تزييق كاوتش باب السيراتو

[wolverine1987]

السلام عليكم..

انا عندش مشكله و هي اني بسمع صوت تزييق خفيف بس مقرف عند غلق الزجاج (الامامي) غلقا تاما لما العربيه تمشي فوق مدقات او اي انحناءات في الطريق. مش عارف احدد الصوت ده خارج من فريم الجلد بتاع الزجاج ولا من ايه بالظبط. علما اني لاحظت ان الصوت يختفي تماما لما الزجاج الامامي يكون مفتوح.

حد عنده الموضوع ده؟

ياريت حد يفيدني و جزاكم الله كل خير ..

[AnAcOnDa_0054]

انا عندي نفس المشكله في الباب الشمال هي

وملهاش حل ريح نفسك

لان الالنترا نفس المشكله لقتها فيها

بس معرفش السبب ايه

[wolverine1987]

هو اكيد ليها حل اصل انا ركبت عربيه واحد صديق ليها مسمعتش الصوت ده عنده لما كنا قافلين الزجاج تماما...

حد يا جماعه عنده المشكله دي ياريت الليعنده حل للموضوع ده يفيدنا ارجوكم :)

[NoRmAl]

طيب هو أكيد بيختفى لما تفتح الازاز علشان الدوشه
بس هل تحس أنه جى من الكرسى ولا من الباب ولا من العفشه؟

[wolverine1987]

بحس انه جي من الباب يا نورمال و بحس ان صوت تزييق كاوتش ..

[NoRmAl]

طيب أفتح الباب وأتأكد أن الكاوتش كله فى مكانه
ومتقلقش على أى حال هما فى التوكيل بيحلوا كل مشاكل التزييق دى

[ahmed_mido1889]

انا كان عندي تزييق في العربيه اللانوس كان من الكاوتش بتاع الباب
الحل اللي عملته اني سخنت ميه دلقت منها علي قماشه ومشيت بيها علي كاوتش الباب وهكذا لحد لما الكاوتش ريح
وصوت التزييق راح واللي يجرب وتنفع معاه يدعيلي

[rocky1585]

ايوة ايوة بيحصل عندي

انا كمان بيحصل عندي في السيراتو صوت مستفزززززززززززززززززز بيبان قوي مع قفل الشبابيك كلها
يارب يبقى في حل

[م. عمرو شرف]

أكيد الوكيل حيقولك خلى صوت الكاسيت عالى

[bondokk]

متابع ++++
وهاجرب الميه السخنه :)

[NoRmAl]

أكيد الوكيل حيقولك خلى صوت الكاسيت عالى

لسه سامع الكلمه دى النهارده فى التوكيل بس بلاش أقول من مين :))

[wolverine1987]

و انا برده هجرب موضوع الميه السخنه ده لعل و عسى !! :)

[wolverine1987]

طيب يا ahmed_mido1889 امشي القماشه المبلوله ميه سخنه على الكاوتش الخارجي بتاع الباب ولا الجزء بتاع فريم الزجاج؟

[zezo_22]

أنا بردو كان عندي الصوت دا:(

[ahmed_mido1889]

طيب يا ahmed_mido1889 امشي القماشه المبلوله ميه سخنه على الكاوتش الخارجي بتاع الباب ولا الجزء بتاع فريم الزجاج؟

انا لما عملته مشيته علي كل جلد الباب
اللي في الباب واللي في القايم و فريم الازاز
علشان كان صوت تزييق لا يطاق وكنت ناوي اغير الكوتش كله
بس لاقيت الحكايه دي صنايعي قالي عليها وفعلا جابت نتيجه كويسه جدا الكاوتش كله ريح تاني و مبقاش فيه تزييق
بس حاول تكون القماشه مبلوله يعني مش تبقي منديه