محتاج نصيحتكم الله يباركلكم يارب

[abdallahyassin]

كل سنه وانتم طيبين يا اجدع رجاله ... رجاله كيا طبعا

دلوقتى انا ان شاءالله ناوى من زمان على السيراتو وحاليا ماشى فى الشراء ان شاءاالله
بس لعبت فى دماغى الياريس

فهل فعلا احول واروح على الياريس ولا السيراتو اجمد ؟؟
انا مركبتش الاتنين قبل كده
بس السيراتو شادانى اوى

ومش عارف اختار الصراحه

اصل برده التويوتا اليابانى ليها شده تانيه ولا ايه رايكم؟؟؟

[power]

اجر الاتنين وقرر بعدها

[ALSHARIEF]

مع إحترامى الشديد جدا للتويوتا بشكل عام و لإصحاب التويوتا بشكل خاص إللى أنا واحد منهم بس بلاش الياريس خاااااالص .

عربية ماتنفعش شاب عايز يجرى و يعمل و يسوى بيها ممكن تنفع راجل كبير تكون بالنسبة ليه وسيلة تنقل بهدوء و براحة و من غير عافية ........... ممكن حضرتك تشوف أى حاجة تانية من التويوتا بس من رأيى المتواضع جدا بلاش ياريس و مش تحيز للسيراتو و لا حاجة بس دا رأيى ........... أما بالنسبة للأسباب الغير معلنة منى فسوف يتم إعلانها مؤخرا ...........

ياريت محدش من حبايبنا التويوتاوية يزعل و ياخد الموضوع بمحمل الجد ده وجهات نظر ممكن تنناقش فيها و ممكن تكون وجهة نظرى أنا إللى غلط .

تقبل مرورى .............

[M.ABDEEN]

مقارنة غريبة!!!!!! محسومة للسيراتو يا باشا

[Amr A.salam]

السعر لصالح الياريس
قوة الموتور لصالح السيراتو
استهلاك البنزين لصالح الياريس
الثبات لصالح السيراتو
راحة القيادة لصالح الياريس
الأوبشنز لصالح السيراتو

بشكل عام ......السيراتو أفضل قيمة في مقابل السعر من الياريس بمراحل

[kamalsalem]

انت بتقارن عربيتين كل واحدة فيهم معمولة لغرض وكل واحدة ناجحة جداً في اللي اتعملتله ف ممكن تحتار كتير لو انت مش عارف انت عايز ايه من العربية اللي هتشتريها

[night_phoenix]

انت بتقارن عربيتين كل واحدة فيهم معمولة لغرض وكل واحدة ناجحة جداً في اللي اتعملتله ف ممكن تحتار كتير لو انت مش عارف انت عايز ايه من العربية اللي هتشتريها

ممكن توضح اكتر؟
عشان عايز اعرف عيوب يارس عشان انا كنت بفكر فيها قبل ما اشوف حب عمري و حياتي الوحيد سيراتو

[AnAcOnDa_0054]

ياريس ايه دا كفايه العداد اللي في النص ده

لا طبعا السيراتو تكسب في كل حاجه

[kamalsalem]

انا مش بقول انه الياريس فيها عيوب بس خد بالك انه ده الentry level بتاع التويوتا والسيراتو تعتبر فئة اعلى بالنسبة للكوري السيدان

يعني لو بتقارن فئة بفئة يبقى تقارن السيراتو بالكورولا وده اللي بيتم بره لو بصيت على مواقع مقارنات السيارات الغير مصريه

نفس الفئة فيها الاسترا-الكروز-السيراتو-الكرولا-السيفيك انما الياريس دي فئة اقل

[night_phoenix]

انا مش بقول انه الياريس فيها عيوب بس خد بالك انه ده الentry level بتاع التويوتا والسيراتو تعتبر فئة اعلى بالنسبة للكوري السيدان

يعني لو بتقارن فئة بفئة يبقى تقارن السيراتو بالكورولا وده اللي بيتم بره لو بصيت على مواقع مقارنات السيارات الغير مصريه

نفس الفئة فيها الاسترا-الكروز-السيراتو-الكرولا-السيفيك انما الياريس دي فئة اقل

وصل يا باشا وشكرا

[yasso0101]

انا مش بقول انه الياريس فيها عيوب بس خد بالك انه ده الentry level بتاع التويوتا والسيراتو تعتبر فئة اعلى بالنسبة للكوري السيدان

يعني لو بتقارن فئة بفئة يبقى تقارن السيراتو بالكورولا وده اللي بيتم بره لو بصيت على مواقع مقارنات السيارات الغير مصريه

نفس الفئة فيها الاسترا-الكروز-السيراتو-الكرولا-السيفيك انما الياريس دي فئة اقل

الكلام ده مظبوط السيراتو فئه اعلى من اليارس ( السيراتوا يكسب )

ولو هتقارن السيراتوا قارنها بي كورولا وقتها تنفع المقارنه

[abdallahyassin]

شكرا يا جماعه جزاكم الله خيرا

انا اسف على التاخير
ان شاء الله سيراتو بعد كل الكلام الجميل ده
وربنا يسهل يارب فيها