حصريا : توكيل كيا يضمن السيارات الخليجى

[م. عمرو شرف]

فكر الوكيل عامل زى فكر الميكانيكى اللى شغال لوحده وعنده عشر عربيات تتصلح
لو روحتلوا بعريتك علشان تتصلح مش هيقولك مش فاضى , هياخدها منك ويلطعها فى الدور ولما تشتكى يقلبهالك وتاخدها منه ولما تحصل المشكله تانى مش هتروح لواحد تانى برضه حتروحله وهكذا لغاية ما يفضى ويشتغل فيها بمزاج
يعنى هو عارف أنك كده كده حتفضل وراه لأنك دفعت فلوس فى الأول
يعنى لم فلوس
قدام كيا كوريا بأعمل صيانه لعربياتكم
قدام الرأى العام عمل دعايه مش بس ببلاش لأ خد عليها فلوس كمان
المحصله : خدمه سيئه للكل
ده رأئى أنا

[John_Samy_1]

بس اعتقد الموضوع ده صعب جدا. الوكيل بيضمن عربياته عشان عارف وهي داخلة إنه تم الكشف عليها وهو بيبيع ل العميل العربية زي ماهي كده. انما في الخليجي أنا إيه يضمنلي كوكيل إن العربية مش جية بايظة بسبب سوء تخذين أو نقل أو تبديل قطعة معيوبة من جانب الوكيل الخليجي أو المعرض أو المستورد. العربية الخليجي مينفعش يضمنها إلا لو هو اللي استوردها ويكون مسئول عنها وهو بيستلم من الشركة.
وطبعا ده هيخلي الموضوع صعب جدا بالنسبة للعربيات الخليجي اللي عدادها عامل كيلو كتير.
نفس فكرة التأمين علي عربية زيرو أو عربية ماشية.

[M7amD_7amDy]

إذا كان فى الوقت الحالى ( مرتاح من بتوع الخليجى ) و بيستهبل ومعذب الناس بتوعه اللى من لحمه ودمه ( طبعا مش كله بس فى أغلبية بتشتكى )

عايز تقولى انه هيقدملى خدمة كويسة لما أدفعله 5 بواكى؟؟؟

وكمان ايه ده انا مش 10 عربيات ولا 20 ولا حتى 100 لآلآ

ده البلد كلها خليجى وحوش ياحواش

عن نفسى هقول لآ برده وفلوسى فى جيبى وأعمل اللى أنا عايزه فى الحتة اللى تعجبنى

انسسسسسسسسسسسسى ياتوكيل قصدى ياعمرو

[ابو ليلى]

من خلال خبراتى مع مراكز الخدمة فى مرة قبلت مدير مبيعات لشركة ضمان خليجى معروفة واتكلمنا .....قلته انا نفسى اعرف انتو بتكسبو من الموضوع ده ازاى رد عليا رد افحمنى الصراحه .
قلى انا فى الشهر بأمن مثلا على عربية زى السيراتو حوالى 1500 عربية فى متوسط مثلا 2000ج يعنى المجموع 300000 ج طيب فى ال 1500 عربية دول ممكن يطلع منهم قد ايه عيب صناعه ..؟ قول مثلا 100عربية طيب ايه هى اللى ممكن يكون عيب صناعه فى العربية قالى اكتر العيوب اللى بتجيى من السيراتو علبه الدريكسون ودى بحوالى 1500ج وشويه حاجات فى الكهرباء ( دراع اشارة - فيوز يضرب - كلاكس - دراع الباب لفتحه السقف ) وصعب جدا تلاقى حاجه فى الميكانيكا
نقول دول هيتكلفو مثلا كام 100000ج يبقى انا كسبان حوالى 200000ج يبقى يابلاش ......ونهار ما تحصل حاجه كبيرة فى العربية زى مثلا تجيب فتيس وده نادر لما بيحصل الموضوع مش هيكون مكلف ....ده فكر الضمان الخليجى ده غير طبعا لو حاجه بسيطة بتكون مستعمل مش اصلى .
علشان كده بيتعاقدو مع مراكز خدمة ويجبرك تعمل صيانتك هناك لان مركز الصيانة مسؤل عن تصليح العربية قدام شركة الضمان باى وسيلة .

طيب نيجى بقى نقلب الايه ونقول الوكيل هيستفاد ايه ... هو عنده مراكز الخدمة ومعه سر اللعبة من اولها لاخرها لو امن على 10000 عربية يعنى فى 5000ج يعنى خمسون مليون جنيه تفتكرو هيكسب صافى ربح كام...؟
تفتكرو بالمبلغ ده مش هيخليه يفتح مراكز خدمة تانى ويوسع نشاطه ويبقى قدام الشركة الام وكيل محترم جدا .....مبيعات العربيات اللى بتحمل علامة كيا مش هتزيد اكتر فى مصر .....هو دلوقتى حقق المبيعات اللى عمر الشركة الام ما كانت تحلم بيها فى مصر وخلاص السيراتو والكارينز والسول اللى هما فى الاصل مواتير 1600 سى سى اللى بيكسب فيهم ومش هيقدر يكسب فى عربيات زى كادينزا او غيره من المواتير ال 2000سى سى لان سعرها بيكون عالى جدا فى مصر بسبب الجمارك اللى عليها .

