ما الفرق بين البيكانتو الهاف والفل اوبشن؟

[AirForces]

السلام عليكم
ليا صديق بيفكر يشترى عربية جديدة وانا رشحتله البيكانتو على قد الميزانية
بس مش عارف إيه الفرق فى الكماليات بين الهاف اوبشن والفل اوبشن مانيوال فياريت اعضاء كيا الكرام يفيدونا
وشكرا مقدما

[AirForces]

إيه يا جماعة مش معقولة محدش عارف :(

[MOSTAFABASAL]

الهاف اوبشن تكييف و باور و اكصدامات سودا
الفل اوبشن تكييف و باور و سنتر و 2 زجاج كهربا و فوجات و مساحه خلفيه او استوب خلفي و اموبيليزر واكصدامات بلون العربيه
ده على حسب معلوماتي

[hosamenter]

بردو نفس الموضوع الغامض

[AirForces]

الهاف اوبشن تكييف و باور و اكصدامات سودا
الفل اوبشن تكييف و باور و سنتر و 2 زجاج كهربا و فوجات و مساحه خلفيه او استوب خلفي و اموبيليزر واكصدامات بلون العربيه
ده على حسب معلوماتي

الف شكر على الإفادة يا فندم ربنا يخليك

بردو نفس الموضوع الغامض

موش فاهم غامض ليه
انا دورت كتير عن الفرق وملقتش إجابة حتى موقع كيا مش كاتب حاجة
قولت مفيش غير شباب كيا اللى هيفيدونى :)

[sara2001]

الفل اوبشن تكييف و باور و سنتر و 2 زجاج كهربا و فوجات و مساحه خلفيه او استوب خلفي و اموبيليزر واكصدامات بلون العربيه
ده على حسب معلوماتي

دي الخليجي
الوكيل تكييف وباور وسنتر و2 زجاج كهرباء واكصدامات بلون العربيه وبس

[wildeagle]

دي الخليجي
الوكيل تكييف وباور وسنتر و2 زجاج كهرباء واكصدامات بلون العربيه وبس

لا حضرتك الخليجي مفيهاش مساحة خلفية و لا فوجات بس ضيف عليها ايرباج للسواق و السي دي الأصلي بتاع كيا وطبعا التكييف و الباور و الأكصدام بلون السيارة هيا دي الفول اوبشن الخليجي انا لسه شاريها من شهر تقريبا من الوكيل بتاعها هناك ....... وربنا يوفقك ان شاء الله العربية جميلة و موفرة جدا للبنزين و سحب ممتاز مع تكييف جبار و عافشة ناشفة شوية

[A.Saad]

الخليجى فى مصر فيها مساحة خلفية وفوجات