صيانة ال 20 الف وجشع التوكيل !!!!!!!!

[M.ABDEEN]

السلام عليكم ورحمة الله وبركاته

الحمد لله كملت ال 20 باكو وقلت يالا الهمة ونروح ندفع ال 550 جنيه علشان الصيانة ....المهم روحت فرع القطامية الساعة 8و 30 دقيقة صباحا وقلت بدري مش مشكلة واول ما قربت من التوكيل لاقيت الشارع مكدس بكميات كبيرة من العربيات الكيا ( كوكتيل ) جم امتى دول معرفش !!!
دخلت وعرفت انهم خلوا المركز يبدا 8 بدل 9 زمان وخدت رقم 5 !!!! قلت ازاي والعربيات دي فين دورها فاكتشفت ان انا رقم 25 المهم قابلت حبيبي المهندس محمد هاشم السكرة ودردشنا شوية وبعدين باسال هي الصيانة هتاخد وقت قد ايه ففؤجئت انها هتاخد 5 ساعات تقريبا قلت ماشي نقضي الاجازة عندهم المهم قابلت مهندس الاستقبال ودردشنا شوية وبسال عن تكاليف الصيانة واذا بالطامة الكبرى اي نعم هتتكلف ياسيدي حوالي 780 جنيييييييه !!!!! ايه انت بتكلم ازاي وليه اصل الزيت غلي والمصنعية والضريبة
طيب ايه اللي هيتم زيت وفلتر وفلتر هواء وبوجيهات طب كل ده بالمبلغ ده اي نعم بصراحة انا اتصدمت وكل ده كمان من غير فلتر بنزين ومن غير تيل وعلى طول شكرا يا جماعة مش عايز خلاص ده ايه الافتراء ده امال الواحد جايب عربية جديدة ليه وبعدين مش استخسار ولا بخل بس ده حرام وجشع وكمان عندي البيكانتو كمان في طريق ال 20 الف وقربت يعني صيانات عادية في شهر حوالي 1600 جنيه مثلا
وقررت اني اعملها بره بس فين لسه مش عارف طبعا انا عارف حكاية الضمان بس الطمع مش للدرجة دي ده كانوا بيدللوا دلوقتي لما ربنا كرمهم يعملوا كده انا بصراحة متضايق ومش عارف اعمل ايه وعندي التزامات تانية تمنعني من عمل الصيانة بالمبلغ ده ولسه العربية التانية والسؤال بقى :
ليه الاسعار بقت كده ؟؟؟؟؟
اعمل الصيانة دي فين لان تكنو وان برده عالي المبلغ وبرده مركز خدمة لكيا في الرحاب بس مش معتمد لكن معاه نفس جدول صيانات كيا اللي في التوكيل وسعره كمان اعلى ؟؟؟؟؟
دللوني يا جماعة اعمل ايه وفين وقد خاب من استشار ومعليش دوشتكوا على الصبح كده وكل سنة وانتم طيبيين

[blackknight]

الله يكون فى عونا جميعا انا برضه فاضلى كام كيلو على صيانة العشرين ربنا يستر

[M.ABDEEN]

شكرا ليك يا باشمهندس اسلام

[YaSSerwIN]

باشمهندس محمد فى الأول حاول تحسبها صح

ياعنى فى البداية شوف اسعار الحاجات دة

1- جركل زيت شيل 10000 = ؟
2 فلتر هوا الأصلى = ؟
3- فلتر زيت الأصلى = ؟
4- فلتر بنزين = ؟
5- طقم البوجيهات = ؟

وشوف الأجمالى كام

[M.ABDEEN]

باشمهندس محمد فى الأول حاول تحسبها صح

ياعنى فى البداية شوف اسعار الحاجات دة

1- جركل زيت شيل 10000 = ؟
2 فلتر هوا الأصلى = ؟
3- فلتر زيت الأصلى = ؟
4- فلتر بنزين = ؟
5- طقم البوجيهات = ؟

