تقييمى للبيكانتو

[w_elfaham]

عود محمود وكل سنة وانت طيب وعيد سعيد
ياريت اذا سمحت تقولنا تقييمك عنها بعد سنة ودي فترة هايلة نقدر نعرف ايه اخبارها فيها لأني معجبة بيها وخصوصاً اني ان شاء الله عايزه أجيبها أوتوماتيك

[Mina W]

بعد سنة و 15000 كم تقريبا

عود محمود وكل سنة وانت طيب وعيد سعيد
ياريت اذا سمحت تقولنا تقييمك عنها بعد سنة ودي فترة هايلة نقدر نعرف ايه اخبارها فيها لأني معجبة بيها وخصوصاً اني ان شاء الله عايزه أجيبها أوتوماتيك

اولا شكرا للمعيده الجميلة و اسف على تأخيرى فى الرد

انا فعلا كنت ناوى فى اول فرصة اكتب تقييم جديد للعربية بعد معرفتها بشكل افضل دلوقتى، لكن علشان ضيق الوقت حاول اقول حاجة و لو مختصرة دلوقتى

هبتدى اولا بعيوب العربية علشان محدش يقول منحاز لعربيته
1- السعر عالى شوية لما يتقارن بالفيرنا و اللانوس، لكن للاسف الناس بتقارن كورى مع تجميع مصرى
2- الشنطة صغيرة ، بس ردى ان الواحد لو بيسافر هو و العيال للمصيف فده اسبوع من 52 اسبوع فى السنة و مع شوية تنظيم و ابتكار طلعنا المصيف و الحمدلله كله عدى على اخير
3- استهلاك البنزين اعلى من المتوقع، و ده بعد بحث على الانترنيت (و مش عارف السبب) لقيت ان العربية استهلاكها بيتحسن بعد من 10000 كم الى 15000 كم فهو كان 13-14 كم لكل ليتر بزين 92 بقى دلوقتى تقريبا 16-17 كم لكل ليتر (ده متوسط نص جوه البلد و نص على السريع مع التكييف)
4- البطارية صغيرة فحصل انى لو نسيت نور العربية تانى يوم الاقى البطارية نامت و مش عارف لسه ده طبيعى و لا

المميزات
1- تقفيل كورى نظيف، يبان حتى الباب لما اتفك علشان اركب السنتر و الانذار لقيت فى بلاستك علشان يمنع دخول التراب و المياه جوه الباب
بجانب صوت الموتور الهادى لحد ما يعد ال RPM 3000 و بعده يطلعها صوت
2- الموتور هادى بس قوى جبت لحد 160 كم/س و لولا انى خفت من الطريق كنت حاولت اكتر، السحب حلوه جدا مع اعتبار انها 1100 سىسى و كمان مع التكييف السحب و التجميع معقول جدا
3- الصالون واسع انا و مراتى و الاولاد (2) بنركب و كله تمام و لما اشتريت غشالة اطباق متوسطة فريش حملتها جوه العربية و بنتى كانت راكبه وار و مراتى جنبى، و لما سافرت المصيف كانت الشنط ورا و الاولاد قاعدين جنبها
4- العربية عاليه حتى و هى محمله ، زميلى باع الفيرنا لانه كان بيحك فى كل مطب لما حد بيركب فى الكنبة اللى ورا
5- استهلاك البنزين و الحجم كله كويس علشان الشارع فى مصر بس من غير ما الواحد يخسر حاجة محتاجها فى العربية موتور قوى و على الاقل 4 افراد راكبين مرتاحين، و خصوصا بعد الاسعار الجديده
6- التوكيل كويس انا و الحمد لله لسه مغيرتش اى حاجة فى العربية، لكن بعد كل صيانة بحس ان العربية ريحت و فاقت

اخيرا انا باختصار لسه باستمتع بقيادة البيكانتو (بس طبعا لما مفيش حد من العربيات التانية بيزنق عليا او ان الشارع يكون مليان مطبات تكسر اجدع عربية) ، لذا انا مفيش اى حاجة تخلينى اغير راى فيها

فلو لسه فى سؤال انا تحت امركم

[midoo00707]

ممكن اسأل عن السعر كام دلوقتى كاش وقسط واحسن التوكيل ولا المعرض وانا يا جماعة ابحث عن تقسيط اسلامى ممكن حد يكون جاب سيارة بقسط اسلامى بعيد عن البنوك والتامين علما بانى موظف حكومة بس بخاف من اى حاجة فيها شبهة ربا يجب ان ننظر الى الاخرة قبل الدنيا حتى لو مركبناش سيارة من اصلة ربنا يستر . اىحد يكون اشترى بقسط الامى يدلنى

