سبحان الموفق : جنط 16 و البالونة

[ALSHARIEF]

السلام عليكم و رحمة الله و بركاته ............

يا تلحقونى يا ماتلحقونيش النهاردة الصبح و أنا راجع من الشغل ( أصل محسوبكم كان عنده وردية ليلية لقيت العجلة الشمال قدام فيها بؤليلة ضغننونة بس أنا شوفتها و من ساعتها نازل عليا سهم الله و مش عارف أعمل إيه مع العلم إنى جايب الخليجى فتحة سقف و سمارت كى بس بجنط 16 مش عارف أعمل إيه ؟

محتاج نصايحكو يا إما هأعمل إعلان زى أبوليلى و هبدل العربية بمروحة أو شفاط


هى ملهاش أى حل يعنى و لا إيه ؟ مستنى وقفة الرجالة جنبى

[NoRmAl]

هى أصل المشكله ان البلالين دى ملهاش حل :)
ركب الاستبن لغايه متشترى واحده بقى :)
عوضك على ربنا
أنا لسه أمبارح واخد نقره أعوذ بالله
ومستنى أنزل اشيك على العجل وربنا يستر

[Mshawky]

ده اثبات ان النقر على العربيه موذيه بكل المقاييس ملهاش علاقه ب 17 ولا 16 كله يبتاذى والمقصات والكبالن

هى شوارع اصلا مينفعش حتى يمشى فيها حيوانات فمابالك ببنى ادمين زينا وعربيات زيرو

[ALSHARIEF]

والله أنا مش عارف أعمل إيه بجد أنا حاسس إن البالونة طلعالى أنا و مأريف جدا و مش عارف هى جت منين :

1- نقرة جامدة يعنى .
2 - عيب صناعة فى الكاوتش بس الكوموهو أسمع إنه كويس مش عارف بالضبط .

بفكر أرجع الكاوتش ورا شمال و أجيب إللى ورا قدام و لا إيه رأيكم ؟

[ALSHARIEF]

هى أصل المشكله ان البلالين دى ملهاش حل :)
ركب الاستبن لغايه متشترى واحده بقى :)
عوضك على ربنا
أنا لسه أمبارح واخد نقره أعوذ بالله
ومستنى أنزل اشيك على العجل وربنا يستر

حبيبى يا نورمال والله الموضوع خانقنى جدا و طبعا إن موضوع إن البلالين ملهاش حل ده خانقنى أكتر و أكتر .
أما بالنسبة للإستبن كان نفسى ماستخدمش االإستبن إلا بعد 4 أو 5 سنين كده زى ما بسمع من بعض الناس إنهم مابيستخدموش الإستبن إلا بعد سنين بس الحمد لله على كل شئ .

خلى بالك ياباشا و أنت ماشى فى شوارعنا المحروسة و إن شاء الله خير بس بالله عليك إبقى طمنى و السلام ختام

[NoRmAl]

ده اثبات ان النقر على العربيه موذيه بكل المقاييس ملهاش علاقه ب 17 ولا 16 كله يبتاذى والمقصات والكبالن

هى شوارع اصلا مينفعش حتى يمشى فيها حيوانات فمابالك ببنى ادمين زينا وعربيات زيرو

لا هى على حسب النقره
يعنى ممكن نقره جامده جدا تطلع بلونه فى كاوتش 15 مهى قوه صدمه والسلوك يا تستحمها يا متستحملهاش
+
نوع الكاوتش بيفرق على فكره

[Deshahcoka]

باشا الله يخرب بيت الحفر و يفتح حفر الي بيفتحلنا حفر في الشوراع في بيتهم !

انا عندي 3 فاردة بلالين و واحدة 5 خوابير :) انا عاوز طقم :) و ما ادراك ما طقم ال 17 :) 2000 للنوعية الزبالة و اخبط 4000 وش للنوعية النضيفة !

انا اتعقدت قوي :( انا كان نفسي في موبايل جديد كدة الواحد حيحوش و يكمل فوق تمن الموبايل علشان يجيب كاوتش يمشي على الزفت ده !

[som3aa]

- عيب صناعة فى الكاوتش بس الكوموهو أسمع إنه كويس مش عارف بالضبط .

بفكر أرجع الكاوتش ورا شمال و أجيب إللى ورا قدام و لا إيه رأيكم ؟

لا طبعا خطر جدا تمشى بكاوتشة فيها بالونة سواء قدام و لا ورا , يعنى لا قدر الله لو الكاوتشة اللى ورة هى اللى انفجرت تفرق فايه؟

لازم تغير الكاوتشة علطول

[ldsaklf]

اذن فا كل الكاوتش بيبقلل مش ال17 بس خليها استبن يا ريس لحد ما ربنا يفرجها

[som3aa]

اذن فا كل الكاوتش بيبقلل مش ال17 بس خليها استبن يا ريس لحد ما ربنا يفرجها

كله بيبقلل بس ال17 عرضة اكتر للبقللة و عن تجربة

[Fadelz]

على طول 205/55 r16

من خمس سنين

ولا بقليلة ابدا

دنلوب

[yasso0101]

الكاوتش 17 بي 4000 جنيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد الكلام ده بجد

[Fadelz]

الكاوتش 17 بي 4000 جنيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد الكلام ده بجد

فعلا الفردة لا تقل عن الف جند

[Amr A.salam]

الفردة ال16 يا باشا تعمللها 350 جندي

والعربية معايا من سنة جنط 16 (شاريها رمضان اللي فات)

من 6 شهور كدة أخدت نقرة بنت حرام في طريق مصر اسماعيلية

فردة اتقطعت وفردة جالها بالونة صغيرة

غيرت الفردة وخليت اللي فيها بالونة استبن من ساعتها

بس أنا حاسس ان لو كان عندي جنوط 17 كنت غيرت فردتين كل شهر

[adelahmed007]

ممكن يكون حلها ان تركبلها كاوتش داخلى