هل بدأت تظهر عيوب الكيا سيراتو؟

[ALSHARIEF]

على فكرة العربية دى عجبانى اوى وناوى أشتريها أن شاء الله

وألف شكر لحضرتك على الدعوة الكريمة لتجربة السيارة والله انا لو فى مصر كنت جيت بس علشان اتعرف عليك بس للاسف أنا فى الامارات وأن شاء الله يبقى فيه نصيب ونتعرف.

وربنا يطمن قلبك ومستنى ردود باقى الوحوش

باشا و الله أنا إللى حظى مش حلو إن حضرتك مش فى مصر و والله ده مش عزومة على الماشى بجد أنا تحت أمرك و أتمنى أتعرف على سعادتك فى أقرب وقت ممكن و ترجعلنا بالسلامة إن شاء الله

[aminibrahim]

بص حضرتك سيبك من البزين والكلام الفارغ ده الي يجيب الدح مايقولش اح
العربيه هايله ومشرفه شكلا ومضمونا الي مش مش قادر يصرف علي عربيه ما يجبهاش
هي مشكلةالعربيه التعليق الخلفي لكن كعربيه كويسه حاكم العربيه زي الجواز اظن واضحك

[sayedkamal]

باشا و الله أنا إللى حظى مش حلو إن حضرتك مش فى مصر و والله ده مش عزومة على الماشى بجد أنا تحت أمرك و أتمنى أتعرف على سعادتك فى أقرب وقت ممكن و ترجعلنا بالسلامة إن شاء الله

يارب يخليك وسعيد بمعرفتك

[sayedkamal]

بص حضرتك سيبك من البزين والكلام الفارغ ده الي يجيب الدح مايقولش اح
العربيه هايله ومشرفه شكلا ومضمونا الي مش مش قادر يصرف علي عربيه ما يجبهاش
هي مشكلةالعربيه التعليق الخلفي لكن كعربيه كويسه حاكم العربيه زي الجواز اظن واضحك

تسلم على المشاركة الجميله

[kono]

السلام عليكم ورحمة الله
وعليكم السلام ورحمة الله وبركاته
أنا عضو جديد فى المنتدى يعنى من حوالى شهرين كدة من ساعة ما فكرت انى اشترى سيارة جديد
اهلا بيك يا باشا فى اجمد منتدى
المهم مطولش عليكم كنت محتار بين الكيا سيراتو والالنترا - شوفت كتير من اراء ملاكى السيراتو وعرفت انها عربية ممتازة و كمان الالنترا - بس من كام يوم كدة ابتديت اقراء على المنتديات مشاكل عمالة تظهر فى السيراتو ( زى موضوع العفشة الناشفة - الجنط 17 - المقصات اللى بتتكسر - مشكلة البنزين العالى - الغيار الاتوماتيك - صوت الموتور العالى ) وبصراحة مش بقيت ألاقى رد من الناس اللى كانو متحمسن اوى فى البداية للسيراتو

فمش عارف هل فعلا موضوع المشاكل دى حقيقية والناس اللى بتقول كدة عن تجربة ولا ايه!!!!!

انا عربيتى ex جنط 16 - ناشفة بس مش وحشة اوى تقدر تتعود عليها - سمعت عن موضوع المقصات ده بس معرفش حكايته ايه - استهلاك النزين عالى جدا بس خلى بالك العربية اوتو 1600 سى سى - ماله الغيار الاوتو ؟؟؟؟؟؟ - صوت الموتور مش عالى ولا حاجة الا على السرعات العالية بعد 140 كيلو

ياريت حد يرد على الموضوع ده علشان فعلا لو فيه مشاكل يبقى عملتو خير فى اللى لسه مش اشترى العربية دى

واسف للاطالة

[night_phoenix]

يا باشا انا عيوبها ظهرت معايا من اول ما خرجت من الاجنص
0105061753

تاني؟؟؟؟
معرفاناش للمرة المليون ايه العيوب الي ظهرت
وحضرتك مبعتهاش ليه ولما ظهرت اول ما حضرتك خرجت من باب الاجنس ليه مرجعتهاش تاني و خدت حاجه غيرها وكمان شويه فرق فلوس وليه لو بقت وحشه مع حضرتك مرمتهاش لااجنس في وشه في اول 14 يوم
و حضرتك مقلتاش انت عامل كام كيلو ومستوي سواقتك ايه و خبرتك ايه و ايه احتمال اسباب العيوب
وبتعمل صيانه ازاي وفين
وبتعامل العربيه ازاي

حضرتك اي كلام هيطلع منك لازم يكون مبرر و واضح ومنطقي مش رمي كلام وبس لان لو سيادتك معندش توضيح يبقي كلام غير ذو جدوي ولا يهمنا في اي حاااااااااااااااااااااااااجه وتليفون حضرتك نعمل بيه ايه؟؟؟
هوة كل واحد يحب يستوضح من سعادتك يتصل بيك؟؟؟؟؟

السيراتو ؟

ايوة حضرتك السيراتو حضرتك بتكتبها صح
هيا فعلا ده اسمها
مش حضرتك بتسال علي كده؟
بالعربي "س ي ر ا ت و " in english "cerato
ارجو اكون افدتك

[hosamenter]

السلام عليكم ورحمة الله

أنا عضو جديد فى المنتدى يعنى من حوالى شهرين كدة من ساعة ما فكرت انى اشترى سيارة جديد

المهم مطولش عليكم كنت محتار بين الكيا سيراتو والالنترا - شوفت كتير من اراء ملاكى السيراتو وعرفت انها عربية ممتازة و كمان الالنترا - بس من كام يوم كدة ابتديت اقراء على المنتديات مشاكل عمالة تظهر فى السيراتو ( زى موضوع العفشة الناشفة - الجنط 17 - المقصات اللى بتتكسر - مشكلة البنزين العالى - الغيار الاتوماتيك - صوت الموتور العالى ) وبصراحة مش بقيت ألاقى رد من الناس اللى كانو متحمسن اوى فى البداية للسيراتو

فمش عارف هل فعلا موضوع المشاكل دى حقيقية والناس اللى بتقول كدة عن تجربة ولا ايه!!!!!

