اشتريها منين؟؟؟-وايه الفرق؟؟

[warDaya]

السلام عليكم ورحمة الله

انا الحمدلله استقريت هاجيب بيكانتو ..

بس عاوزه اعرف اجيبها منين؟؟؟

ايه الفرق بين اني اجيبها من التوكيل او من اي موزع عادي برا التوكيل؟؟
هو مش اي معرض عربيات بتبقى بردو العربيه اللي طالعه منه تبع ضمان ماركتها؟

يعني لو كيا جبتها من اي معرض تاني مش هاتبقى تبع ضمان ال5 سنين بردو؟؟


حاجه تانيه ياريت يا جماعه حد يقولي اقرب فرع من مدينة نصر لتوكيل كيا يقولي..
ولو حد عارف مواعيد رمضان ايه بردو ياريت


ويبقى جزاكم الله الف الف خير يارب

[M.ABDEEN]

اهلا بيك يا باشا معانا ومبروك مقدما
يفضل انك تجيب وكيل طبعا واللي اعرفه هو في المعادي قريب من مستشفى النخيل
وفي تقريبا في مدينة نصر بس مش عارف ده معرض ولا موزع
وفيه طبعا التوكيل في روكسي جنب بنزينة التعاون
وعندك محمد زكي موزع معتمد لكيا في القطامية نهاية محور الشهيد مع الدائري وطبعا الموزع لازم يكون معتمد والمواعيد في رمضان غالبا من 8 ونص كده تقريبا

[warDaya]

اهلا بيك يا باشا معانا ومبروك مقدما
يفضل انك تجيب وكيل طبعا واللي اعرفه هو في المعادي قريب من مستشفى النخيل
وفي تقريبا في مدينة نصر بس مش عارف ده معرض ولا موزع
وفيه طبعا التوكيل في روكسي جنب بنزينة التعاون
وعندك محمد زكي موزع معتمد لكيا في القطامية نهاية محور الشهيد مع الدائري وطبعا الموزع لازم يكون معتمد والمواعيد في رمضان غالبا من 8 ونص كده تقريبا

شكرا جدا على ردك...انا كنت خايفه ماحدش يرد عليا

بس بردو ماقولتليش ليه يفضل من التوكيل؟؟؟

وايه الفرق بين المعرض والموزع؟

[ابو ليلى]

شكرا جدا على ردك...انا كنت خايفه ماحدش يرد عليا

بس بردو ماقولتليش ليه يفضل من التوكيل؟؟؟

وايه الفرق بين المعرض والموزع؟

التوكيل علشان طبعا الضمان 5 سنوات ودى ميزة كبيرة جدا لو عملوها صح

المعرض بياخد من الموزع والموزع بياخد من التوكيل

يبقى مين ارخص واحد فيهم .التوكيل - الموزع - المعرض .

[A.Saad]

[color="indigo"]الموزع بيقدر يدى خصم احسن من التوكيل


ومحمد زكى معرض محترم
ليه فرع فى المعادى وفرع فى فم الخليج
/color]

[medo_elgezy]

بص يا باشا بصلك بصة عند اباظة هى اكيد مش وكيل بس عنده موديل اسبور انا شفته بنفسى و شكله لسه نازل والله المستعان

[hosamenter]

اهلا بحضرتك ومبروك عليكى البيكانتو مقدما عربية تحفة فعلا وطالما حضرتك اخذتى قرار شراء وكيل يبقى لازم حضرتك تدورى على السعر الاقل سوء عند معرض او موزع او وكيل بس يكون مكان محترم وفى كلا الحالات حضرتك هتاخدى ضمان 5 سنين الموضوع محتاج شوية لف وتعب علشان افضل سعر مع افضل مكان.............. اسف للاطالة

[warDaya]

بجد شكرا ليكم كلكم يا جماعه جزاكم الله الف خير والله

انا النهارده اتفحت وطلعت عيني
انا كنت مقرره اشتري زيرو عشان اترحم من اللف والدوشه بتاعة المستعمل
اتفاجئت النهارده اني عشان اشتري عربيه لازم اتطحن

الوكيل لازم احجز وتيجي في خلال شهرين(انا شايفه ان دي حاجه مش عمليه نهائي...يعني لما الواحد بياخد قرار ويجهز فلوسه ..اموره كلها بتتظبط ان العربيه تبقى معاه في هلال 3 ايام بالكتير...مش شهرين!!!!) ماااا علينا
المشكله كمان ايه ان البيكانتو غليت...بتاعة 2011...بس قولت يلا عادي ماعلينا...اللي دايقني هو عدم توفرها في الوكيل

قولت خلاص كلمت كذا معرض قالولي اه متوفره وشرفي يا فندم والكلام ده
اروح
مالاقيش حاجه
وايه يا جماعه ازاي اللي ردو عليا في التليفون قالوا في..ازاي اجي تقولولي مافيش؟؟
قعدت 4 ساعات ونص بلف
على كل انواع معارض السيارات
اللي غاظني اكتر
مافيش ولا معرض عنده بيكانتو بضمان الوكيل
لو في...بيبقى خليجي..
ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!
يالهوي!! يعني هو عاوز يبيعهالي بنفس سعر الوكيل وكمان يزود 2000 جنيه توكيل وسنه!!!

