمر للزجاج انه يقفل علشان يحميك لو كنت نسيت تقفل الزجاج، موضوه تركيبه بسيط جدا وكنت هركبه مباشرة وأنا بركب الانذار: أما بالنسبة للوك فهو شغال عادى بيقفل الأبواب بعد سرعة 20كم/س ومالوش علاقة بوحدة رفع الزجاج

تحت أمرك ومافيش مشكلة اسال براحتك :)

[magdy1963]

الف مبروك ياباشا على الانذار وعقبال وحدات الرفع انا مركبها زى الفل ومش هاتندم

[M7amD_7amDy]

الف مبروك :))