احذروووووووووووو من السيراتو بعد ال 30000 كم!!!!!!!!!

[All_New_Cerato]

وللاسف ماتت اسطورة السيراتو (عالاقل بالنسبالي) , بعد ماعملت صيانة ال30000 كم والعربيه مش علي بعضها:
1- العفشة يارتها نشفه وبس زي ماتعودت عليها للاسف بقيت حاسس اني راكب 128 تحس انها مفككه والاحساس بالراحة اتعدم.
2- وناهيك عن الفتيس (مانوال) , مره وانا نازل من كوبري 6 اكتوبر قفش ومش راضي يجيب اي نقله لغاية ماوقفت واعدت اكارك للدبرياج كتـــــــــــــــــــــير وحمدت ربنا اني كنت في نزله الكوبري, ومن بعدها نقلاته تقلت غير الاول خالص.
3- نيجي بقي للموتور وصوته اللي بقي كراكه حتي وانت واقف والتالره بقت ترعش وانت واقف والكرسي اللي قاعد عليه (تيبيكال ال 128).
4- نيجي بقي للمفــــــــــــــــــــــــــــــــــــــــــــــ ـــــــــــــــــــاجاه اللي خلتني اكره العربيه دي بجد علي قد ماحبتها الا وهي التكيييف!!!!!!!!! العربيه معايا بقالها سنة بالظبط ال و ايه التكييف بايظ ومش شغال , مره واحدة كده بدون اي سبب, في الاول مكنش بيسقع زي الاول قولت عادي ده الطبيعي بعدها بيوم او اتنين بالكتير بقي اكنه المروحه مفيش اي هوا ساقع طالع منه؟؟؟؟؟؟؟؟؟؟؟؟؟؟


انا عامل بيها 35000 كم اغاية انهارده ولسا عاملها صيانة ال30000 كم في روكسي (ابو رواش مفيش احسن منه) من شهلر بالظبط, وعلي فكرة انا مشيك علي كل حاجة وكل حاجة طبيعية زي زيت الفتيس و العفشة لسه متربطة في الصيانة (ده المفروض يعني) وزيت الموتور.


بجد انا قرفت من العربيه دي خلاص وحاسس انها مش هتعمر مع الواحد زي مكان مرتبلها (4-5 سنين)
وعلي فكرة انا بفكر ابيعها وا جيب النيو الانترا ماهو برده الهيونداي سمعتها زي الفل و ماطلعتش في السما زي اختها الكيا من عربيه تعبانه زي ده. بجد قرفان ومش طايق العربيه وابتديت اندم اني اشترتها

[أبو صلاح]

معلش يا زعيم قلبي معاك
بس ايه اخبار الضمان في الموضوع ده ؟

[U600]

جضرتك طبعا انا مقدر اللى انت فية و مش عارف اقول لك اية و الله انا زعلان بجد عشان عربية تكون عملة 35000 كيلو و فيها كل دة نصيحة منى بجد توكل على الله و بيعها م هات حاجة يابانى احسن من الكورى اكيد و ارشحلك بشدة و بقلب جامد النيسان صنى سوبر صالون و ربنا معاك ان شاء الله

[Mshawky]

متاكد انها خارجه م نالصيانه مفيهاش اى حاجه ما اكيد ناس فى المنتدى عملو برضه فوق 30 الف ومحدش اشتكى

انا واثق ان فى حاجه فى العربيه معاك مش مزبوطه

[hosamenter]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

[medo111]

هي الحاجات دي كلها ظهرت مره واحده وازاي الكرسي بقي كرسي 28
انتو كرهتوني في العربيه دي بجد مع اني كنت هشتريها
في المنتدي هنا بيقارنو السيراتو ب 128 ف قسم المقارنات حاجه صعبه اوي
ربنا معاك

[All_New_Cerato]

للاسف العربيه ده مفبهاش غير موتور وبس ولو ان صوته عالي

[All_New_Cerato]

انا المفروض هاروح اعمل صيانة ال35000 كم بكره في القطاميه وهقولوهم عال التكييف والموتور

ولما اشوف هيتصرفو ازاي!!!!!!!!

ماهو ميبقاش العربية والتوكيل ووالله لو الواحد عنده وقت كان خد بعضه علي طول علي ابو رواش والمهندس خالد فاروق

[All_New_Cerato]

هي الحاجات دي كلها ظهرت مره واحده وازاي الكرسي بقي كرسي 28
انتو كرهتوني في العربيه دي بجد مع اني كنت هشتريها
في المنتدي هنا بيقارنو السيراتو ب 128 ف قسم المقارنات حاجه صعبه اوي
ربنا معاك

قصدي انه حتي الكرسي بقي يتهز من رجة الموتور زي ال 128

[mohnd2]

