ضبط الهواء

[night_phoenix]

كنت بشتكي من دبدبه في العربيه وكنت حاطط نيروجين و كنت في المنتدي بنتكلم الاعزاء نصحوني باني انزل الضغط لحد 30 ولما رحت توتال الي في المعادي وعلي الجهاز الجديد لقيت الضغط في فرده 28 و التانيه 34 و اتنين حوالي 30 يعني كوكتيل عشان كده المسكينه يا عيني كانت بتدب و مش مستريحه
المهم ضبطت الكاوتش علي 30 و الحمد لله تحسن جدا اجدا و الاتزان احلي كتييييييييييييييير

[alzwawy]

دكتور اسامه حبيب قلبي
رجعه 32 علشان البنزين و علشان الكاوتش ميتاكلش

[nahsawy]

دكتور اسامه حبيب قلبي
رجعه 32 علشان البنزين و علشان الكاوتش ميتاكلش

وحشتونا والله يا نمور كيا

سعدت بكم جدا فى المقابله ونتمنى تتكرر كتير ولو حتى مقابلات سريعه مش شرط يكون يوم كامل فى مكان بعيد

بالنسبه لموضوع ضغط العجل

اللى اعرفه ان النيتروجين بيكون مقاسه اقل درجتين من مقاس الهوار
يعنى مثلا لو الشركه المصنعه تنصح بضغط 30 مثلا لعربتك يكون مقاس النيتروجين 28 وهكذا

مش متاكد طبعا من الكلام ده لكن ساقوم ببحث سريع وارجع لكم بالنتيجه ان شاء الله

[nahsawy]

الضغط لما يكون كبير داخل الإطار تقل مساحة التلامس بينه و بين الأرض و بالتالى يزيد معدل التاكل من منتصف الإطار
وعلى النقيض عندما يقل الضغط داخل الإطار تزيد مساحة التلامس لكن التاكل يزيد من اطراف الإطار

استخدام النيتروجين عائد إلى الثبات النسبي لحجمه لدى تغير درجات الحرارة - وبالتالى يحافظ على الاطار من التأكل على المدى البعيد واعتقد ان هذه فائده مؤكده

لسه مش متأكد من موضوع الدرجتين بين الهواء والنيتروجين عند ملىء الاطار - كل المعلومات كانت من مشاركات اعضاء ولم اجد مصدر من اى شركه من الشركات المصنعه للأطارات

الأحساس بالنعومة مش هتحسه ألا لو فى عفشة رياضية أو جنوط وكاوتش بروفايل واطى زى السيراتو الجنط ال 17

نسبة النيتروجين في الهواء الجوي هي حوالي 78% اي انه وفى أفضل الأحوال سنحصل على نيتروجين خالص بنسبة 95% أو 97% حسب جودة تفريغ الكوتش من الهواء الجوي قبل ملئه بالنيتروجين
في حال ملئ الإطارات بالنيتروجين فإن كل ما فعلناه أننا زدنا نسبة تركيز النيتروجين من 78% إلى 95% أي زدنا التركيز بحوالي 18 %
يمكن يكون الفرق بسيط لكن من واقع تجارب ناس كتير - الفرق يستاهل

[nahsawy]

خلاصة القول بالنسبه للنيتروجين ان فوائده: يظل ضغط الاطارات الخاصة بك أكثر ثباتا ، مما يوفر لك كمية صغيرة في تكاليف الوقود وصيانة الإطارات . وسيكون هناك رطوبة أقل داخل الاطارات ، وهذا يعني تآكل أقل للأطارات والجنط. لن تكون قادرة على الشعور بأي فرق في القياده او الفرامل ، إلا إذا كان الضغط فى الاطارات الخاصة بك اقل او ازيد من الموصى به والتغييرالى النيتروجين اعادهم الى الأرقام الصحيحة.

على سمير

[NoRmAl]

أنا عامله 32 على فكره
بس مش بس علشان دا الضغط الى مكتوب على القائم
لأ علشان كل مروح التوكيل يلاقوه 30 يبوظوه :)
أنا بس مش مقتنع بالكلام إن النيتروجين يبقى أقل درجتين
مش فاهم ليه الحقيقه
بس هو نظريا لازم يبقى فيه ضغط معين داخل الاطار بغض النظر عن الماده نفسها هوا ولا نيتروجين ولا ميه :)
المهم يبقى الضغط الموصى به

[A.Saad]

موضوع المهندس نجاد من بردجستون قال فيه
الضغط واحد صيف وشتا
الضغط واحد هوا او نيتروجين
الاخيرة انا مقتنع بيها تماما ليه ؟
لان النيتروجين مش بيتمدد كتير زى الهوا
فايه السبب ان اقلل ضغطه عن الهوا كمان

[hosamenter]

انا عاملة فى bmw نيتروجين 30 وحاسس انة نموزجى

[night_phoenix]

انا كده محتار

[hamza76_76]

السلام عليكم
ممكن أعرف محطات أو أماكن بتملي نيتروجين و يا ريت أقرب مكان للمعادي

[night_phoenix]

السلام عليكم
ممكن أعرف محطات أو أماكن بتملي نيتروجين و يا ريت أقرب مكان للمعادي

حضرتك بنزينه توتال الي في مدخل المعادي اعتقد مدخل واحد تقريبا هيا علي الكورنيش باينه اوي