استفسار عن حاجة فى السيراتو؟

[mohnd2]

انا معايا كيا سيراتو 2010 ex وكيل فى حاجة لما بجيب الفتيس على P بسمع صوت تكه فى العربيه وسعات مبتحصلش هل ده عادى ولا لا ؟ مع العلم سمعتها فى عربيت واح زميلى نفس الموديل والفئه وكيل وسمعتها فى عربيه خليجى ؟ ومع التكيف بسمع صوت بس مش واضح زى ففففففوووووووو طول مانا ماشى بس اكيد مش صوت المروحه .... مع العلم عربيتى عامله 3600 كم ؟؟ وبرده لما باجى اقعد على كرسى السائق بسمع صوت تزيق بس ده مكنش موجود ؟؟؟ وحاسس ان صوت الماتور على شويه فى طلعه العرييه لكن لما بتنقل للثانى بيبقى هادى وكويس ....وكل سنه وانت طيبين ارجو الرد

[Mocs]

الصوت اللى انت بتسمعه مع التكييف , ده صوت سير التكييف مش المروحة !!!! وصوت التزييق فى كرسى السائق نفس اللى عندى بالظبط , بس هسالك سؤال هو انت ركبت فرش فى ارضية العربية جلد ؟؟؟؟ لان لو ركبته الصنايعيه لما بيفكوا الكراسى مبتتركبش كويس وبعدها تسمع تزييق . وكل سنة و انت طيب

[ابو ليلى]

انا معايا كيا سيراتو 2010 ex وكيل فى حاجة لما بجيب الفتيس على P بسمع صوت تكه فى العربيه وسعات مبتحصلش هل ده عادى ولا لا ؟ مع العلم سمعتها فى عربيت واح زميلى نفس الموديل والفئه وكيل وسمعتها فى عربيه خليجى ؟ ومع التكيف بسمع صوت بس مش واضح زى ففففففوووووووو طول مانا ماشى بس اكيد مش صوت المروحه .... مع العلم عربيتى عامله 3600 كم ؟؟ وبرده لما باجى اقعد على كرسى السائق بسمع صوت تزيق بس ده مكنش موجود ؟؟؟ وحاسس ان صوت الماتور على شويه فى طلعه العرييه لكن لما بتنقل للثانى بيبقى هادى وكويس ....وكل سنه وانت طيبين ارجو الرد

عادى جدا ودى عندى هو بيكون صوت تريح قاعدة الماتور على ما اظن .

اتاكد من انك قافل كل الشبابيك صح ممكن يكون فيهم شباك معلق او مش مظبوط .

ممكن تروح على صيانة ال 5 الاف وهيظبطو موضوع الكرسى ده حصلت قبل كده مع زميل لينا .

بلاش كلمة حاسس الله يخليك شوف ال rpm بيكون على كام او ل ما تدور العربية واصبر شويه عليه حوالى دقيقه كده او اتنين وشوف هيوصل لكام .

وبلاش تركز فى اى حاجه فى العربية علشان تعرف تستمتع بيها والله المستعان .

[mohnd2]

الصوت اللى انت بتسمعه مع التكييف , ده صوت سير التكييف مش المروحة !!!! وصوت التزييق فى كرسى السائق نفس اللى عندى بالظبط , بس هسالك سؤال هو انت ركبت فرش فى ارضية العربية جلد ؟؟؟؟ لان لو ركبته الصنايعيه لما بيفكوا الكراسى مبتتركبش كويس وبعدها تسمع تزييق . وكل سنة و انت طيب

شكرا جدا على التوضيح بس انا مركبتش فرش فى الارضية
وبالنسبة للتكة اللى فى p عاوز اعرف هل هيا طبيعية ولا لاه

[mohnd2]

عادى جدا ودى عندى هو بيكون صوت تريح قاعدة الماتور على ما اظن .

اتاكد من انك قافل كل الشبابيك صح ممكن يكون فيهم شباك معلق او مش مظبوط .

ممكن تروح على صيانة ال 5 الاف وهيظبطو موضوع الكرسى ده حصلت قبل كده مع زميل لينا .

بلاش كلمة حاسس الله يخليك شوف ال rpm بيكون على كام او ل ما تدور العربية واصبر شويه عليه حوالى دقيقه كده او اتنين وشوف هيوصل لكام .

وبلاش تركز فى اى حاجه فى العربية علشان تعرف تستمتع بيها والله المستعان .

