زيارة تكنو وان و مشكلة تكة الفتيس و إستهلاك البنزين

[xShadow]

السلام عليكم و رمضان كريم عليكو يا جماعة :))

معلش أنا اتأخرت عليكم في موضوع زيارة تكنو وان بتاعة يوم الأربع بس انتو عارفين أول كم يوم رمضان بقى و كدة :)

المهم أنا رحت قابلت الباشمهندس أحمد الشحات .. كنت مكلمو من أبلها على موضوع تكة الفتيس و إستهلاك البنزين ..

بالنسبة ل- تكة الفتيس، هو قالي إن دي طبعية جداً .. و فك الكونسل مخصوص علشاني عشان يشحمو .. ونا بصراحه و هو بيفك الكونسل كان قلبي بيتقطع أصلاً ونا شيفو بيشيلو .. الكونسل دة ممتد من بلاستيك الفتيس لحد مسند اليد بتاع التخزين إلي مبين الكرسيين، شالو كلو و شحم شوية ال حديدة بتاعت ال لوك.. والتكة مرحتش بس أنا اقتنعت إن د عادي و أمري لله، كفاية احساسي ونا بشوف الكونسول و هو بيتفك، كأن ابنك الصغير بيشرحوه

بالنسبة لإستهلاك البنزين ، إلي حصل بالظبط كالأتي.. الباشمهندس أحمد قالي العداد بتاع إستهلاك البنزين إلي فالعربية د مش Accurate أوي، و إن عشان أعرف الإستهلاك صح لازم أحسب كم كلو فالتفويلة .. التل بس أنا متأكد إن علي جامد.. المهم قالي طيب هنكشف عل بوجهات.. فتح العربية، و طلع البوجهات.. و بعدن و هو ماسك بوجيه في ايدو قالي كدة بالظبط : "هو حضرتك معك الفاتورة بتاعة الصيانة إلي حضرتك عملتها هنا ؟" ألت اه، قالي ممكن أبص عليها ؟ أنا ساعتها مفهمتش أوي أصدو.. بس بعدها جمعت حاجة والله أعلم

المهم جبتها و شافها.. بعدين قالي البوجهات شكلها سليمة ومفيش مشكلة.. طب تعالى ناخد لفة نشوف .. طلعنا بالعربية عملنا ريست للتيمر قام جايب الإستهلاك 15 لتر لكل 100 كيلو.. فاستغرب الرقم لما لقاه كتير كدا بعد شوية لف .. قومنا رجعنا المركز، و دخل العربية المركز و قالي اطلع استريح..

بعدها بشوية نزلت، لقيتو بيقولي غيرنا البوجهات.. قلتلو معقول ؟ طب هي كان فيها حاجة ؟ قالي لأ خالص هي سليمة بس احنا غيرناها عشان نريحك بس عشان منسبش حاجة معملنهش..
قلتلو طيب كتر خيرك، طيب حسابنا كم ؟ قالي لأ ولا حاجة خلص إنت إتكل على الله .. و مخدش مني ولا مليم


والإستهلاك ملحقتش أجرب كويس لأن أول رحلة ليا بعد الموضوع دة كانت لاسكندرية، متوسط السرعة 140 عملت إستهلاك 9.7 لتر لل-100 كيلو .. بس لسة مجربتش أي سواقة وسط البلد فهوافيكو أول مجرب إن شاء الله

و مستني ارائكم بقى في موضوع البوجهات دة

[alzwawy]

البوجيهات انا حاسس انها كانت مضروبه و هو غيرهالك لما عرف انها كانت مضروبه
و موضوع اسكندريه استهلاك 9.7 ده افتري انا سافرت من شهر متوسط 140 : 160
و الاستهلاك كان 6.5 و في اوقات كان 6 انما 9.7 دي انا شايفها افتري

[hosamenter]

حاسس ان مفيش جديد الاستهلاك كدة عالى فى الطوالى امال جوه البلد هيبقى ازاى

[Amr A.salam]

موضوع الكونسول دة حصل معايا والسروجي بيركب فرش جلد لأرضية العربية

كان قلبي بيتقطع

بس كتير 9.7 في السفر فعلاً يا محمد (مع اني بيجيلي اكتر من كدة) :)

وتيجي بالسلامة يا باشا من اسكندرية

[mohamedaghali]

بس يا باشا احسب مع التفويل متعدمتش على الكميوتر بتاع العربيه

[aaet1]

لأ طبعا 9.7 على سرعة 140 كتير، أنا لسه راجع من اسكندرية وأنا رايح كنت على 120 والمتوسط عمل 6.8 وفى الرجوع مابين 150-170 والمتوسط 8.5

بس سؤال حضرتك صفرت العداد قبل ما تتحرك ويفضل عند البوابات

[aaet1]

البوجيهات انا حاسس انها كانت مضروبه و هو غيرهالك لما عرف انها كانت مضروبه
و موضوع اسكندريه استهلاك 9.7 ده افتري انا سافرت من شهر متوسط 140 : 160
و الاستهلاك كان 6.5 و في اوقات كان 6 انما 9.7 دي انا شايفها افتري

بسم الله ما شاء الله 6.5 دى قليلة ياعم زواوى عملتها ازاى دى :))

[alzwawy]

بسم الله ما شاء الله 6.5 دى قليلة ياعم زواوى عملتها ازاى دى :))

لا انا الحاجات دي بعملها و انا علي الطريق بس انما جوه البلد بتوصل 12 يا معلم

[Donzi]

البوجيهات انا حاسس انها كانت مضروبه و هو غيرهالك لما عرف انها كانت مضروبه

واضح فعلا ان البوجيهات كانت مضروبة

طب انت خدت منهم القديمة ولا لأ عشان تتاكد اذا كانو مضروبين ولا لا ؟؟

لحسن لو طلعو بيركبو مضروب لازم الناس تعرف و تاخد بالها !!!