طيب بالنسبة للناس اللى بتبيع خليجى هو قدر يعمل معاهم حاجه او يقلل من مبيعاتهم ابدا ولا هيقدر
يبقى يشارك معاهم فى التورته اللى هى مبيعات الخليجى ويكسب ال 5000ج بالاضافة الى مصاريف الصيانة ومكسبه فى قطع الغيار.

نيجى بقى لحاجه تانية واكيد هو فكر فيها هو مش ممكن مثلا مثلا يعنى الدولة من بكرة تصدر قانون وتعلى الجمارك على العربيات اللى بتستورد من الخليج وبكده يساوى السعر معاهم ويجبر الناس انها تشترى من الوكيل لان سعره وقتها هيكون اقل لانه مش هيدفع ال 5000ج قيمة الضمان .

الناس دى بتفكر واكيد لما بتفكر بيكون المقام الاول هو المكسب يجيى منين وانا شايف انه تفكير صح .

دى وجه نظرى ممكن تكون صح او غلط .

[magdy1963]

ياأخوانا دى اشتغالة جديدة علشان يلمو فلوس هما لما لقو اشتغالة 4000 ما مشيتش فكرو فى حيلة جديدةعلشان يلمو قرشين هما ملاحقين على عربياتهم لما هايدخلو الخليجى الله الغنى عنهم وربنا ما يحوجناش ليهم

[yasso0101]

انا شايف ان ده هيخليني اشترى الخليجي وانا مطمن لاة الوكيل هو اللي هيضمنها على الاقل الوكيل هيخاف من الشكوى لشركة كيا الام لكن مع احترامي للمراكز هشتكيه لمين يا ترى ولو فيه مشكله كبيره مش التوكيل هيتصل بالشركه الام وهيعرف السبب لكن المراكز هتفتي ....

[alzwawy]

اعتبارا من الشهر القادم سوف يضمن ويصون توكيل كيا فى مصر السيارات الخليجى ضد عيوب الصناعة وذلك مقابل :

مبلغ5000 ج لمدة 3 سنوات او 60000 ك

يعنى كل الل هيشترى خليجى من الشهر الجى ممكن يشترى شهادة ضمان وصيانة من التوكيل .

مش متاكد اذا كان القرار على السيارات الحديثة وقت الشراء ام موديلات قديمة عموما

طيب يعني مش هيتطبق علينا ولا ايه.

المصدر / مدير خدمة العملاء بالتوكيل

اسئلة للنقاش

1 - هل هذا فى صالح العميل او الوكيل ؟

في صالحنا جدا و في صالحهم اكتر 100000 مره

2 - خطوة كهذه هل ستؤثر على مبيعات كيا الخليجى فى مصر ؟

هتزود المبيعات جدا الي للخليجي

3 - لو القرار اتطبق على اصحاب كيا خليجى القدام هل ستدفع المبلغ وتضمن وتصون السيارة فى التوكيل ؟

مدام ضمان و صيانه اه ممكن جدا

[Hosam_Optrawy]

انا من المؤيدين للقرار

لما اروح اشترى الخليجى بالمواصفات اللى تعجبنى اللى هاتبقى تقريبا زى الهاى لاين ب 115 مثلا

وادفع 5000 عشان يبقى معايا ضمان واعمل صيانه فى التوكيل يبقى الاجمالى 120

كدا انا كسبت 3 حاجات

اشتريت المواصفات اللى تعجبنى وهاعمل صيانه فى التوكيل و معايا ضمان 3 سنين وكمان وفرت فلوس

[Ahmed Samy]

الوكيل بحاله دلوقتي

ما يشجعش الحقيقة

انا لو هاجيب عربية جديدة... هاعملها

انما بعد ماعربيتي راحت لتكنو وان و عيسى وغيرهم

مش داااااااافع

بس تقريبا التوكيل رفد حد مهم في التسويق ....لأنهم بدأوا يفكروا على الطريق الصحيح

لو يرفدولهم جوز من بتوع المبيعات كمان

هاتزه زه وتبقى فل بعون الله

[Hosam_Optrawy]

فى سؤال مهم نسيت اسأله

اسعار الصيانه والمصنعيه وقطع الغيار هاتبقى اغلى من الوكيل برضه زى الاول ؟؟؟

[HOSSAM99]

هو الكسبان

[M.ABDEEN]

