أبو رواش والأهمال الشديد

[YaSSerwIN]

أمبارح روحت ابو رواش علشان اعمل صيانة 15000 كيلو

وكان عندى ملاحظات وقولتلهم عليها

ولاكن للأسف اسلوب التعامل والصيانة اصبح للأسوء

من بداية موظفى الأستقبال الى مش فاهمين حاجة ومعاملتهم السيئة جدا ولا اكنك

بتشحت منهم

الى الصيانة الى حالها اتدهور واسعارها المبالغة

فى كل مرة كنت بخرج من التوكيل كنت بحس بأختلافات فى العربية وان حالها بقا

للأحسن ولاكن المرة دى بقت حالتها للأسوء

ودة المشاكل الى ظهرت بعد الصيانة :

1- العربية دلوقتى بقا فيها حدفة يمين مش عارف هل عمله حاجة فى ضفط الهوا

2- الدركسيون بقا سايب فى السرعات كان الأول من بعد سرعة 60 كان بيتقل دلوقتى لاء

والملاحظات الى كنت طالبها والى للأسف متعملش فيها حاجة

1- ضعف الفرامل

2- صعوبة فى غلق باب السائق

3- صعوبة فى الغيارات

وفى النهاية بسؤالى على تكلفة صيانة 20000 لقيتها ب 650 جنية التكلفة المبالغ فيها

[night_phoenix]

التوكيل بينهار وده طبيعي من اول ما ركز علي المكسب المبالغ فيه
انا مش معترض انه يكسب بس المكسب الفاحش لا و الاستغلال لا
ده نتيجه طبيعيه لكل حاجه بتبتدي كويسه في مصر . شويه وتتخرب

[NoRmAl]

أنا نفسى حد يا جماعه بس لما يحصله حاجه زى كدا
يخد عربيته ويرجع التوكيل يبهدل الدنيا
يزقع ويهزق ويوريهم اننا مش سارقين عاربيتنا
يعنى محدش بيزعقلهم ليه
أنا أول مره روحت التوكيل ووالدى لقى الفاتوره مبالغ فيها زعقلهم وفرج عليهم العملا الفاتوره نزلت 150 وقتى!!!!!
وأنا كذا مره زعقتلهم فى حاجات هما مبيجوش غير كدا
أنما ليه السلبيه دى
ليييييييه ساكتين
هما ماسكين علينا حاجه وأنا مش واخد بالى!! حد يقولى....

[aaet1]

أعيد وأزيد تانى وأقولكم ابعتوا للشركة الأم كمان

[M.ABDEEN]

انا قلت قبل كده التوكيل بقى جشع وده لما ذاق طعم المكسب وكده فعلا هيبدا في الانحدار ويبقى زي اللي قبله واللى كمان في الماركات التانية وعليه العوض .........
ومعليش يا ياسر باشا قلبي عندك وان شاء الله تتحل

[semsem75egy]

انا مع نورمال في اللي قاله

يا جماعه احنا اللي بنعمل كده في نفسنا

مش لازم نسكت علي حقنا وبعدين دي مش حاجة سهلة دي حياتك وحياة اسرتك

ارجوك ارجع للتوكيل مرة اخري واطلب المراجعة

[ابو ليلى]

أعيد وأزيد تانى وأقولكم ابعتوا للشركة الأم كمان

تفتكر الشركة الام هتعمل ايه مع توكيل نجح انه يغرق مصر بكل موديلات كيا

ده بالنسبة ليهم هو النجاح وده طبيعى مع اى شركة بتسعى للانتشار
الحسبة بتكون بالكم مش بالكيف.

[YaSSerwIN]

أنا نفسى حد يا جماعه بس لما يحصله حاجه زى كدا
يخد عربيته ويرجع التوكيل يبهدل الدنيا
يزقع ويهزق ويوريهم اننا مش سارقين عاربيتنا
يعنى محدش بيزعقلهم ليه
أنا أول مره روحت التوكيل ووالدى لقى الفاتوره مبالغ فيها زعقلهم وفرج عليهم العملا الفاتوره نزلت 150 وقتى!!!!!
وأنا كذا مره زعقتلهم فى حاجات هما مبيجوش غير كدا
أنما ليه السلبيه دى
ليييييييه ساكتين
هما ماسكين علينا حاجه وأنا مش واخد بالى!! حد يقولى....

