استفسار صغير من أصحاب السيراتو

[AHMED900]

صباح الخير يا جماعة

استفسار بسيط لو تكرمتم

هو صحيح ممنوع أشغل تكييف السيراتو قبل 1000 كم؟؟

لأني بالفعل شغلته وواحد قاللي إنه غلط على الموتور وهو لسه ما لينش

الموضوع قالقني جدا

[ldsaklf]

شغل التكييف براحتك بس بعد اول 1000 كيلو

[ALSHARIEF]

السلام عليكم و رحمة الله و بركاته ..............

مع إحترامى الشديد لكلام صاحبك إلا إنه ليس له أى أساس من الصحة حضرتك شغل التكييف براحتك خالص و لا يهمك و متقلقش على الموتور خالص كل إللى سعادتك تخلى بالك منه فى ال 1000 الأولنيين :

1- بلاش قرص و جرى و شد لحد ماتغير زيت ال 1000 و أستنى على العربية شوية بعد تغيير الزيت يعنى مثلا عند 1500 أو 2000 إبتدى إجرى و أقرص براحتك و لو إن الحذر مطلوب

2- ال rpm عند مابين 2 و 4 متوسطك 3
3- بلاش كيك داون خالص
4 - بلاش تمشى فترات طويلة على سرعات ثابتة لمدد طويلة يعنى زود السرعة و أقللها علشان تليين الموتور و ما تطبعوش على سرعة معينة .

نرجع لكلام صاحبك إللى هو كاااااااااان صحيح بس ده كان زمان فى العربيات بتاعة زمان إنما دلوقتى العربيات متفتحة سرعات و ينفع تشغل التكييف مع الأخد فى الأعتبار التحذيرات السابق ذكرها .

فى النهاية أسف للإطالة و الله أعلم

[AHMED900]

أستاذ الشريف متشكر جدا جدا وجزاك الله خير

[aaet1]

أنا مع نفس الرأى القائل بلاش قبل الـ1000 التكييف تولعه وخلي متوسط ال rpm عندك بين 2و4 فعلا

[ALSHARIEF]

أستاذ الشريف متشكر جدا جدا وجزاك الله خير

باشا الشكر لله و أنا ما عملتش غير الواجب و ما عملتش إلا إللى إتعلمته هنا فى هذا المنتدى بشكل عام و فى قسم كيا بشكل خاص إن لما يكون لينا أخ عنده سؤال أو إستفسار و فيه حد عارف الأجابة علطول يقوله عليها و مايبخلش عليه أبدا دا غير إننا فى رمضان ( كل سنة و حضرتك طيب ) و الثواب على ودنه

[timtim77]

السلام عليكم و رحمة الله و بركاته ..............

مع إحترامى الشديد لكلام صاحبك إلا إنه ليس له أى أساس من الصحة حضرتك شغل التكييف براحتك خالص و لا يهمك و متقلقش على الموتور خالص كل إللى سعادتك تخلى بالك منه فى ال 1000 الأولنيين :

1- بلاش قرص و جرى و شد لحد ماتغير زيت ال 1000 و أستنى على العربية شوية بعد تغيير الزيت يعنى مثلا عند 1500 أو 2000 إبتدى إجرى و أقرص براحتك و لو إن الحذر مطلوب

2- ال rpm عند مابين 2 و 4 متوسطك 3
3- بلاش كيك داون خالص
4 - بلاش تمشى فترات طويلة على سرعات ثابتة لمدد طويلة يعنى زود السرعة و أقللها علشان تليين الموتور و ما تطبعوش على سرعة معينة .

نرجع لكلام صاحبك إللى هو كاااااااااان صحيح بس ده كان زمان فى العربيات بتاعة زمان إنما دلوقتى العربيات متفتحة سرعات و ينفع تشغل التكييف مع الأخد فى الأعتبار التحذيرات السابق ذكرها .

فى النهاية أسف للإطالة و الله أعلم

+11111111111111

[el_Doctor]

بينى وبينك يا با شا انا مع الاخ elsherif فى كلامه ان عادى تشغل التكييف فى اى وقت براحتك حتى لو لسه خارج بالعربيه من المعرض بس فعلا الجرى والقرص فى اول 2000 كيلو كمان بيبقى مش كويس للموتور خلى بالك ....