اول تجربه ليا مع التوكيل فرع ابو رواش وصيانه 1000

[gemy215]

ازيكم ياجماعه
ورمضان كريم
هحكيلكم الحكايه من الاول خالص
اتصلت علي التوكيل لاول مره يوم الخميس الي فات علشان كنت عامل تقريبا 700 كيلو علشان احجز صيانه ال1000
المهم اتصلت فا قالي السيستم واقع اتصل بعد الساعه 8
نسيت خالص يوميها واتصلت يوم الجمعه وادوني معاد يوم الاربع الي هوا كان النهارده حاولت في معاد قبل كدا لاني كنت متوقع اعدي ال 1000 كيلو قالولي لا مفيش مجال
قلت خلاص اوكي مش مشكله
المهم امبارح الي هوا قبل معاد الصيانه بيوم لقيت واحده بتكلمني بتقولي انا من التوكيل والحجز بتاع حضرتك اتلغي علشان العدد اكبير ومش عارف ايه ؟؟
طبعا اتعصبت جدا وقلتلها دا مستحيل انا هاجي بكرا يعني هاجي بكرا انا العربيه عامله 1600 كيلو وبمشي كتير كل يوم راكنها بقالي يوم مستني الصيانه المهم قالتلي خلاص تشرفنا بكرا الساعه 8:30
ودا اكسبشن قلتلها خلاص اوكي
نزلت الصبح من البيت ووصلت التوكيل تقريبا علي الساعه 8:37 دقيقه وبقدره قادر لقيت 14 عربيه قبلي وانا 15
مش عارف الناس دي جت امتي
جالي المهندس وحسيت انو مثلا مش فاضيلي قالي صيانه 1000 قلتله اه وراح واخد بينانات العربيه وماشي
فا بصراحه استغربت فا نديته قلتله انا لسه عندي ملاحظات
فاقلي اتفضل
المهم كان عندي شويه ملاحظات :
1-سحب العربيه قل اوي عن الاول وصوت الماتور حسيت انو علي حاجه بسيطه
2-الكاست في الصب كنت بسمع صوت زنه
3- كان فيه صوت تزيق لما بمشي في حته مكسره في العفشه من ورا وكان اول مره اسمعه وانا رايح التوكيل
4-كنت حاسس انو الفرامل ضعيفه
المهم سجل المشاكل دي في الجوب عنده
وقالي هتستني تقريبا 3 ساعات في الاستراحه
نزلت الاستراحه وكانت ممله جدا بصراحه وزحمه وقريبا نمتلي ساعه واناقاعد في الجو الممل دا
وبعدين مفيش عدي ساعتين تقريبا ولقتيهم بينادو عليا المهم طلعت ادفع الفلوس لقيت المبلع 310
ولقيت المهندس بيقلي خلاص تقدر تاخد عربيتك وتمشي كله تمام
قلتله طيب عايز اعرف ايه الي اتعمل في العربيه(طبعا كنت حاسس انو الراجل بيسلقني خالص ومش عايز يتكلم ومش عارف ليه يعني المفروض انو كل عميل يطلع وهوا عارف ايه الي حصل لعربيته وايه الي كان فيها)
المهم جاب الجوب وقلي غيرنا زيت 10000
وعسلنا الماتور فوم
وعملنا تشك علي كهربه العربيه والبوجيهات علشان السحب وحسيت في النقطه دي انه مش عارف ايه الي اتعمل اساسا ولا كأنه شغال في التوكيل
فا قلتله النسبه للكاست والعفشه
قالي العفشه اتربطتت والكاست دا له ضمان لوحده مش تبعنا وهتلاقي العنوان في كتيب الضمان قلتله طيب خلاص اوكي
فا سألته عايز اختم الضمان
وهنا كان الرد العجيب قال ايه بقا: دي مش مهم يعني خلاص محنا مستجل عندنا كل حاجه مش مهم خد عربيتك وامشي كله تمام يافندم
فا قللتله لا انا عايز اختم الضمان قالي طيب هاته ونختمهولك
امهم جبت الضمان واتختم وكله تمام
طلعت العربيه لقيت العربيه متبهدله الكرسي الي جمب السواق الدواسه عليها شحم ومكانوش حاطين عليه ولا كيس بلاستك ول علي الدواسه الورقه الي بيحطوها
طبعا مكنتش فايق ارجع اشوف الحكايه دي
وخدت العربيه ومشيت
وهنا بقا جي النقطه المهمه ايه احساسي قبل الصيانه وبعد الصيانه:
1- السحب اختلاف نهائيا وكأني راكب عربيه تانيه بقت بتجري لوحدها
2-الفرامل بقت افضل بكتير جدا من الاول بس بردو في النهايه فرامل عاديه مش ايه بي اس بس ادائها مقبول جدا
3-صوت تزيق العفشه اختفي والعفشه بشكل عام بقت انعم بكتير من الاول
4-حاسس انو الدركسيون بقا اتقل شويه من الاول وللوهله الاولي كنت حاسس اني راكب عربيه مفيهاش باور اساسا بس بعد كدا اتعودت علي انه تقيل نسبيا عن الاول ودا مش عارف سببه
5-شدو فرامل اليد بطريقه غبيه بس مش مشكله

