كلاكس السيراتو 2

[alzwawy]

صباح الفل علي احلي رجاله الي كلهم ساعدوني في موضوع كلاكس السيراتو
انا عملت بنصيحتكو يا رجاله الحمد لله و روحت علي الكهربائي تاني خالص بتاع واحد صاحبي
قعد يقولي الشريط بتاع الكلاكس مقطوع و لازم الاير باج يتغير قالي انزل وكاله البلح هتلاقي يعني انا رايح اعمل حاجه ب 20 جنيه هيدخلني في حاجه ب الافات قلتلو ما هو موجود بس ب 10000 جنيه قالي ليه يا عم انا هصلحلك الكلاكس كنت عاوز اقولو ما كان من الاول كان لازم ترغي و تقعد تمثل المهم قالي هاتلي 5 متر سلك 1 مل من الكهربائي الي هناك ده روحت بكام يا عم الحاج ب 5 جنيه ماشي هات جبت ال 5 متر و ادتهوملو حاول يجرب في فيشه الاير باج يمكن يشتغل منفعش وصل بموس في سلك الكلاكس علشان ميقشرش و لمس ارضي و سمعت صوت حبيبي الي كان بقالي زمن مسمعتهوش قلتلهه ايه ده الكلاكس اشتغل و كنت حاسس ب راحه جامده اوي يااااااااااااه اخيرا سمعت صوتك تاني ابني حبيبي كان بقالي كتير مسمعتش صوتك قالي الحمد لله الكلاكس شغال قلتله تمام قام فاكك علبه الفيوزات و قالي اقرالي في فيوز الكلاكس ف طلعتهولو قام شايل الفيوز و حاطط سلك مكانه و لمس ارضي اشتغل بقي كل ما يلمس ارضي يشتغل و انا احس ان قلبي بيرقص اعععععععععععع اخيرا سمعت صوتو تاني و قام حاطت السلك مكان الفيوز و قام حاطت فوقيه الفيوز تاني و مبقناش عارفين بقي هندخل السلك منين قالي ممكن نوصله علي دراع النور و شغل النور قالي لأ ده زينون مينفعش قالي خلاص نوصله علي دراع المساحات و نفضي المساحات قلتله ماشي و بعد كده قالي لأ المساحات بتشتغل مع المياه هيفضل المساحات تتحرك كل شويه قعدنا نفكر شويه و افتكرت حاجه انا عندي قدام رجلي الشمال زرارين النور واحد بيتحكم في قوه نور الطابلوه و التاني بيتحكم في درجه الاضائه الي بره و في مكان ل زرارين فاضين قلتله طيب ما نحط هنا في مكانين فاضين و نوصل علي زرار قالي ممكن نوصله علي زرار بتاع ازاز قلتله ماشي قالي طيب هنوصل السلك منين قلتله جرب من الكارتيره دخل من حوض الموتور للكارتيره للعربيه من جوه و قلت الحمد لله السلك وصل جوه بقي يلمس ارضي في الحديد بتاع الكرسي الكلاكس يشتغل قلتله تمام و قام موصله علي زرار و قام مركبه و حسيت بفرحه جامده جدا جدا هو اه الزرار بعيد شويه بس احسن من مفيش
و الراجل شاف الطاره و هي مقطوعه قالي اصلحهالك قلتله ازاي قالي دي بتاعتي بقي قلتله لأ عرفني قالي هسيحهالك ب الكاويه و هلزقهالك قلتله ماشي عملهالي و اتزبطت بس كان شكلها مش لزيز بس قلت مش مشكله احسن ما هي مفتوحه كده و قلت في عقل بالي انا ارشها و تبقي جامده المهم قلتله خلاص كده قالي خلاص كام يا باشا قالي الي تدفعه يمين شمال كام يا عم قالي الزرار 15 و 15 مصنعيه بصراحه قلت مش كتير و تمام واهم حاجه ان الكلاكس اتصلح كده 35 و 10 جنيه للصبي علشان هو الي اشتغل و علشان كمان صلحلي الطاره بس كده و خلصت قصتي لحد هنا و اشوفكو في الصه الجايه

---

#ff0000

عاوز بقي اقولقو علي حاجه بخصوص التكييف
انا اكتشفت ان احسن اداء للتككييف انك تقفل الفتحتين بتوع التكييف الي في الجمب و شغل الي في النص بس هتسقع بسرعه جامده و هيبقي احسن كتيــــــــــــــــر

---

#ff0000

نسيت اقولكو علي حاجه انا دهنت الطاره فعلا قولولي رأيكو بقي و هسبكو مع الصور و عاوز اسألكو علي حاجه عاوز اجيب اسبراي و ارش ال تابلوه هينفع ولا لأ انا هرشه احمر قلولي هينفع يترش ولا لأ

