السيراتو وعدسات الزينون

[yasserelsayad]

انهارده رحت عند جو بتاع الاكسسوارات عشان اركب عدسات فى الفوانيس بتاعة السيراتو بس طبعا كنت اخذت معاد مسبق من استاذ محمد عثمان وعلى فكرة الراجل دا محترم جدا ومقابلته حلوة ومش بيزهق من كتر الاسئلة مش عارف للى اتقال قبل كدا عليه كان على اساس ايه ؟؟ على العموم رحت الصبح الساعة 1 الظهر عشان اركب لكن فى واحد هناك اسمه بونى قالى انه قلقان انه لو فتح الفانوس ممكن ميعرفش يقفله تانى ونصحنى اجيب فانوس صينى عشان اركب فيه العدسات احسن وفعلا اخد بنصيحته وروحت على الحرافيين عشان اشوف الفوانيس بس للاسف كان كل الموجود اصلى مفيش صينى لسه

وبعدين افتكرت واحد اسمه الفنجرى بتاع تعديل فوانيس وتلميع كنت شوفته هناك من سنة .. رحتله واتفقنا على اللى هيتعمل وان انه هيركبلى عدسات مرسيدس e-class موديل 2006 على ما اعتقد ويرش العاكس او القمرة يعنى والوش اسموك وعلى ان التكلفة تكون 800 جينه (ممكن حد يشوفهم كتير بس انا بصراحة سالت بره ولقيت ان العدسة الصينى من غير سموك تركيب بس بتعمل فوق الـ 1100 جنيه) وفك الفوانيس وابتدا الشغل الساعة 2 الظهر وبصراحة الناس اصحاب الفنجرى دا فى منتهى الود والاحترام ومقابلتهم للزبون ولا مقابلة القرايب وحسيت ان انا اعرفهم من زمان والله وانصح اى حد عايز يعمل حاجة فى الفوانيس عنده يروح عندهم .. المهم الفوانيس خلصت على بعد الفطار كدا واتركبوا وكله تمام ورحت عند جو تانى ركبت زينون 8000K ورجلشلى النور وكله بقى تمام

اسيبكم مع الصور بقى عشان طولت عليكم







ودى صورة للنور بتاع العدسات



ودى للنور بتاع العدسات والفوجات




معلش الصور مش واضحة كويس بس ان شاء الله بكره الصبح احاول اخذ صور احسن

شكر خاص للفنجرى وجو والعاملين بهم وكريم كرم صحبى اللى سحلته معايا من 10 الصبح لـ 1 ونص بليل :)

[ashouhdy]

بسم الله ماشاء الله بجد تحفة وشكلها نضيف جدا

بس انت المفروض تركب زينون 4300 عشان تبقى فابريقة ع ابوها و نورة احلى كتيير من ال8000 والف مبروك مرة تانية

[yasserelsayad]

الله يبارك فيك يا باشا
انا كنت عايز اركب 6000k بس انا عندى الفوجات 8000k فاقولت عشان يكونوا زى بعض يعنى

[Deshahcoka]

باشا ايه الشغل العالي ده ما شاء الله :) ربنا يحفظهالك و يباركلك فيها و يحميهاااا من كل عين بتودي في داهية :)

تصدق عجباني الفكرة بس مش عارف انا خايف الواحد يجري وراها و في الاخر عين تيت تجيب اجلهم بدري :)

بسس قلي هما فارقين في قوة النور ولا ايه ؟ يعني بتفرش اكتر و بتحس انه في تطور ولا شكل و خلاص ؟

الف مبروك يا باشا :) عقبال ال e class ذات نفسها :) و علشان يبقا في فجات ليدات علشان متكونش مزعل نفسك خالص :)

[ashouhdy]

ال 4300 هو اللى فى صورة توقيعى
بس بجد قلبك جامد اوى :))))) وفعلا ربنا يباركلك فيها بسم الله ماشاء الله عقبال بقى الفانوس الخلفى الليد ;-))))))