جزاك الله كل خير وكل عام وانتم طيبين جميعا

[Ahmed Samy]

لا حول ولا قوة الا بالله

ايه يا جماعة احنا خلاص هانخاف من خيالنا ؟؟؟

حضرتك ارحم نفسك شوية من القلق ده .. اللي حضرتك بتتكلم عنه حاجات صغيرة قوي لا تستدعي الإنتباه

دي عربية مش super silent علشان نفتكر ان أي صوت أو تكه عيب

و الله أنا مش باتريق

أنا فعلا زعلان ان حضرتك مش عارف تستمتع بالعربية الجميلة اللي معاك علشان بتسيب القلق ياخد مساحة أكبر من اللازم من فرحتك بالعربية

لما تحس بمشكلة أو صوت حقيقي

ندور و نتكلم و نشوف ...غير كده يا عزيزي

عيـــــــــــــش

[mohnd2]

لا حول ولا قوة الا بالله

ايه يا جماعة احنا خلاص هانخاف من خيالنا ؟؟؟

حضرتك ارحم نفسك شوية من القلق ده .. اللي حضرتك بتتكلم عنه حاجات صغيرة قوي لا تستدعي الإنتباه

دي عربية مش super silent علشان نفتكر ان أي صوت أو تكه عيب

و الله أنا مش باتريق

أنا فعلا زعلان ان حضرتك مش عارف تستمتع بالعربية الجميلة اللي معاك علشان بتسيب القلق ياخد مساحة أكبر من اللازم من فرحتك بالعربية

لما تحس بمشكلة أو صوت حقيقي

ندور و نتكلم و نشوف ...غير كده يا عزيزي

عيـــــــــــــش

جزاك الله كل خير بس انا مش قلقان ولا حاجة انا بهتم بالعربية واى شئ غريب فيها بهتم ان اعرف اية سببه
وكل عام وانت بخير والحمد لله انا مستمتع بالعربية
وشكرااااا

برجاء مراجعة القواعد في الصفحة الرئيسية
اللون الأحمر مخصص لتمييز المداخلات الإشرافية
شكرا لتعاونك
مشرف عام.2

[hosamenter]

قلق تاااااااااااااااااانى

[waleedelpiloot]

انا كمان معايا Ex وكيل وعندى نفس التكة لما اجيب الp
ودة عادى جداااااا دة صوت الlock بتاع الفتيس
لالالالا تقلق واستمتع وعيييييييييش :))))))))

[medo_elgezy]

ده عادى ده صوت تعشيق او اسمه اللوك بتاع الفتيس وده طيعى

[night_phoenix]

كفايه خلاص

[NoRmAl]

الموضوع زاد أوى يا رجاله :)
أيه كل الاصوات دى
أنا طبعا مقدر قلقك يا صاحب الموضوع بس والله حاول تركب عربيتك وتشغل التكييف والسى دى وتستمتع بالعربيه
عارف أن كلامى مش هيمثلك أهميه لكن لو حضرتك فضلت كدا مش هتثق فى عربيتك خالص :(
ربنا معاك

[hosamenter]

الموضوع زاد أوى يا رجاله :)
أيه كل الاصوات دى
أنا طبعا مقدر قلقك يا صاحب الموضوع بس والله حاول تركب عربيتك وتشغل التكييف والسى دى وتستمتع بالعربيه
عارف أن كلامى مش هيمثلك أهميه لكن لو حضرتك فضلت كدا مش هتثق فى عربيتك خالص :(
ربنا معاك

كلام ok يعنى نفض للوساوس واستطعم العربية بالبلدى كدة

[mohnd2]

اية يجماعة مالكوووو

انا كنت عاوزز استفسر عن

حاجة فى العربية

وخلاص

ومش قلقان ولا الموضوع
شاغلنى خالص

انتو محسسين ان الواحد اجرم بسؤالوووووو

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 أ

[kono]

اية يجماعة مالكوووو

انا كنت عاوزز استفسر عن

حاجة فى العربية

وخلاص

ومش قلقان ولا الموضوع
شاغلنى خالص

انتو محسسين ان الواحد اجرم بسؤالوووووو

حضرتك الموضوع مش اجرام بالسؤال
بس المشكلة ان العربية الكلام عليها بقى كتير وده شئ عادى لان اصحاب العربية كتير فى المنتدى وكل واحد بيحب يشارك مشكلته بس من كتر ما حضرتك قريت عن العربية قبل ما تجيبها وبعد ما جبتها هتحس ان اى صوت بيحصل تبقى مشكلة فى العربية
حضرتك لو الحاجات اللى بتحصل بصفة مستمرة تبدا تقلق لكن لو بتحصل احيانا يبقى نفضلها