مشكلة تكة الفرامل بعد صيانة ال-20,000

[xShadow]

السلام عليكم،

أنا محتاج رأيكم يا جماعة في مشكلة بسيطة ظهرت عندي بعد صيانة ال-20,000 ونا بالفعل اطلعت بعض الأعضاء عليها أثناء المقابلة بس لسة مسمعتش رأيهم

المشكلة بإختصار عبارة عن إن ونا واقف بالعربية، سواء العربية على ال-N أو ال-P أو ال-D، لم باجي اشيل رجلي من على الفرامل بسمع صوت تكة بسيطة، و بتبقى ملحوظة لو أنا طافي الكاست و قافل الإزاز.. والي مدايقني أكتر و أكتر إن التكة دي محسوسة فالفتيس لو أنا ماسكو بايدي..

في ناس قالولي إن التكة دي عادي بتاعة ال-lock بتاع الفتيس، بس أنا متأكد إن هي مكنتش موجودة عندي أبل كدا.. غير إن فالمقابلة كمان جربت كذا عربية تانية و مكنش فيها التكة دي..

المشكلة دي لاحظتها بعض صيانة ال-20,000 إلي عملتها عند تكنو وان بحوالي إسبوع (أنا مش عارف إذا كان في علاقة بين الصيانة والموضوع دة، بس التكة مكنتش موجودة أبل كدا )
انما غير كدا مفيش أي حاجة تانية غريبة ممكن أفكر فيها كسبب لموضوع التكة دة..

اه رايكو التكة دي ممكن تكون اه أو بسبب اه ؟ هل استنى عادي ولا أروح اكشف عليها أحسن ؟

أنا متضايق لأني ايدي علطول على الفتيس فكل شوية أحس بالتكة دي لو واقف أو في أي إشارة، ونا طول ما في أي حاجة فالعربية بفضل موسوس كدا

مستني ارائكم.. و شكراً مقدماً :)

[NoRmAl]

إن شاء الله ميطلعش فيها حاجه يا محمد
بس زى مقلتلك بلاش تخلى أى حد والسلام يبص عليها
ياريت تكون ناس بتفهم دا لو قررت توديها لحد
وربنا معاك

[ابو ليلى]

السلام عليكم،





في ناس قالولي إن التكة دي عادي بتاعة ال-lock بتاع الفتيس، بس أنا متأكد إن هي مكنتش موجودة عندي أبل كدا.. غير إن فالمقابلة كمان جربت كذا عربية تانية و مكنش فيها التكة دي..

المشكلة دي لاحظتها بعض صيانة ال-20,000 إلي عملتها عند تكنو وان بحوالي إسبوع (أنا مش عارف إذا كان في علاقة بين الصيانة والموضوع دة، بس التكة مكنتش موجودة أبل كدا )
انما غير كدا مفيش أي حاجة تانية غريبة ممكن أفكر فيها كسبب لموضوع التكة دة..

لا يامحمد موضوع التكه دى مش عندى لانى برضه ايدى على طول على الفتيس ومش بحس بحاجه .

اتصل بالمهندس احمد الشحات فى تكنو وان وقله عليها واحكيله انها حصلت بعد الصيانة وهيطلب منك انك تروحله بس قوله ياريت انت اللى تبص عليها مش حد تانى .

وروح هناك وباذن الله هتكون حاجه بسيطة

[blackknight]

وانا بضم صوتى لصوت ابو ليلى

[hosamenter]

المشكلة دى ظهرتلى فى الbmw بس الدفع عندى خلفى فغيرت قواعد الفتيس وكلة بقى تمام وانا حاجز سيرتو يعنى لسة معرفش خبايا الجر الامامى بس قولت يمكن المعلومة دى تفيد بشيى وربنا يوفقك فى حل المشكلة

[xShadow]

إن شاء الله ميطلعش فيها حاجه يا محمد
بس زى مقلتلك بلاش تخلى أى حد والسلام يبص عليها
ياريت تكون ناس بتفهم دا لو قررت توديها لحد
وربنا معاك

منا شكلي هوديهة لتكنو وان تاني بقى :(

والإستهلاك دلوقتي بقى جبار !!! المعدل وصل معايا ل-12.3 دلوأتي، الرقم دة عمري مكنت بشوف أصلاً !!! و من غير حرق كمان !!