وشوف الأجمالى كام

اولا باشكرك يا ياسر باشا
ثانيا مفيش فلتر بنزين في الصيانة دي
وثالثا تعالى نحسبها
زيت 10000=230 جنيه
فلتر زيت = 30
بوجيهات = 65
فلتر هواء = 85

الاجمالي = 410 جنيه

يعني انت بتتكلم في فرق مثلا 350 جنيه قول 300
علشان ايه كل ده ومعروف من زمان ان اي توكيل في مصر اسعاره تفرح بجد ولا ايه رايك
طبعا الاسعار اعلاه من السوق وليس الوكيل

[ghost1900]

هو استهبال لان البوجيهات مثلا المفروض متتغيرش غير كل 40 الف حسب كتالوج العربية، عموما تفاصيل تكلفة صيانة ال 20 الف للسيراتو الشيب القديم المفروض أنها كالتالى:

1- زيت شيل الترا ب 228 جنية.
2- فلتر زيت ب 30 جنية.
3- فلتر هواء ب 80 جنية.
4- بوجيهات ب 65 جنية.
5- مصنعيات ب 160 جنية.
6- غسيل فوم ب 26 جنية.
7- ضريبة (10%) ب 56 جنية.

[laxeg]

صيانة العشرين بدون تغيير فلتر البنزين

[ابو ليلى]

محمد باشا ازاى حضرتك مع انى زعلان منك علشان مجدش المقابلة .

كلامتك تكنو وان المهندس احمد الشحات وسالته على صيانة العشرين :

التكلفة الاجمالية 485 ج شامل المصنعيات

تغير زيت ( شيل 10000 + فلتر )

تظبيط عفشة + مراجعات وتشيك كامل على العربية .

فلتر الهوا لا يحتاج لتغير وهعرف سعره كمان شويه

65 ج قيمة البوجيهات لو محتاجه تتغير . ( الشيب القديم ) ( النيو سيراتو 160ج )

الاجمالى 550 ج شامل خصم نايل موتورز ( يجب وضع الاستيكر على السيارة وممكن الحصول عليه من هناك فى الخزينة وقيمته 50 ج )

مواعيد العمل فى رمضان من 8 صباحا الى 5 مساء ومن 8.5 الى 1.5 مساء

هتخلص الصيانة وهتطلع على مغسلة بتاعت كريم منير جنبك على طول مش بعيد 20ج بره وجوه وشاسيه .

[M.ABDEEN]

محمد باشا ازاى حضرتك مع انى زعلان منك علشان مجدش المقابلة .

كلامتك تكنو وان المهندس احمد الشحات وسالته على صيانة العشرين :

التكلفة الاجمالية 485 ج شامل المصنعيات

تغير زيت ( شيل 10000 + فلتر )

تظبيط عفشة + مراجعات وتشيك كامل على العربية .

فلتر الهوا لا يحتاج لتغير وهعرف سعره كمان شويه

65 ج قيمة البوجيهات لو محتاجه تتغير . ( الشيب القديم ) ( النيو سيراتو 160ج )

الاجمالى 550 ج شامل خصم نايل موتورز ( يجب وضع الاستيكر على السيارة وممكن الحصول عليه من هناك فى الخزينة وقيمته 50 ج )

مواعيد العمل فى رمضان من 8 صباحا الى 5 مساء ومن 8.5 الى 1.5 مساء

هتخلص الصيانة وهتطلع على مغسلة بتاعت كريم منير جنبك على طول مش بعيد 20ج بره وجوه وشاسيه .

اشكرك بشدة يا باشا ومش عايز حد يزعل مني والله لان كل مقابلات كيا بتون يوم الجمعة وانا للاسف يوم الجمعة شغال دايما وطبعا هتستغرب ان الجمعة مش اجازة بس انا شغال مهندس كهرباء في مصنع الاسمنت اللي في العين السخنة وغالبا بارجح الساعة 9 بليل فربنا ما يحكمش عليكوا في الشغل في مصانع الاسمنت فحقكوا عليا كلكم والله وارجو المعذرة .....
بس كنت عايز افهم تفاصيل اكتر يعني 550 دول شامليين ايه بالضبط ونظام المركز ايه والمكان بالضبط وان شاء الله هكلمك قريب وتسلم ايدك وتشكر على مجهودك