اتغاظت جدا جدا جدا
وغالبا مش هاعرف اجيب بيكانتو
مش لاقياها في البلد دي اصلا!!!

حاجه تغم النفس والله

وربنا يكتب اللي فيه الخير :(

[som3aa]

ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!

لو حضرتك دفعتى الزيادة دى مش بتاخد ضمان وكيل, بتاخد ضمان تبعهم كدا اى كلام غالبا لما بيحصل مشاكل كبيرة بيحاولوا يتهربوا و مش مضمونين زى التوكيل.
حضرتك عندك
.:: KIA MOTORS ::.
ادخلى هنا و اختارى dealers showrooms و كلميهم كلهم فى القاهرة و الجيرة و اسالى عن العربية ,لو موجودة عندهم حضرتك هتستلميها علطول لو مش موجودة يبقى حضرتك لازم تستنى الشهرين و متشتريش خليجى بنفس سعر الوكيل ابدا
دول موزعين معتمدين و بيبقوا غالبا محترمين.

[A.Saad]

بجد شكرا ليكم كلكم يا جماعه جزاكم الله الف خير والله

انا النهارده اتفحت وطلعت عيني
انا كنت مقرره اشتري زيرو عشان اترحم من اللف والدوشه بتاعة المستعمل
اتفاجئت النهارده اني عشان اشتري عربيه لازم اتطحن

الوكيل لازم احجز وتيجي في خلال شهرين(انا شايفه ان دي حاجه مش عمليه نهائي...يعني لما الواحد بياخد قرار ويجهز فلوسه ..اموره كلها بتتظبط ان العربيه تبقى معاه في هلال 3 ايام بالكتير...مش شهرين!!!!) ماااا علينا
المشكله كمان ايه ان البيكانتو غليت...بتاعة 2011...بس قولت يلا عادي ماعلينا...اللي دايقني هو عدم توفرها في الوكيل

قولت خلاص كلمت كذا معرض قالولي اه متوفره وشرفي يا فندم والكلام ده
اروح
مالاقيش حاجه
وايه يا جماعه ازاي اللي ردو عليا في التليفون قالوا في..ازاي اجي تقولولي مافيش؟؟
قعدت 4 ساعات ونص بلف
على كل انواع معارض السيارات
اللي غاظني اكتر
مافيش ولا معرض عنده بيكانتو بضمان الوكيل
لو في...بيبقى خليجي..
ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!
يالهوي!! يعني هو عاوز يبيعهالي بنفس سعر الوكيل وكمان يزود 2000 جنيه توكيل وسنه!!!

اتغاظت جدا جدا جدا
وغالبا مش هاعرف اجيب بيكانتو
مش لاقياها في البلد دي اصلا!!!

حاجه تغم النفس والله

وربنا يكتب اللي فيه الخير :(

ده مش توكيل
ده خليجى وبيدوكى عليه ضمان وفيه ناس اشتكت من الشركات والمراكز اللى بتدى الضمان ده
انتى عايزة لون ايه
مانيوال ولا اوتو
كاش ولا قسط

[warDaya]

ده مش توكيل
ده خليجى وبيدوكى عليه ضمان وفيه ناس اشتكت من الشركات والمراكز اللى بتدى الضمان ده
انتى عايزة لون ايه
مانيوال ولا اوتو
كاش ولا قسط

انا عارفه انها اكيد حاجه فكسانه

دلوقتي حاليا مش عارفه هاجيبها ولا لا لأني امبارح لما زهقت دفعت حجز لجيتز بس في احتمال اخد فلوسي وافركش

اللي عوزاها اوتوماتك \احمر\كاش

[som3aa]

انا عارفه انها اكيد حاجه فكسانه

دلوقتي حاليا مش عارفه هاجيبها ولا لا لأني امبارح لما زهقت دفعت حجز لجيتز بس في احتمال اخد فلوسي وافركش

اللي عوزاها اوتوماتك \احمر\كاش

حضرتك جربتى تكلمى الموزعين كلهم؟
الموضوع مش هياخد 10 دقايق و الموزع هو اللى بيدى المعرض

[aliabutaleb]