[shery103]

انا جبت البيكانتو 2008 من اسبوع تقريبا

و طبعا عربية رائعة

بالنسبة للاسعار

مانيوال هاف اوبشن ( بدون سنتر ولا ازاز كهربا ) 61000
مانيوال فول اوبشن 64000
اوتوماتك هاف اوبشن 69000
اوتوماتك فول اوبشن 71000

و يفضل انك تجيبها من التوكيل ، او موزع معتمد ، عشان انا كان هيتضحك عليا و كنت هاخد واحدة خليجى و بعدين اكتشفت على اخر لحظة ، فخليك فى السليم

و اسمع دلوقتى ان شركة كونتاكت عاملة تقسيط اسلامى

[NaderNabil]

هبتدى اولا بعيوب العربية علشان محدش يقول منحاز لعربيته
1- السعر عالى شوية لما يتقارن بالفيرنا و اللانوس، لكن للاسف الناس بتقارن كورى مع تجميع مصرى
2- الشنطة صغيرة ، بس ردى ان الواحد لو بيسافر هو و العيال للمصيف فده اسبوع من 52 اسبوع فى السنة و مع شوية تنظيم و ابتكار طلعنا المصيف و الحمدلله كله عدى على اخير
3- استهلاك البنزين اعلى من المتوقع، و ده بعد بحث على الانترنيت (و مش عارف السبب) لقيت ان العربية استهلاكها بيتحسن بعد من 10000 كم الى 15000 كم فهو كان 13-14 كم لكل ليتر بزين 92 بقى دلوقتى تقريبا 16-17 كم لكل ليتر (ده متوسط نص جوه البلد و نص على السريع مع التكييف)
4- البطارية صغيرة فحصل انى لو نسيت نور العربية تانى يوم الاقى البطارية نامت و مش عارف لسه ده طبيعى و لا

المميزات
1- تقفيل كورى نظيف، يبان حتى الباب لما اتفك علشان اركب السنتر و الانذار لقيت فى بلاستك علشان يمنع دخول التراب و المياه جوه الباب
بجانب صوت الموتور الهادى لحد ما يعد ال Rpm 3000 و بعده يطلعها صوت
2- الموتور هادى بس قوى جبت لحد 160 كم/س و لولا انى خفت من الطريق كنت حاولت اكتر، السحب حلوه جدا مع اعتبار انها 1100 سىسى و كمان مع التكييف السحب و التجميع معقول جدا
3- الصالون واسع انا و مراتى و الاولاد (2) بنركب و كله تمام و لما اشتريت غشالة اطباق متوسطة فريش حملتها جوه العربية و بنتى كانت راكبه وار و مراتى جنبى، و لما سافرت المصيف كانت الشنط ورا و الاولاد قاعدين جنبها
4- العربية عاليه حتى و هى محمله ، زميلى باع الفيرنا لانه كان بيحك فى كل مطب لما حد بيركب فى الكنبة اللى ورا
5- استهلاك البنزين و الحجم كله كويس علشان الشارع فى مصر بس من غير ما الواحد يخسر حاجة محتاجها فى العربية موتور قوى و على الاقل 4 افراد راكبين مرتاحين، و خصوصا بعد الاسعار الجديده
6- التوكيل كويس انا و الحمد لله لسه مغيرتش اى حاجة فى العربية، لكن بعد كل صيانة بحس ان العربية ريحت و فاقت

اخيرا انا باختصار لسه باستمتع بقيادة البيكانتو (بس طبعا لما مفيش حد من العربيات التانية بيزنق عليا او ان الشارع يكون مليان مطبات تكسر اجدع عربية) ، لذا انا مفيش اى حاجة تخلينى اغير راى فيها

فلو لسه فى سؤال انا تحت امركم

تصدق يا أستاذ مينا انا أول مره أقرأ التقييم ده....بس فعلا كل اللي انت قلته انا شايفه في عربيتي بالظبط....و خلاني اتأكدت اني مش بفتي أو متوهم:) و نفس التققيم اللي انت كاتبته من 3 شهور هو اللي انا متته بعديها من غير ما أقرأ ده:)

[MomoMedo]

استشارة عن البيكانتو الكاملة والهاف

السلام عليكم
انهاردة نزلت عشان اجيب كيا بيكانتو
بس للاسف ملقتش غير العربية الهاف
وانا كنت عايز الفل
اكتر حاجة مديقاني فيها بصراحة الاكصدام
عشان لونه اسود