[NoRmAl]

دا مبلغ كبير أوى على عربيه صغيره زى البيكانتو!!
هو التوكيل هيستهبل بقى ولا أيه
أنا أخر مره رحت أكتشفت أن الصيانات كل مره بتغلى بس متوقعتش تضرب فى العالى أوى كدا
ربنا يكون فى عونا

[ابو ليلى]

اشكرك بشدة يا باشا ومش عايز حد يزعل مني والله لان كل مقابلات كيا بتون يوم الجمعة وانا للاسف يوم الجمعة شغال دايما وطبعا هتستغرب ان الجمعة مش اجازة بس انا شغال مهندس كهرباء في مصنع الاسمنت اللي في العين السخنة وغالبا بارجح الساعة 9 بليل فربنا ما يحكمش عليكوا في الشغل في مصانع الاسمنت فحقكوا عليا كلكم والله وارجو المعذرة .....
بس كنت عايز افهم تفاصيل اكتر يعني 550 دول شامليين ايه بالضبط ونظام المركز ايه والمكان بالضبط وان شاء الله هكلمك قريب وتسلم ايدك وتشكر على مجهودك

ربنا يكون فى عونك وتتعوض باذن الله .

بص يا سيدى

هقالك الاجمالى على طول شاملة تربيط العفشة + تشك كامل على العربية

تغير زيت ( شل 10000) + فلتر + فلتر هوا ( 45ج ) + بوجيهات ( 65 ) + المصنعيات = 600ج والقيمة بعد خصم نايل موتورز

والمكان هتعرفه اكتر من الموضوع المثبت عن تكنو وان .

[lolly136]

هو استهبال لان البوجيهات مثلا المفروض متتغيرش غير كل 40 الف حسب كتالوج العربية، عموما تفاصيل تكلفة صيانة ال 20 الف للسيراتو الشيب القديم المفروض أنها كالتالى:

1- زيت شيل الترا ب 228 جنية.
2- فلتر زيت ب 30 جنية.
3- فلتر هواء ب 80 جنية.
4- بوجيهات ب 65 جنية.
5- مصنعيات ب 160 جنية.
6- غسيل فوم ب 26 جنية.
7- ضريبة (10%) ب 56 جنية.

إزيك يا جوست
بص البوجيهات be-165 مش 65

ولل اسف النوع اللي مستخدم فيها بيتغير كل 20

[ghost1900]

أزيك يا لولى، اللى أعرفه أن سعر البوجيهات 65 جنية (اولد شيب) و 160 جنية (نيو شيب)، أعتقد عربية محمد أولد شيب فتبقى ب 65 جنية. طب أية رأيك فى البوجيهات البلاتنيوم دي بتقعد 80 الف أقل واجب.

[Donzi]

دا مبلغ كبير أوى على عربيه صغيره زى البيكانتو!!
هو التوكيل هيستهبل بقى ولا أيه
أنا أخر مره رحت أكتشفت أن الصيانات كل مره بتغلى بس متوقعتش تضرب فى العالى أوى كدا
ربنا يكون فى عونا

لأ هو بيتكلم دلوقتي على صيانة السيراتو مش البيكانتو

دي لو البيكانتو كدة والله مانا جايباها

[lolly136]

أزيك يا لولى، اللى أعرفه أن سعر البوجيهات 65 جنية (اولد شيب) و 160 جنية (نيو شيب)، أعتقد عربية محمد أولد شيب فتبقى ب 65 جنية. طب أية رأيك فى البوجيهات البلاتنيوم دي بتقعد 80 الف أقل واجب.

البالاتنيم دي قصة تانية أكيد أحسنوبتتركب في الحاجات زي bmw أو مرسيدس على حد علمي
بس لو كده يبقى ايه اللي مغلي الصيانة
ماتيجوا نحسبها تاني
وأنا برده حتاكد من موضوع 165 ده
أنا فاكرة إني دفعتهم في صيانة el-20