[xShadow]

البوجيهات انا حاسس انها كانت مضروبه و هو غيرهالك لما عرف انها كانت مضروبه
و موضوع اسكندريه استهلاك 9.7 ده افتري انا سافرت من شهر متوسط 140 : 160
و الاستهلاك كان 6.5 و في اوقات كان 6 انما 9.7 دي انا شايفها افتري

أنا حسيت كدة برد .. بالنسبة للإستهلاك، أنا 6.5 دي مجبتهش أبل كدا غير على سرعة 100

حاسس ان مفيش جديد الاستهلاك كدة عالى فى الطوالى امال جوه البلد هيبقى ازاى

هو لسة عالي بس أرحم مل أول شوية :(

موضوع الكونسول دة حصل معايا والسروجي بيركب فرش جلد لأرضية العربية

كان قلبي بيتقطع

بس كتير 9.7 في السفر فعلاً يا محمد (مع اني بيجيلي اكتر من كدة) :)

وتيجي بالسلامة يا باشا من اسكندرية

ربنا يخليك يا عمر باشا الله يسلمك :)

بس يا باشا احسب مع التفويل متعدمتش على الكميوتر بتاع العربيه

منا بعمل كدة والله بس هو فعلاً عالي !

لأ طبعا 9.7 على سرعة 140 كتير، أنا لسه راجع من اسكندرية وأنا رايح كنت على 120 والمتوسط عمل 6.8 وفى الرجوع مابين 150-170 والمتوسط 8.5

بس سؤال حضرتك صفرت العداد قبل ما تتحرك ويفضل عند البوابات

اه والله صفرتو

واضح فعلا ان البوجيهات كانت مضروبة

طب انت خدت منهم القديمة ولا لأ عشان تتاكد اذا كانو مضروبين ولا لا ؟؟

لحسن لو طلعو بيركبو مضروب لازم الناس تعرف و تاخد بالها !!!

لأ والله مخدتش القديمة لأن هو عأيرهملي ببلاش يعني مخدش فلوس، فخد القديمة..



عامةً إنهردة إستهلاك بسواقة براحة وسط البلد 10 لتر فال-100 كيلو.. و دة أرحم مل أول بكتير .. مع إن أزيد من زمان بردو

[mohamedaghali]

أنا حسيت كدة برد .. بالنسبة للإستهلاك، أنا 6.5 دي مجبتهش أبل كدا غير على سرعة 100



هو لسة عالي بس أرحم مل أول شوية :(



ربنا يخليك يا عمر باشا الله يسلمك :)



منا بعمل كدة والله بس هو فعلاً عالي !


اه والله صفرتو



لأ والله مخدتش القديمة لأن هو عأيرهملي ببلاش يعني مخدش فلوس، فخد القديمة..



عامةً إنهردة إستهلاك بسواقة براحة وسط البلد 10 لتر فال-100 كيلو.. و دة أرحم مل أول بكتير .. مع إن أزيد من زمان بردو

على فكره 10 لتر لكل 100 كم ده ممتاز ده معناه 200 كم للصفيحه و فى وسط البلد !! ده كده زى الفل لعربيه 1600 متطمعش فى اكتر من كده:)

[A.Saad]

انت غيرت البوجيهات فين قبل كدة

[xShadow]

انت غيرت البوجيهات فين قبل كدة

في تكنو وان بردو يا باشمهندس أحمد، يعني هو بدلهملي مش أكتر

[xShadow]

على فكره 10 لتر لكل 100 كم ده ممتاز ده معناه 200 كم للصفيحه و فى وسط البلد !! ده كده زى الفل لعربيه 1600 متطمعش فى اكتر من كده:)

ماهو ال-10 دي كنت من بعد سواقة طويلة عل صحراوي


بس أنا يا جماعة إنهردة جربت أصفر عداد الإستهلاك.. و مشيت مشوار بسيط كدا عل كورنيش، والإستهلاك جاب معايا 8.5 لتر فال-100 كلو، فهو كدة الحمد لله يعتبر رجع ذي الأول.. و إن شاء الله هجرب كمان كذا مرة..


كدة ظني إن المشكلة فعلاً كانت فالبوجهات إلي حطوهالي أول مرة.. والله أعلم.. و مستني ارائكم

[hosamenter]

الحمد لله الله يطمنك لو الاستهلاك كدة يبقى تمام اوى انشاء الله الواحد بيفرح لما مشكلة تتحل علشان المنفسنين اياهم