ياريت حد يرد على الموضوع ده علشان فعلا لو فيه مشاكل يبقى عملتو خير فى اللى لسه مش اشترى العربية دى

واسف للاطالة

بعد اذن العتاولة طبعا اهلا بيك معانا لوحضرتك متابع المنتدى هتلاقى ان المنتدى دة بالذات مش من المنتديات المتعصبة ولا المنفسنة باختصار كل واحد فينا بيحاول ينصح التانى بعيد عن المجاملة وكل شيى بيتم بكل حب وشفافية يعنى بالبلدى ومن الاخر محدش هيلبسك فى الحيط واهلا بيك مرة تانية والسيراتو okkkkkkkkkkkkkkkkkkkkkkkkkkkkkkk

[zezo_22]

انا اقولك عن تجربة شخصية العربية بجد جميلة جدا بالنسبة لسعرها على الامكانيات الى فيها
بس فعلا وبعد حوالى 10000 كيلو ابتدت عيوب تظهر فيها واللى لاحظتو انها مش فردية لا كذا حد اشتكا منها
زى مثلا لمبة الايرباج نورة فاجأة غير كدا كنت بسمع صوت تزييق فى العفشة جنط15
العربية مشكلتها فعلا العفشة ومحدش عارف على المدى البعيد يعنى بعد 100000 كيلو هتبقى ازااى
انا بعتها دلوقتى بس فعلا العربية كتير بشتاق انى اسوقها لان سواقتها ممتعة فعلا
ياريت اكون افدت حضرتك وياريت تفكر كويس قبل ما تاخد قرار واسف على الاطالة

[Amr A.salam]

العربية معايا بقالها سنة .....ترخيص شهر 8 -2009

وعملت 20 ألف كيلو تقريباً

والحمد لله العربية ما فيهاش مشاكل

[ChEKoOo]

السيراتو عربيه تحفه ملهاش اخت بصراحه اعلى من الالنترا فى الكماليات و التظابيط مفهاش عيب والحمدلله ان انا معايا بقلها حوالى 15 يوم انا معايا الكيا السيراتو الكوبيه

[samer_007]

اعتقد اني اقدم واحد هيرد عليك واكتر واحد عامل كيلو متر لاني عامل حوالي سنة وشهر و 42000 كيلو

ماظهرش عندي ولا مشكلة واحمد الله واشكر فضلة وانا جنط 16

العربية حلوة وممتعة طول ما الزيت تمام والبوجيهات تمام

تقبل مروري

[ChEKoOo]

يا عم بس مفيش احلى من الكيا الكوبيه

[pino911]

ايييييييييييييييييه!!!!!!!!!!! مقصات تتكسر؟؟؟؟؟؟؟؟؟؟؟؟؟؟؟؟؟؟؟؟ ايه يا عم أنت الأى كلام ده!!!!!!!!!!!!!!!!

[mizo6030]

صديقى صاحب الإستفسار أقول لك بكل أمانه انا معايا هاى لاين والعربية ما شاء الله فيها كل المميزات على فكرة انا سقت الإلنترا ومعايا حاليا النيو سيراتو هو الفرق مش كبير قوى بين الإثنين لكن الأفضل سيراتو فخامه ثبات أكتر قوة موتور أكبر شكل جميل ، ولكن انا سقت الإلنترا 2008 بس انا سامع ان 2011 شكلها جديد وتحفه - وبعدين حضرتك داخل تسأل ناس بتموت فى السيراتو وانا أولهم فمش ممكن هقولك روح اشترى إلنترا بس كل إلى أقدر أقدمه لك هذه النصائح :
1. سوق العربيتين من خلال اصدقائك ، تأجير العربية ......
2. صلى صلاة إستخارة

[sayedkamal]

بعد اذن العتاولة طبعا اهلا بيك معانا لوحضرتك متابع المنتدى هتلاقى ان المنتدى دة بالذات مش من المنتديات المتعصبة ولا المنفسنة باختصار كل واحد فينا بيحاول ينصح التانى بعيد عن المجاملة وكل شيى بيتم بكل حب وشفافية يعنى بالبلدى ومن الاخر محدش هيلبسك فى الحيط واهلا بيك مرة تانية والسيراتو okkkkkkkkkkkkkkkkkkkkkkkkkkkkkkk

متشكر على رد حضرتك وأنا سعيد انى اتعرفت بأشخاص رائعين زيكم فى المنتدى ده اولا

ثانيا مش قصدى والله ان حد يضللنى او حاجة فى المنتدى والا مش كنت عملت الموضوع ده علشان اسمع منكم واتأكد و كنت سمعت الكلام التانى - كمان علشان الاخوه الأعضاء الجدد يعرفو أن الكلام اللى بيتقال ما هو الا مجرد شائعات أو بلاش شائعات علشان مش حد يزعل منى "مجرد حالات فردية" وأن معظم الناس اللى اشترت السيارة مبسوطة منها ومفيش مشاكل حتى الأن وربنا ما يجعل فيه مشاكل خالص أن شاء الله.

وألف شكر لحضرتك