سؤالي بأى
لو انا جبت الهاف
اقدر اركب الحاجات الناقصة فيها في التوكيل
اللي هي الازاز الكهربا والسنتر وفتح الشنطة من جوة لعربية؟؟

وكمان الاكصدام ممكن اغيره بعد كدة بواحد لون العربية؟؟

الدفعة الجديدة المركب هتوصل يوم29 لسة بعيد يعني والظروف لا تسمح اني استنى؟
ايه رايكو؟؟؟

[yasserayad]

انا جبت البيكانتو 2008 من اسبوع تقريبا

و طبعا عربية رائعة

بالنسبة للاسعار

مانيوال هاف اوبشن ( بدون سنتر ولا ازاز كهربا ) 61000
مانيوال فول اوبشن 64000
اوتوماتك هاف اوبشن 69000
اوتوماتك فول اوبشن 71000

و يفضل انك تجيبها من التوكيل ، او موزع معتمد ، عشان انا كان هيتضحك عليا و كنت هاخد واحدة خليجى و بعدين اكتشفت على اخر لحظة ، فخليك فى السليم

و اسمع دلوقتى ان شركة كونتاكت عاملة تقسيط اسلامى

ياجماعه سؤال من فضلكم
هل ممكن الواحد يجيب الهاف اوبشن
ويركب الزجاج الكهربا والسنتر (الفروق) فى التوكيل وتبقى نظيفه
(مش لسبب التوفير و لكن لانى باحب العربيه وهى الاكصدامات بتاعتها سوداء والباكتات فى الجنب سوداء برضه مش لون العربيه)وده مش متوفر غير فى الهاف بس
جزاكم الله خيرا

[yasserayad]

السلام عليكم
انهاردة نزلت عشان اجيب كيا بيكانتو
بس للاسف ملقتش غير العربية الهاف
وانا كنت عايز الفل
اكتر حاجة مديقاني فيها بصراحة الاكصدام
عشان لونه اسود

سؤالي بأى
لو انا جبت الهاف
اقدر اركب الحاجات الناقصة فيها في التوكيل
اللي هي الازاز الكهربا والسنتر وفتح الشنطة من جوة لعربية؟؟

وكمان الاكصدام ممكن اغيره بعد كدة بواحد لون العربية؟؟

الدفعة الجديدة المركب هتوصل يوم29 لسة بعيد يعني والظروف لا تسمح اني استنى؟
ايه رايكو؟؟؟

انا كتبت من غير مااقرا ردك
افهم من كلام حضرتك انك لقيت فول اوبشن مانيوال واكصدامات وباكتات سوداء
انا بادور على كده
لقيتها عند مين من فضللك:smile::smile:

[MomoMedo]

لا لا لا لا لا اانا ملقتش غير الهاف بس
بس انا عاكسك عايز الاكصدامات بلون العربية هههههههه
:smile:

مع ان الناس هنا بيقولولي انها حلوة السودة
شكلي هخلص فيها انهاردة على بركة الله

[yasserayad]

هى اذواق بس السودا احلى فعلا
ونفسى اجيبها بس خايف اركب زجاج كهربا وسنتر فى التوكيل اوخارج التوكيل متطلعش بجوده اللى
جايه فول اوبشن اصلا
ماليش غير حل واحد
اجيبها فل اوبشن وارش الاكصدامات

[دينا أبوالعلا]

لو سمحت يا استاذ مينا انا عندي بيكانتو اوبوماتيك جيبتها في الصيف بس عمر ما نور لمبه التسخين ازرق فعايزه اعرف هي بتنور مع حضرتك في الصيف ولا انا اللي عندي حاجه غلط

[islgamal]

طيب معلش لو سمحتم انا سمعت ان فى مشكله فى البور. ما مدى صحة هذا الكلام ؟ و شكرا

[medo_sirion]

لو سمحت يا استاذ مينا انا عندي بيكانتو اوبوماتيك جيبتها في الصيف بس عمر ما نور لمبه التسخين ازرق فعايزه اعرف هي بتنور مع حضرتك في الصيف ولا انا اللي عندي حاجه غلط

ياريت حد يرد علينا فى الموضوع دة

[NaderNabil]

اللمبة الزرقاء ملهاش علاقة بصيف أو شتاء...دي ليها علاقة بدرجة حرارة الموتور (المتمثلة في سائل التبريد)
من الواضح ان الموديلات الجديدة كلها مافهاش اللمبة الزرقاء...إتلغت يعني...أو توفيراً للنفقات...كفاية الحمراء بس نعرف منها ان فيه خطر :)

[dr_rose]

انا بفكر اجيب بيكانتو...بس محتاره بينها وبين الهيونداى i 10 ???