ودا الي حصل في التوكيل وبشكل عام الخدمه لو هقيمها هديلهم 8 من 10
وهما محتاجين مهندسين استقبال يكونو اكتر تفاهما وياخدو ويدو مع العميل علشان الراحه النفسيه وبتهئلي ان الاستراحه محتاجه تعديلات لانها سيئه يعني كان نفسي تبقا زي تويوتا او هوندا الي علي الدائري علي الاقل قدر تشوف العربيه وهما شغالين فيها من الازاز
بس
بس الحمد لله اليوم عدي علي خير

[NoRmAl]

مبروك على الصيانه وعقبال ال100 ألف يا باشا
بس أيه موضوع مفيش كيس على الكرسى ولا ورقه على الدواسه دى غريبه قوى
ياعنى العامل بيبقى لابس عفريته مليانه شحم وكدا أزاى يعد عادى على الكرسى كدا
أنا كل مره مببقاش عارف أعمل أيه بالكيس العملاق الى بيحطوه دا :))
المهم بس كمان عايز أقلك أن الفرامل الabs مبتشتغلش عمال على بطال وليها ظروف معينه بتشتغل أذا اتحققت
لكن لو فى ظروف عاديه أى واحد عنده abs هيفرمل عادى بدون مساعدتها
فمتقلقش أن العربيه مفهاش abs
ومبروك مره تانيه يا باشا

[blackknight]

1000 مبروك على الصيانة و عقبال صيانة ال 100,000 ان شاء الله و بالنسبة لموضوع الزنة الى فى السماعات انا عندى منها ولسه مش عارف هعمل فيها ايه

[M7amD_7amDy]

الف مبروك ياباشا وتقرير مميز :))

[kono]

مبروك عالصيانة يا باشا وعقبال صاينة ال500000

[gemy215]

مبروك على الصيانه وعقبال ال100 ألف يا باشا
بس أيه موضوع مفيش كيس على الكرسى ولا ورقه على الدواسه دى غريبه قوى
ياعنى العامل بيبقى لابس عفريته مليانه شحم وكدا أزاى يعد عادى على الكرسى كدا
أنا كل مره مببقاش عارف أعمل أيه بالكيس العملاق الى بيحطوه دا :))
المهم بس كمان عايز أقلك أن الفرامل الabs مبتشتغلش عمال على بطال وليها ظروف معينه بتشتغل أذا اتحققت
لكن لو فى ظروف عاديه أى واحد عنده abs هيفرمل عادى بدون مساعدتها
فمتقلقش أن العربيه مفهاش abs
ومبروك مره تانيه يا باشا

الله يبارك فيك يا باشا
وبالنسبه للكيس كان موجود فقط علي كرسي السائق والكرسي الي جنبه لا وكان فيه اثار شحم علي عتب الباب والدواسه في الناحيه الي مفيهاش اكياس
بالنسبه للفرامل الايه بي اس انا عارف طبعا حكايه انها مش شغاله في جميع الحالات بما اني بدرس هندسه ميكانيكا فاعندي درايه بالموضوع دا بس الفكره الي مدايقاني اني اكون دافع المبلغ دا وفي الاخر وقت لما احتاجها مش هلاقيها بس مش اكتر

[gemy215]

1000 مبروك على الصيانة و عقبال صيانة ال 100,000 ان شاء الله و بالنسبة لموضوع الزنة الى فى السماعات انا عندى منها ولسه مش عارف هعمل فيها ايه

الله يبارك فيك
وفي التوكيل قالي انو فيه مكان الي عنده الضمان بالنسبه للسماعات غير الوكيل وقالي انو العنوان موجود في المانيول بتاع العربيه

[gemy215]

مبروك عالصيانة يا باشا وعقبال صاينة ال500000

الله يبارك فيك ياباشا

[hosamenter]

مليون مبروك على الصيانة ويارب نباركلك على صيانة ال100000 وانت بتحكى متوقعتش النتائج المرضية دى طريقة كلامك كانت بتقول غير كدة بس الحمد للله

[A.Saad]

مبرووووووووك الصيانة

[gemy215]

مليون مبروك على الصيانة ويارب نباركلك على صيانة ال100000 وانت بتحكى متوقعتش النتائج المرضية دى طريقة كلامك كانت بتقول غير كدة بس الحمد للله

الله يبارك فيك
هوا بشكل عام الدنيا مكانتش عاجباني بس في الاخر الي يهمني انو اخرج بالعربيه علي الطريق كويسه ودا الي لقيته فعلا بس
والحمد لله كله تمام لحد دلوقتي وكلموني النهارده من التوكيل يسألو علي العربيه بس انا مفهمتش سبب المكالمه لانو لما قلت للمهندس الي كلمني علي حكايه انو لسه في صوت تزيق في العفشه مدانيش عقاد نافع قالي بس دي مظهرتش في التيست درايف وكمان انا مكنتش فاضي فا قلتله خلاص شكرا وخلاص علي كدا

[gemy215]

مبرووووووووك الصيانة

الله يبارك فيك