Tweet
مساء الفل على كل الاعضاء المحترمين اللى كانو سبب رئيسى بدون مجاملة فى اختيارى للكيا عموما والكوبية خصوصا
الحمد لله انا استلمت الكوبية من 4 ايام وقولت اجرب كويس الاول علشان ارفع تقرير يكون شبة وافى وعلى فكره دى اول مره اكتب تقرير و اول مرة اركب كوبية هبدء بالاستلام
انا روحت المصرية وكنت حاجز الكوبية الليمونى وطبعا هما استغلو قلة وجود اللون ولو انة مش مطلوب اوى زى باقى الالوان بس هما بصراحة حاولو يبتزونى بس الحمد لله كان معايا واحد صاحبى عفريت عرف يلاعبهم كويس والمهم علشان مطولش عليكم استلمت ومدفعتش ال 2000 جنية اللى كانو عيزين يظبطونى فيهم بفضل الله اولا وزكاء صاحبى بس دا طبعا خنقهم منى لدرجة انهم قلبو العربية شالو وصلة الايبود ووصلة الaux والانتنا وغطاء السيارة بس على مين قلتلهم كل اللى اتشال لو مرجعش هرفع الامر للاداره وهبلغ بنك ال cib المهم اخدت الحاجات وقت اليمها شوية علشان لسة مخدتش البوليصة ولا رخصت واستلمت العربية وجربت كل حاجة السي دى واليو اس بى وكل شيى يتجرب جربتة وخدت العربية رفعتها علشان اشوف لو فى خبطة من تحت ولا حاجة والحمد للله كلة تمام
ومشيت شوية لقيت العربية ناشفة اوى وكانت بتحدف شوية شمال قلت اشيك على الكاوتش لقيت العجلتين اللى ورا 43 والى ادام 40 طبعا ظبطهم على 30 لقيت العربية ظبطت اوى والحدفة راحت وبقت ناعمة شوية وخدت العربية وروحت من طنطا للمزرعة عندى جنب ماستر على الصحراوى مسافة 105 ك وقلت بالمره اشوف الاستهلاك لقيتة عامل 10 لتر بالضبط لانى فولت فى طنطا ورجعت فولت فى ماستر فعمل معايا الاستهلاك دة معرفش هو كدة كويس ولا لا ؟ مع العلم ان التكييف شغال طول ما العربية دايرة
وتانى يوم جربت بقى العربية كويس واقول لكم عن انطباعاتى عنها فى اطار انى معدتش 130 سرعة و4 rpm
الثبات عالى وبيفرق عن السيدان فرق ملحوظ
ال esp حدث ولا حرج انا اتعمدت اوصل العربية ل 130 فى ملفات صعبة جدا وكانت النتيجة امتياز فى فرق كبير ياجماعة فعلا لازم تجربوه بنفسكم علشان متقولوش انى ببالغ والله انا بتكلم بمنتهى الحيادية
السحب ممتاز انا عملت وحدتين كيك داون كدة ع الماشى العربية بتتجنن وصوت الشكمان الديفل تحفة بيحسسك ان العربية متوحشة
اداء التكييف جيد جدا
نظام الصوت رائع مش محتاج اى اضافات
الخامات الداخلية على عكس ما الناس بتقول ممتازة جلد الكراسى والابواب فخم جدا اللون الاحمر بتاع التابلو شكلو حلو جدا
مراية التعتيم مريحة جدا بالليل
والمفاجئة الكبيره الكنبة الخلفية واسعة جدا ومريحة جدا والدخول للكنبة الخلفية سهل لان الباب كبير والكرسى بيتقلب بطريقة ممتازه والسقف واطى شوية بس مبيخبطش فى الراس ولا حاجة
العربية بس ناشفة شوية عن السيدان تقدر تقول ناشفة حبتين حتى بعد ما غيرت من هوا لنيتروجين
العربية اوطى ا سم من السيدان بس الحمد لله ارحم من ال bmw اللى كانت مبتسبش مطب الا وتسلم علية