[waleedelpiloot]

ايوة بااااااااة يا ياسر ورينا الشغل التماممم بسم الله ما شاء الله شكلهم تحفة بجد
قولنا كدة الوضوع كلة اتكلف كام ؟؟

[yasserelsayad]

باشا ايه الشغل العالي ده ما شاء الله :) ربنا يحفظهالك و يباركلك فيها و يحميهاااا من كل عين بتودي في داهية :)

تصدق عجباني الفكرة بس مش عارف انا خايف الواحد يجري وراها و في الاخر عين تيت تجيب اجلهم بدري :)

بسس قلي هما فارقين في قوة النور ولا ايه ؟ يعني بتفرش اكتر و بتحس انه في تطور ولا شكل و خلاص ؟

الف مبروك يا باشا :) عقبال ال e class ذات نفسها :) و علشان يبقا في فجات ليدات علشان متكونش مزعل نفسك خالص :)

احسن حاجة فى النور انه مش بيعمى اى حد من الناس اللى مشين قدامك زى بتاع الاصلى اللى بينزل فبريكة .. يعنى انا ماشى منوره فى الحرافيين وروحت شارع عبد العزيز ومشيت فى وسط البلد ومفيش حد قلبلى نور عشان اطفى الزينون .. دا انا حتى وقفت كذا مرة قدام ظباط فى الاشارات هناك فى وسط البلد وسألت بعض منهم على الطريق ومحدش اتكلم على الزينون خالص

[yasserelsayad]

ال 4300 هو اللى فى صورة توقيعى
بس بجد قلبك جامد اوى :))))) وفعلا ربنا يباركلك فيها بسم الله ماشاء الله عقبال بقى الفانوس الخلفى الليد ;-))))))

حلوة اوى درجة الاضاءة دى بس للاسف صعب تلاقيها ولو لقيتها تلاقيهم رفعين السعر اوى

[yasserelsayad]

ايوة بااااااااة يا ياسر ورينا الشغل التماممم بسم الله ما شاء الله شكلهم تحفة بجد
قولنا كدة الوضوع كلة اتكلف كام ؟؟

الموضوع اتكلف
800 العدسات والاسموك والتركيب
325 زينون 8000k h7

يعنى 1125 جنيه ... كتير مش كدا :)

[ashouhdy]

حلوة اوى درجة الاضاءة دى بس للاسف صعب تلاقيها ولو لقيتها تلاقيهم رفعين السعر اوى

ياباشا دول من عند جو نفسة ههههههههه اللمبة ب 120 جنية ال h4 و ال h7 صاحبى شارى الوحدة ب 100 جنية

[ahmed_su]

الله ينور يا باشا

الف مبروك

[engahmedsamy]

............................

استخدام الأحرف الانجليزية في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

4:29am 3/9/2010
المشرف العام 5

[Mshawky]

مبرو ك يا ياسر

بس انا شايفك دفعت كتير وقلبك جامد اوى فى فك وتركيب وعندك صبر للكلام ده كله

طبعا هى ازاواق بس انا شايف الفابريكا كان شكله اشيك بكتير بالاخص وهو ماشى مع سحبة الفانوس كده

[Amr A.salam]

ألف مبروك يا ياسر يابو قلب ميت :)

هي بتفرق في شدة الاضاءة على الارض ؟؟؟.....
يعني فعلاً بتركز الاضاءة في حتة واحدة والضوء مش بيتشتت ؟؟؟

[waleedelpiloot]

الموضوع اتكلف
800 العدسات والاسموك والتركيب
325 زينون 8000k h7

يعنى 1125 جنيه ... كتير مش كدا :)

لا مش كتير خالص على فكرة واحسبها لو جبت الفانوس دة كدة من برة هيعملوا 2000 2500 لفنوس الواحد