[xShadow]

لا يامحمد موضوع التكه دى مش عندى لانى برضه ايدى على طول على الفتيس ومش بحس بحاجه .

اتصل بالمهندس احمد الشحات فى تكنو وان وقله عليها واحكيله انها حصلت بعد الصيانة وهيطلب منك انك تروحله بس قوله ياريت انت اللى تبص عليها مش حد تانى .

وروح هناك وباذن الله هتكون حاجه بسيطة

وانا بضم صوتى لصوت ابو ليلى

حاضر يا جماعة و دة إلي هعملو إن شاء الله

المشكلة دى ظهرتلى فى الbmw بس الدفع عندى خلفى فغيرت قواعد الفتيس وكلة بقى تمام وانا حاجز سيرتو يعنى لسة معرفش خبايا الجر الامامى بس قولت يمكن المعلومة دى تفيد بشيى وربنا يوفقك فى حل المشكلة

متشكر يا حسام باشا عل معلومة.. و ربنا يستر :/

[xShadow]

أنا بالفعل كلمت باشمهندس أحمد الشحات و هعدي عليه بكرا إن شاء الله..

بالنسبة لتكة الفرامل، هو قالي إن هو حيفك الكونسل و يشحم اللوك بتاع الفتيس (أنا بصراحه القان من فك و تركيب و بتاع )

و بالنسبة لإستهلاك البنزين قالي هنحطهة عل كمبيوتر و نشوف..

ربنا يسهل، هوفيكم بالتفاصيل بكرا إن شاء الله

[Atrees]

يا باشا انا عندي التكه دي بالفعل بس مش محسوسة اوي - دي حاجة خفيفة جدا لدرجة انك لو مش مركز معاها مش حتاخد بالك اصلا

وعلي فكرة دي حاجة طبيعية الا اذا كانت جامدة وتعتبر خبطة مش تكة - ودي نتيجة ان الفيتيس لازم يبقي مرتبط بدواسة الفرامل بطريقة ما عشان موضوع سيفتي النقلات (لازم تدوس فرامل عشان تحرك الفيتيس ) وبكدة يبقي طبيعي ان الفرامل مربوطة بالفيتيس ودراعة - متقلقش - انا عندي ومش بحس بيها الا اذا ركزت معاها - وحتلاقي كل الناس عندها بس مش واخدين بالهم :)

[Amr A.salam]

ان شاء الله يطلع الموضوع بسيط يا محمد

وابقى قوللنا عملت ايه ؟؟؟؟

[NoRmAl]

أنا بالفعل كلمت باشمهندس أحمد الشحات و هعدي عليه بكرا إن شاء الله..

بالنسبة لتكة الفرامل، هو قالي إن هو حيفك الكونسل و يشحم اللوك بتاع الفتيس (أنا بصراحه القان من فك و تركيب و بتاع )

و بالنسبة لإستهلاك البنزين قالي هنحطهة عل كمبيوتر و نشوف..

ربنا يسهل، هوفيكم بالتفاصيل بكرا إن شاء الله

إن شاء الله خير يا محمد ولما ترجع بالسلامه أبقى طمنا عملت أيه

[NoRmAl]

ولا اي حاجة باينة :(

عتريس يرجى بس تعمل موضوع فى قسم الاستفسارات وأنا هساعدك هناك لغايه متعمل أحسن توقيع :)
بس هنا كدا غلط لأن كدا بعدنا عن الموضوع وكمان بنضر صاحب الموضوع بمشاركات مش هتفيده هو فى حاجه
مستنى موضوعك فى قسم الاستفسارات يا باشا :)

[M7amD_7amDy]

الموضوع بسيط يامحمد انا كمان لاحظت التكة دى عندى لما أجى أنقل على ال d وكان مكان هااااااااااااادى وده اللى خلانى أسمعه بس قولت عادى :))

شوف كده وقولنا وصلت لإيه :)