عجل السيراتو

[samer_007]

السلام عليكم

اخيرا وبعد طول بحث ولف ودوران اشتريت اربع فرد كاوتش جديد للسيراتو 2010

انا عربيتي عاملة 40000 كيلو بس البلالاين كانت فعلا مخوفاني فقررت اشتري عجل جديد. بعد سؤال ناس لهم خبرة في العجل نصحوني اشتري عجل علية حرف w لان العجل دة بيستحمل المطبات لان الجوانب بتبقى مدعمة زيادة علشان تستحمل السرعات العالية.

المهم دورت في اسعار كل الأنواع الموجودة في السوق وقلت مش هسترخص بس مش هقدر ادفع كتير وهزكر بعض الأسعار للي عايز يشتري:

ميشلين: بيبتدي من 650 جنية على حسب الحرف (يعني لو h بيكون بالسعر دة وبيزيد كل مالحرف يزيد زي الـ v & w)
كونتينتال: بيبتدي من 640
هانكوك كوري: من 400
كومهو: 400 (الكوري حرف w) ودة الي انا اشتريتة

طبعا في انواع تانية كتير وارخص بس محبيتش استرخص قوي وقلت اجيب الوسط

لية اخترتة:
1- علشان مجربة قبل كدة
2- سعرة كويس
3- لما دورت علية على النت لقيت الريتنج او التقييم يعني عالي (السرعة + مسافة الفرملة + تحمل الحرارة + المية)

اسف لو طولت عليكو بس حبيت اشرك معاكو الحدث الجديد عندي

سلام

[Deshahcoka]

ممكن رقم الفرده الكمهوا ؟ ال w ديه ؟

مبروك يا باشا و ربنا يباركلك

[moha4tec]

ممكن رقم الفرده الكمهوا ؟ ال w ديه ؟

مبروك يا باشا و ربنا يباركلك

+111111111111111111
معلش ممكن تبعتلى على الخاص اماكن شراء الكاوتش كلها لان الاسعار دى مخفضه جامد عن اى حته تانيه
احنا كلنا محتاجين كاوتش البلالين هرتنا
سلام و شكرا على الافاده
و خلى بالكوا من تاريخ صلاحية الكاوتش مهم جدا لانه لو قديم و متخزن هيشقق بعد ما تمشى بيه شويه
سلام

[semsem75egy]

برجاء يا سامر سرعة ضبط واحضار مكان الشراء والرقم المكتوب علي فردة الكاوتش
احسن نجاتي نفخ كل البلالين الموجودة خلاص ومعدش هناك مكان تاني للنفخ
وربنا يستر....................

[mezo_1978]

مقاس الفردة كام ؟؟
17 ولا 16

[blackknight]

اعتقد ان ال w speed rating symbol كتير قوى خاصة انه يتحمل السرعات حتى 270 كم\ ساعة واحنا اخر العداد 220 كم\ساعة و تقريبا ان موضوع تدعيم الجوانب ده مش منطقى

[moha4tec]

اعتقد ان ال w speed rating symbol كتير قوى خاصة انه يتحمل السرعات حتى 270 كم\ ساعة واحنا اخر العداد 220 كم\ساعة و تقريبا ان موضوع تدعيم الجوانب ده مش منطقى

+11111111111
w اكيد بيستحمل درجة حراره اعلى و سرعة دوران اكبر
انما اللى ينفع مع مطباتنا الحلوه هو XL و ده كان عضو ذكره فى موضع و قال ان تركيبه بيبقى احسن و اقوى و هو معمول اصلا للخدمه الشاقه و خامات و تخانات احسن و كمان السعر اغلى بالتاكيد ,
لو خدتو بالكوا فى الصور اللى فى موضوعى( سيراتو 2011 و شوية تعديلات رهيبه بالصور )

http://www.nilemotors.net/Nile/145773-2011.html

انهم مركبين كوتش كونتيننتال فى الكوبيه COUP RACE ,و ايضا GOOD YEAR ,فى ال COUP CONCEPT ,يعنى بيتهيالى ان دول احسن حاجه ممكن تركب و لو شفتو اعلانات اى عربيه تانيه مرسيدس او غيرها من الغاليه هتلاقوا نفس نوع الكاوتشين اللى انا ذاكرهم

[blackknight]

بالمناسبة الXL: eXtra Load; tire for vehicles of heavier standard weights ده مش زى بقية الرموز ده بسس للعربيات ذات الاوزان العالية و لكن ال W,v,Y ديه رموز تدل على اقصى سرعة تتحملها فردة الكاوتش فأعتقد ان موضوع ال xl ده ملوش علاقة بتخانة الفردة

[Deshahcoka]

ممكن يا باشا امكاكن بيع اللفرد ديه على الخاص ؟ شكراً

[samer_007]

السلام عليكم واسف على التاخير في الرد

اولا: الحرف الي انا قلت علية (W) انا والله مش من عندي. انا زي ما قلت سالت ناس كتير وتوكيلات كتير وهما فعلا زكرو موضوع ال XL بس الـ W سعرو احن لان النوع الأول اغلى كتير.

كمان الـW بيكون الجوانب فية مدعمة والدليل ممكن حضرتك تمسك عجل H او اي حرف اقل من الـ V و W وهتحس ان الجوانب انشف. اكيد علشان بيستحمل سرعة اعلى وكمان الجوانب الناشفة مش بتسمح للعجل انو يطبق فى المطب ,,,,,, المعلومة دي من على النت وتاكدت منها ممن احد الأصدقاء وهوا بيشتغل في توكيل كبير في مصر للعجل.

الأخ الي بيقول ان العربية اخرها 220 كيلو....كلامك صح بس العجل مش سرعة بس. يعني السرعة هي احد العوامل وبيتبني عليها قوة العجل وتحملة للطرق وكمان شكلة. الي حضرتك متعرفوش كمان ان العجل كل ما كان بيتحمل سرعة كل ما كان قوتة على الفرملة والمناورة احسن. الي عايز يتاكد سهل قوي يدخل اي موقع لشركات العجل العالمية ويعمل اختيارين للعجل بتاع السرعات العالية واخر للنوع الأقل ويشوف التقييم بتاع كل نوع من حيث الفرملة والمناورة والتحمل ...........ويحكم


بخصوص اماكن الشراء... انا اشتريت من محل اسمو اولاد نصار في الحي السابع قبل مركز شباب السابع على طول. عندو KUMHO وكمان Hankook وانواع تانية كتير بس مش منها الـ NEXEN المعفن

الـContinital والله عندو كان عامل 650 وانا ما فاصلتوش لاني مكنش معايا الي يكمل السعر حتى لو بقى 600

السعر الي انا كتبتة (1600) كان شامل كل شي من ترصيص ونيتروجين وفك وتركيب وكلو

شكرا لكل من رد على الموضوع واتمنى لكم بلالاين اقل

والسلام خير ختام

[alhajmerooo]

كومهو: 400 (الكوري حرف w) ودة الي انا اشتريتة
معلش ممكن اعرف الفردتين عاملين كام

[hosamenter]

الف مبروك يا باشا ممكن رقم ومكان الشراء عالخاص لو تكرمت

[Baher79]

سؤال بسيط بس: هو الكاوتش Nexen اللي بينزل في السيراتو السعودي ال 16" بيبقى W ولا V ولا A ولا ايه بالظبط؟ ويا ترى تقييمه ايه؟

[banboty]

ممكن رقم الفرده الكمهوا ؟ ال w ديه ؟

الموضوع ده هيفيدك بأذن الله

و يفيد اللى عاوز يعرف

http://www.nilemotors.net/Nile/150978-a.html