حضرتك اكيد بتهين العربيه فى الاستخدام والدليل انها عامله 35000 كم فى سنه وبعدين اى عربيه فى الدنيا هتصونها هاتعيش معاك العمر كله ولو هاتهنها مش هتعيش معاك والدليل انا كان معايا نوبيرا 2001 وبعتها من 3 شهور وطول عمرها معايا زى الفل وكانها زيروا وفى عربيات نفس موديلها كنت بقرف ابصلها من الاخر حاله العربيه انت الى بتحددها بنفسك من اول متجبها هتصونها هتصونك هتهملها هتقع منك واى عربيه كده فى الدنيا حتى لو bmw واسف على الاطاله وربنا يسترها معاك...... وياريت تبص على السيراتوا من اول موديل 2006 زى الفل وهى نفس الشركة الى مطلعه النيو سيراتو ولا ايه ؟ اصل هى مش عربيه لسه نازله فى السوق وشركتها مش معروفه مثلا ده شركه كيا وهيونداى الى هما واحد دلوقتى من قديم الازل فى صناعه السيارات اكيد مش هيعملوا عربيه توقع سمعتهم وتبوظ بعد 35000 كم ولا انا بتكلم غلط ؟

[egypt0777]

جضرتك طبعا انا مقدر اللى انت فية و مش عارف اقول لك اية و الله انا زعلان بجد عشان عربية تكون عملة 35000 كيلو و فيها كل دة نصيحة منى بجد توكل على الله و بيعها م هات حاجة يابانى احسن من الكورى اكيد و ارشحلك بشدة و بقلب جامد النيسان صنى سوبر صالون و ربنا معاك ان شاء الله

مش تعصب ولا حاجه

بس ان قعد فترة افاضل بين السيراتو و النيسان و الهونداى

واجمعت الاراء على ان الواحد مش حايخاط مره تانية فى عربية لسة بتتجرب فى مصر

عشان كده توجهت للصنى علطول و \لك بعد تجربيتى المريرة مع الاسبرانزا

عموما لو عاوز ميكانيكى بيشتغل فى الكيا و هو اصلا شغال فى توكيل الكيا ابو رواش قلى و روح اشترى رحتك و فلوسك مش حتخسر وتحت عينك

ربنا معاك عشان الواحد بقا يتنكد لما يسمع انه جايب عربية زيرو م مطلعه عينه

[revel_sony]

قلبي عندك وربنا معاك في الايام المفترجه دي وان شاء الله كل شئ يبقي تمام ورمضان كريم وبقي طمنا عليك

[medo111]

يا ريت يا جماعه الناس ال معاها العربيه دي يقولوا رأيهم فيها بصراحه ويقول هو عامل بيها كام كيلو

[All_New_Cerato]

حضرتك اكيد بتهين العربيه فى الاستخدام والدليل انها عامله 35000 كم فى سنه وبعدين اى عربيه فى الدنيا هتصونها هاتعيش معاك العمر كله ولو هاتهنها مش هتعيش معاك والدليل انا كان معايا نوبيرا 2001 وبعتها من 3 شهور وطول عمرها معايا زى الفل وكانها زيروا وفى عربيات نفس موديلها كنت بقرف ابصلها من الاخر حاله العربيه انت الى بتحددها بنفسك من اول متجبها هتصونها هتصونك هتهملها هتقع منك واى عربيه كده فى الدنيا حتى لو bmw واسف على الاطاله وربنا يسترها معاك ......

والله ابدا دنا بحافظ عليها بزيادة وكل فين وفين لما احرق عليها وكبيري ال rpm 5 وبعملها صيانتها في التوكيل عاطول وقبل الميعاد , بس مشكلة الكيلوهات ده (35000كم/سنه) فا ده لان شغلي في التجمع الخامس وانا ساكن في شبرا يعني بقفلي 100-120 كم في اليوم رايح جاي و مع اي مشوار بعد الشغل!!!!!!!!

بس سواقه هادية من غير حرق ولا مطبات..

[mohnd2]

طيب ماهو حضرتك لما توصل بال rpm ل5 مده حرق على الماتور وخصوصا العربيه لسه جديدة ؟ ومعلش كمان عربيتك مانوال يعنى مش اوتوماتك وكل الناس بتخاف من اوتوماتك الكورى مفيش حد اشتكى من الفتيس المانيوال فى الكورى لجميع انواع السيارات الكورى زى الفيرنا والانوس والنوبيرا والاوبترا والالنترا والافيو الاكسنت والريو ... ؟ فمعلش اكيد السيراتوا مش ااقل من الانواع الى زكرتها فى المانيوال ولا ايه ؟ ده بالعكس الكورى من احسن السيارات فالمانيوال على الاقل فى مصر ولا انا بتكلم غلط ؟ وموضوع قفش الفتيس ده حصل معايا فى النوبيرا وكان السبب بليه والاسطوانه والديسك وده طبيعى فى المانيوال ودول بيتغيروا كل 40000 كم فى المانيوال فاكشف عليهم ورد عليا وشكرا .....