ورداية )
بغض النظر عن العربية اللي اخترتيها أنا شايف إن أهم ميزة في الشراء من التوكيل هو إن التوكيل بينقل العربيات على العربيات الكبيرة اللي بتنقل العربيات الزيرو دي فإنتي في الحالة دي ضامنة إن محدش نقلها من مكان لمكان سواقة وساقها 200 كم من الميناء لغاية المعرض والله أعلم كان ماشي على سرعة كام وحرق بيها أد إيه
ولا يكون فاصل عداد الكيلومتر زي ما بنسمع إن معارض كتيرة بتعمل.
انا لما اشتريت السيريون بتاعتي كان سعرها من التوكيل أغلى من خارجه ييجي ألف جنيه بس كفاية إني شاريها مش عاملة غير 15 كم

توكلي على الله وأياً كان اختيارك هاتي العربية من التوكيل
بس متنسيش تفحصيها كويس سواء كان توكيل أو معرض

وإن شاء الله نبارك لك قريباً :)

[sara2001]

بجد شكرا ليكم كلكم يا جماعه جزاكم الله الف خير والله

انا النهارده اتفحت وطلعت عيني
انا كنت مقرره اشتري زيرو عشان اترحم من اللف والدوشه بتاعة المستعمل
اتفاجئت النهارده اني عشان اشتري عربيه لازم اتطحن

الوكيل لازم احجز وتيجي في خلال شهرين(انا شايفه ان دي حاجه مش عمليه نهائي...يعني لما الواحد بياخد قرار ويجهز فلوسه ..اموره كلها بتتظبط ان العربيه تبقى معاه في هلال 3 ايام بالكتير...مش شهرين!!!!) ماااا علينا
المشكله كمان ايه ان البيكانتو غليت...بتاعة 2011...بس قولت يلا عادي ماعلينا...اللي دايقني هو عدم توفرها في الوكيل

قولت خلاص كلمت كذا معرض قالولي اه متوفره وشرفي يا فندم والكلام ده
اروح
مالاقيش حاجه
وايه يا جماعه ازاي اللي ردو عليا في التليفون قالوا في..ازاي اجي تقولولي مافيش؟؟
قعدت 4 ساعات ونص بلف
على كل انواع معارض السيارات
اللي غاظني اكتر
مافيش ولا معرض عنده بيكانتو بضمان الوكيل
لو في...بيبقى خليجي..
ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!
يالهوي!! يعني هو عاوز يبيعهالي بنفس سعر الوكيل وكمان يزود 2000 جنيه توكيل وسنه!!!

اتغاظت جدا جدا جدا
وغالبا مش هاعرف اجيب بيكانتو
مش لاقياها في البلد دي اصلا!!!

حاجه تغم النفس والله

وربنا يكتب اللي فيه الخير :(

مبروك مقدماً
تقريبا نفس اللي حصل معايا قبل ما اشتري البيكانتو
الأوتوماتيك موديل 2010 كانت لسه مانزلتش
اسأل في الوكيل يقولوا بعد شهرين ولازم تحجزي وده كلام غير مؤكد
اسأل في المعارض موجوده بس انت تعالي
واروح طبعا مفيش حاجه وكله كدب
وفي معرض عربيات المندوب كان بيؤكد انها موجوده
وانه حيجيبها المعرض اول ما ادفع عربون بس اللي شككني في كلامه
رغم انه موزع معتمد لكيا انه كان بيقول ان الأتوماتيك 2009 نفس 2010
وده مخالف لكلام الوكيل والقصراوي
وفي الآخر الأعضاء مشكورين وجهوني للشراء من محمد زكي
والحمد لله كان ملتزم في كل المواعيد اللي قال عليها بداية من موعد نزول
الموديل للمعرض لغاية مواعيد استلام الورق وشهادة الضمان
القصراوي كمان طلع كلامه صح في موعد نزول الموديل للمعرض
بس انا لم اتعامل معه في الشراء

ضمان الوكيل 5 سنوات اللي بيقولك ضمان سنه ده بيبيع خليجي على انها وكيل
اشتري من موزع معتمد احسن بلاش المعارض

[uubaby2000]

انا كمان هشترى زيك ... ورداية لو هتشترى بالله عليكى قوليلى جبتيها منين عشان باذن الله هجيب نسخة زى بتاعتك بردو حمرا واوتوماتك ودايخة زيك بالظبط ... بس بيقولو 2011 التوكيل قدامها عشر تيام مش شهرين ... لو لاقتيها ابعتيلى رسالة خاصة
والجيتز على فكرة احلى واجمد بس الاوتوماتك بتاعها هيسحب بنزين جامد اوى غير البيكانتو
انا مستنية ردك