معرفش اقول ان العربية ملفتة جدا للنظر دا عيب ولا ميزة بس انا شخصيا بعتبرو عيب وهقولكم لية بعدين
على فكره انا رخصت العربية النهاردة وعملت اللى قولتلكم علية وخليت الراجل يكتبلى زجاج فامية فبريكة بالكمبيوتر مش بخط الايد وخد 650 جندى بس انا لسة مفيمتش وكنت عاوز مشورتكم فى شوية حاجات كدة
انا داخل على صيانة ال 1000 محتاج اشترى اية وبكام وهل ممكن اعمل الصيانة فى بنزينة محترمة
اعمل فامية فين بس يكون نوع ممتاز وضد الخدش وبعد التليين عاوزكم تقولولى افتح موتور العربية ازاى
على فكره العربية اتحكت وانا طالع من المروربعد ما استلمت النمر فى الباب اليمين الرفرف الخلفى بس الحمد لله انها جت على كدة واحدة ببيكانو هى اللى عملت كدة وفى الاخر قالتلى سورى يا زميل طبعا احنا فى رمضان مقدرتش اتكلم عرفتو لية بقول ان ممكن كونها ملفتة للنظر عيب مش ميزه ! — طبعا اكيد بتقولو عليا بغزى العين بس دا اللى حصل فعلا وانا ان شاء الله هرفع الصور دلوقت للعربية بما فى زالك الجنب اللى اتحك دة علشان تصدقونى ومعلش العربية بترابها لسة متغسلتش بس هغسلها فى الصيانة والصور مش حلوة علشان فى الجراج والجراج ديق اوى واوعدكم بصور احلى قريب معلش طولت عليكم بس اعزرونى فعلا اول مره اعمل تقرير واى سؤال انا تحت امركم
انا معايا لينكات الصور بس مش عارف انزلها فى الموضوع كلها ازاى ؟
يرجى تحرى الدقة عند كتابة لفظ الجلالة
___________
مشرف الساحة 4ا
الحمد لله انا استلمت الكوبية من 4 ايام وقولت اجرب كويس الاول علشان ارفع تقرير يكون شبة وافى وعلى فكره دى اول مره اكتب تقرير و اول مرة اركب كوبية هبدء بالاستلام
انا روحت المصرية وكنت حاجز الكوبية الليمونى وطبعا هما استغلو قلة وجود اللون ولو انة مش مطلوب اوى زى باقى الالوان بس هما بصراحة حاولو يبتزونى بس الحمد لله كان معايا واحد صاحبى عفريت عرف يلاعبهم كويس والمهم علشان مطولش عليكم استلمت ومدفعتش ال 2000 جنية اللى كانو عيزين يظبطونى فيهم بفضل الله اولا وزكاء صاحبى بس دا طبعا خنقهم منى لدرجة انهم قلبو العربية شالو وصلة الايبود ووصلة الaux والانتنا وغطاء السيارة بس على مين قلتلهم كل اللى اتشال لو مرجعش هرفع الامر للاداره وهبلغ بنك ال cib المهم اخدت الحاجات وقت اليمها شوية علشان لسة مخدتش البوليصة ولا رخصت واستلمت العربية وجربت كل حاجة السي دى واليو اس بى وكل شيى يتجرب جربتة وخدت العربية رفعتها علشان اشوف لو فى خبطة من تحت ولا حاجة والحمد للله كلة تمام
ومشيت شوية لقيت العربية ناشفة اوى وكانت بتحدف شوية شمال قلت اشيك على الكاوتش لقيت العجلتين اللى ورا 43 والى ادام 40 طبعا ظبطهم على 30 لقيت العربية ظبطت اوى والحدفة راحت وبقت ناعمة شوية وخدت العربية وروحت من طنطا للمزرعة عندى جنب ماستر على الصحراوى مسافة 105 ك وقلت بالمره اشوف الاستهلاك لقيتة عامل 10 لتر بالضبط لانى فولت فى طنطا ورجعت فولت فى ماستر فعمل معايا الاستهلاك دة معرفش هو كدة كويس ولا لا ؟ مع العلم ان التكييف شغال طول ما العربية دايرة
