باركولى يارجالة خلاص هستلم السيراتو الاسبوع الجاى

[sayedkamal]

الحمد لله اخذت موافقة البنك وخلاص هبقى سيراتاوى وزميل ليكم - انا حاجز سيراتو هاى لاين لون أبيض هستلمها أن شاء الله الاسبوع الجاى - ادعولى يارجالة ان ربنا يباركلى فيها وانى أكون وفقت فى الاختيار

وألف ألف شكر لرجالة المنتدى اللى استفد منهم كتير أوى وعرفت كل حاجة عن السيارة دى وده اللى ساعدنى فى الاختيار . ألف ألف شكر

[hosamenter]

الف مليون مبروك ويارب عقبالى

[kono]

الف الف مبروك عليك يا باشا
ومبروك علينا كايدهم جديد :))

[ALSHARIEF]

مبارك عليك كيداهم يا حبيبى و يارب يعطيك خيرها و خير ماصنعت له و يكفيك شرها و شر ماصنعت له و الحمد لله ربنا إستجاب دعائى و تشرفنا بإنضمامك لينا و هتبقى سيراتاوى يا ريس و برضه أنا و عربيتى تحت أمرك و لو محتاج أى حاجة ساعت الأستلام بس إنت قشر و أنا تحت أمرك

[elfashn]

ياريت تاخد معاك سمكرى شاطر علشان الوقتى بقى فية عربيات زيرو مرشوشه قبل كده. وربنا يوفقك ومبروك مقدما

[A.Saad]

مبررررررررررروووووووووووك

[semsem75egy]

مبروك وربنا يكفيك شرها

[fawzyyyy]

ربنا يباركلك فيه و يكفيك شرها ان شاء الله

[medo111]

مبرووووووووووووووووووووك

[raedegypt]

بكام السعر

[nahsawy]

مبروك - الف مبروك

يا ريت تقولنا خليجى ولا وكيل
والسعر كام

اول حاجه تعملها
فحص العربيه شبر شبر قبل الخروج من المعرض بحثا عن اى خدوش او حتى نقره صغيره - حتى الكبوت والشنطه وجرب الريموتين وكل الكماليات والازرار
العداد لازم يكون رقم قليل - لا يزيد عن 40 او حتى 60 كيلو - احيانا بيكون 8 او 10 كيلو
جرب الغيارات على وضع الستبترونيك انه بينقل اول ثانى
فحص ضغط الكاوتش ليكون 30
ركب دلايات

متنساش طبعاالناس الغلابه وتدبح حاجه وتوزعها عليهم

وربنا يكفيك شرها وشر الطريق وشر عيون الناس

[NoRmAl]

مبروك مقدما يا باشا
وإن شاء الله تستلم على خير

[M7amD_7amDy]

الف مبروك :)

[SENNI55]

ربنا يعينك على بلواك

[Gabrial]

ربنا يعينك على بلواك

ليه بس كدة دة بدل ماتقوله ربنا يباركله فيها .
ألف مبروك يا باشا .