انا مشكلتى انى بتعصب بسرعة جدا وبصراحة بعد انتظار 4 ساعات مكنتش هاقدر ارجع تانى هى مش

سلبية منى

بس هو شكل الواحد مش هايعرف ياخد حقه غير بالتهليل والصوت العالى غير كدة مافيش

[م. عمرو شرف]

تفتكر الشركة الام هتعمل ايه مع توكيل نجح انه يغرق مصر بكل موديلات كيا

ده بالنسبة ليهم هو النجاح وده طبيعى مع اى شركة بتسعى للانتشار
الحسبة بتكون بالكم مش بالكيف.

ممكن حد يبعتلى لينك شكاوى الشركه الأم فى كوريا:b4_564:

[hosamenter]

واضح ان مشاكل التوكيل كترت اوى وانا شعارى دائما يعيش الخليجى

[aaet1]

تفتكر الشركة الام هتعمل ايه مع توكيل نجح انه يغرق مصر بكل موديلات كيا

ده بالنسبة ليهم هو النجاح وده طبيعى مع اى شركة بتسعى للانتشار
الحسبة بتكون بالكم مش بالكيف.

لا يا أبو ليلى ممكن تعمل ونص لو المواضيع كبرت ولنا فى رأس الذئب الطائر عبرة زى ما بيتقال واللى أقصده توكيل لانسر ماهو بقالة ميت سنة ولما باظ الشركة الأم عاوزه تسحب منه التوكيل

[ابو ليلى]

لا يا أبو ليلى ممكن تعمل ونص لو المواضيع كبرت ولنا فى رأس الذئب الطائر عبرة زى ما بيتقال واللى أقصده توكيل لانسر ماهو بقالة ميت سنة ولما باظ الشركة الأم عاوزه تسحب منه التوكيل

اصل انا بقول عن تجرية احنا عملنها هنا لما بعتنا شكوى للشركة بره وايميلات علشان موضوع الصيانة الخليجى ولا حياء لمن تنادى مع ان ده موضوع مش بسيط .

اما موضوع لانسر فده واحد يستهال اللى حصل ليه ياراجل ده بيبيع فى عربيات موديل السنة اللى فاتت مع العلم ان معاه عربية تحفه وسمعتها زى الفل .

عمرك شفت اعلان عن لانسر بقالك قد ايه ...طيب شفت موديل جديد ولا شكل جديد ....حتى عمرك شفت جه فى مرة عمل تخفيط ولا عروض تفتكر لو بيسحب من عنده عربيات كتير كانت قالت لا نغيره ؟

المهم عند اى شركة الموزع بتاعى بيبع كام عربية فى السنة ده اهم شى وسيبك بقى من موضوع السمعه .....المشكلة اللى حصلت فى تويوتا تفتكر لو الناس اللى عملت الحوادث دى كانت فى مصر كان حد سمع عنها حاجه ولا كانو عرفو ان فى عيب فى العربية .

[A.Saad]

وليد توفيق هوة اللى دخل كيا مصر
وبرده عادى انه يطير

ياسر
سؤال
التوكيل كان زحمة اليوم ده ولا ايه
ونت كنت هناك الساعة كام

[Ahmed Samy]

غبور و منصور ينتظران زميلهم الجديد

عضو نادي الوكلاء السفاحين

واضح ان الناس بتفهم ان النجاح .........رقم في الحساب

و تقريبا الرقم لما بيزيد ..........العين بتبرق

ولما العين تبرق

بتاع المبيعات ينال ابتسامة الرضا

و احنا طبعا عارفين ان أساطيل رجال المبيعات لا يعرفون معنى الاحترام أو ثقة العميل أو الكلام الفارغ ده .

و بتوع مبيعات كيا الحقيقة من يومهم .............تلات ورقات على حق

وواضح أنهم عملوا رقم كويس (العربية اللي عملته وهم حصدوا الغلة) و ده خلاهم يركبوا الصيانة و الخدمة

هم تقريبا ركبوا الإدارة بالتلات تلاف جنيه الزيادة و المية جنيه بتوع الصيانة

وعلى فكرة

هاينجحوا

وهايكسروا الدنيا

أصل الزبون مش عايز يلبس ياقه طويلة تخبي قفاه

[magdy1963]

ياخوانا دة طبيعى يحصل كل مرة للاسوأ لان عندهم المادة اهم من الناس واكيد التوكيل هايبقى زى غيرة( انت اكيد فى مصر) ربنا يتولاناالله يرحمك يانصير