وتانى يوم جربت بقى العربية كويس واقول لكم عن انطباعاتى عنها فى اطار انى معدتش 130 سرعة و4 rpm
الثبات عالى وبيفرق عن السيدان فرق ملحوظ
ال esp حدث ولا حرج انا اتعمدت اوصل العربية ل 130 فى ملفات صعبة جدا وكانت النتيجة امتياز فى فرق كبير ياجماعة فعلا لازم تجربوه بنفسكم علشان متقولوش انى ببالغ والله انا بتكلم بمنتهى الحيادية
السحب ممتاز انا عملت وحدتين كيك داون كدة ع الماشى العربية بتتجنن وصوت الشكمان الديفل تحفة بيحسسك ان العربية متوحشة
اداء التكييف جيد جدا
نظام الصوت رائع مش محتاج اى اضافات
الخامات الداخلية على عكس ما الناس بتقول ممتازة جلد الكراسى والابواب فخم جدا اللون الاحمر بتاع التابلو شكلو حلو جدا
مراية التعتيم مريحة جدا بالليل
والمفاجئة الكبيره الكنبة الخلفية واسعة جدا ومريحة جدا والدخول للكنبة الخلفية سهل لان الباب كبير والكرسى بيتقلب بطريقة ممتازه والسقف واطى شوية بس مبيخبطش فى الراس ولا حاجة
العربية بس ناشفة شوية عن السيدان تقدر تقول ناشفة حبتين حتى بعد ما غيرت من هوا لنيتروجين
العربية اوطى ا سم من السيدان بس الحمد لله ارحم من ال bmw اللى كانت مبتسبش مطب الا وتسلم علية
معرفش اقول ان العربية ملفتة جدا للنظر دا عيب ولا ميزة بس انا شخصيا بعتبرو عيب وهقولكم لية بعدين
على فكره انا رخصت العربية النهاردة وعملت اللى قولتلكم علية وخليت الراجل يكتبلى زجاج فامية فبريكة بالكمبيوتر مش بخط الايد وخد 650 جندى بس انا لسة مفيمتش وكنت عاوز مشورتكم فى شوية حاجات كدة
انا داخل على صيانة ال 1000 محتاج اشترى اية وبكام وهل ممكن اعمل الصيانة فى بنزينة محترمة
اعمل فامية فين بس يكون نوع ممتاز وضد الخدش وبعد التليين عاوزكم تقولولى افتح موتور العربية ازاى
على فكره العربية اتحكت وانا طالع من المروربعد ما استلمت النمر فى الباب اليمين الرفرف الخلفى بس الحمد لله انها جت على كدة واحدة ببيكانو هى اللى عملت كدة وفى الاخر قالتلى سورى يا زميل طبعا احنا فى رمضان مقدرتش اتكلم عرفتو لية بقول ان ممكن كونها ملفتة للنظر عيب مش ميزه ! — طبعا اكيد بتقولو عليا بغزى العين بس دا اللى حصل فعلا وانا ان شاء الله هرفع الصور دلوقت للعربية بما فى زالك الجنب اللى اتحك دة علشان تصدقونى ومعلش العربية بترابها لسة متغسلتش بس هغسلها فى الصيانة والصور مش حلوة علشان فى الجراج والجراج ديق اوى واوعدكم بصور احلى قريب معلش طولت عليكم بس اعزرونى فعلا اول مره اعمل تقرير واى سؤال انا تحت امركم
انا معايا لينكات الصور بس مش عارف انزلها فى الموضوع كلها ازاى ؟
يرجى تحرى الدقة عند كتابة لفظ الجلالة
___________
مشرف الساحة 4ا
Comment