---

#ff0000

---

#ff0000

ده الزرار بتاع الكلاكس بعد تركيبه بس طبعا نضفته و ظبطه


ودي الطاره بعد التصليح


ودي روحت اجيب سبراي بس ملقتش و الراجل قالي انا هعملهالك عملهالي ب ده


ودي بعد الرش





ودي بعد ما ركبت

[alzwawy]

معلش يا رجاله مش عارف الصور مقلوبه كده ليه معلش

[M7amD_7amDy]

على البركة يازواااااااااااوى

أخييييييييرا بقى عندك كلاكس

زمر براحتك بقه وهات صداع للدنيا كلها ههههههه

بس مش عاجبنى الدهان الأحمر ده

مكنش ينفع تسمع الكلام وتقوله ماشى

ده كان يترش فقططططط

[alzwawy]

اه بقي عندي كلاكس و طول ما انا ماشي عمال اكلكس و مصدع الناس بس ساعات كتير بنساه من كتر ما اتعودت بقي
يا عم ده انا بقنع نفسي انه حلو ليه بس كده علي العموم ممكن يترش فوقيه عادي اديله وش ابيض ارجعه زي ما كان و بعد كده وش احمر تاني بس انت مقلتليش ارش الطابلوه ولا لأ و ينفع يترش اصلا ب الاسبراي ولا لأ

[Deshahcoka]

باشا معلش بس بصراحة عربيتك اتبهدلك اوي و توجع القلب ! منهم لله المفترين ان شاء الله ربنا يعوضك

[aly_hosny]

مبرووووووووووووووووووووك
بس انا كدا ليا عزومة

ورش الكلاكس عايز يتظبط شوية

[waleedelpiloot]

مبروككككككككككك يا زواوىعلى الكلاكس وما تصعدنااش بية بقة :PPP
والوش حلو والله مش وحش هوة بس عايز من عند كلمة kia كدة تجيب قطنة وشوية تنر وتمسح حروفها
وما تروشش التابلوة كدة حلو اووى عليك

[medoxmedox]

والله يا باشا
انا رايي انك تشتري الدايره اللي في النص دي افضل جديده
انا حاسس انها مش ظريفه خالص

[ahmedamr007]

يابنى قلتك بلاش حوار الرش دا انتا لية مش بيتسمع الكلام

[kono]

اخيرا
الف مبروك يا باشا

[alzwawy]

باشا معلش بس بصراحة عربيتك اتبهدلك اوي و توجع القلب ! منهم لله المفترين ان شاء الله ربنا يعوضك

ايه الي اتبهدل يا باشا و مين المفتريين دول

[alzwawy]

مبرووووووووووووووووووووك
بس انا كدا ليا عزومة

ورش الكلاكس عايز يتظبط شوية

يا علي باشا انت تؤمر مش عزومه بس لأ كل الي انت عاوزه و فعلا الكلاكس الرش بتاعه عاوز يتظبط شويه انا بفكر اسنفره و اديلو وش احمر ب الاسبراي بقي مش ب العك ده او اسنفره و ارشه اسود تاني لسه مش عارف

[blackknight]

100000 مبروك يا كبييييييييييييييييير و عقبال متغير الطارة بقى علشان انت شوهت السيراتو موت الله يسامحك , متزعلش منى انا حاسس انى شايف ميكروباص بالدهان الاحمر اللى انت عملتو فى الدريكسيون بس معلش هيص براحتك و اضرب كلكس زى ماانت عايز

[alzwawy]

مبروككككككككككك يا زواوىعلى الكلاكس وما تصعدنااش بية بقة :ppp
والوش حلو والله مش وحش هوة بس عايز من عند كلمة kia كدة تجيب قطنة وشوية تنر وتمسح حروفها
وما تروشش التابلوة كدة حلو اووى عليك

وليد حبيب قلبي و زميلي في العائلي ههههههههههه طبعا انت فاهم و انا فاهم
ده انا مش هصدعك لأ ده انا هخلي ودانك تزمر العضو الي معلق بعديك ده ليه عندي علقه كل ما كنت ازمر كان بيضربني و انا سايق بقي ما انا مش هعرف اعمل حاجه من كتر ما دماغه صدعت ههههههههه

[Atrees]

يا علي باشا انت تؤمر مش عزومه بس لأ كل الي انت عاوزه و فعلا الكلاكس الرش بتاعه عاوز يتظبط شويه انا بفكر اسنفره و اديلو وش احمر ب الاسبراي بقي مش ب العك ده او اسنفره و ارشه اسود تاني لسه مش عارف

لو عملتو احمر تاني حخبطك بالعربية في المقابلة - لا يا زوز بلاش الاحمر دة - خليها اصفر - هههههههههههههههههههه



يا عم رشه اسود اشيك - وكفايا لعب بقييييييييييييييييييييي