هما قادرين على الموجود واللي تبعهم علشان يضمن الخليجي ولا يالا زيادة الخير خيرين مدام الزبون هيدفع

[Atrees]

الوكيل لن ينفذ الاقتراح دة بالمنظر دة


ممكن يكون بيفكر يدخل الخليجي بس مظنش ب 5000 جنية - اذا كان 4000 جنية صيانة بس - يزود الف ويعمللها ضمان ؟؟؟؟؟؟؟


انا شايف ان في ضغط من كوريا بخصوصو الموضوع دة لكن الوكيل مش حيسيب اللقمة الطرية دي تروح من ايده


حيرفع تكاليف الضمان والصيانة او يحط قيود علي الاشتراك

عموما - اللي دفع في الخليجي مبلغ - حيدفع زيادة وياخخد ضمان مفيهاش حاجة


كان من الاول بقي راح جاب الوكيل :)



انا مش شايف ضرر لعربيات الوكيل - كدة كدة ليها الاولوية عنده - واحتمال كمان الخليجي ياخد حجز بعد الوكيل في الايام - وممكن يتخصصلة فرع خدمه مثلا

ربنا يبارك لكل ملاك الكيا - احنا عيلة واحدة ويهمنا المصلحة لينا كلنا

[م. حاتم السباعي]

انا بصراحة لو مكان الادارة في الوكيل مش هلاقي احسن من كده
استطلاع رأي واستبيان وكمان اقتراحات وابو ليلي وصل المبلغ ل50 مليون جنية وفتح لهم كمان كام فرع جداد
طبعا الوكيل مستفيد جدا جدا جدا لانه ساب الناس اللي اشترت الخليجي تجرب البهدلة في مراكز متفرقة لا اقول انها مراكز ((سكند هاند)) او تحت السلم انما هي مراكز متفرقة لا يجمعها شئ مشترك ولا يوجد بينهم وبين الوكيل اي اتصال او تنسيق واذا صادف عميل مهندس شاطر في مركز منهم يجد الاخر عشرة لا يفقهون شئ في السيارة وعك عك وكله تمام
يعني من الاخر زي دكتور احمد سامي مقال همه شكلهم جددوا الفكر وشغلوا الفهامة وده لا يحدث في مصر الا بعد ابعاد صاحب القرار من مكانه لانه لا توجد مرونة في تغيير الافكار عموما انتوا المفروض تاخدو بونص علشان لفتم نظرهم لهذه الافكار المتجددة دائما وانا من هذا المجلس اعطيكم عشر نجمات ومن هنا ورايح هتبقوا صناع القرار في التوكيل عندي ان شاء الله بس مش عاوز مشاكل اخر السنة المالية ساعة توزيع الارباح كل عام وانتم بخير

م.حاتم السباعي

[ghazy12]

اعتبارا من الشهر القادم سوف يضمن ويصون توكيل كيا فى مصر السيارات الخليجى ضد عيوب الصناعة وذلك مقابل :

مبلغ5000 ج لمدة 3 سنوات او 60000 ك

يعنى كل الل هيشترى خليجى من الشهر الجى ممكن يشترى شهادة ضمان وصيانة من التوكيل .

مش متاكد اذا كان القرار على السيارات الحديثة وقت الشراء ام موديلات قديمة عموما

المصدر / مدير خدمة العملاء بالتوكيل

اسئلة للنقاش

1 - هل هذا فى صالح العميل او الوكيل ؟

2 - خطوة كهذه هل ستؤثر على مبيعات كيا الخليجى فى مصر ؟

3 - لو القرار اتطبق على اصحاب كيا خليجى القدام هل ستدفع المبلغ وتضمن وتصون السيارة فى التوكيل ؟

استاااااذ يا ابوليلى والله... فعلا الكلام ده

و رداً على اسئلتك يا باشا من وجهة نظري...

1- طبعاً ده في صالح العميل (عميل الخليجي), و في صالح التوكيل 500% بكل المقاييس...

لكن السؤال الاهم في رأي...
(هل التوكيل هيقدر يسد..؟؟ هل المستوى هيقل اكتر (لانه بالفعل قل عن الأول)..؟؟؟
هل التوكيل يملك الامكانيات, و مراكز الخدمه, و العماله, اللي تتحمل كل الضغط ده..؟؟؟)

ده لما السيراتو انتشرت, و التوكيل كان شغال على عربياته فقط بشكل رئيسي, ماكانوش قادرين يسيطروا على الموضوع, و بدأت الكروته, و الشغل أي كلام, و كانوا مش قد الانتشار و الضغط ده..!!

2- طبعاً هتأثر, و تأثير كبييير اكيد, لانك و ببساطه تقدر تاخد كل حاجه دلوقتي, و دي المعادله
اللي كانت صعبه شويه... تاخد كماليات اكتر, بنفس السعر, و ضمان من الوكيل...

اي حد كان بيقلق من الخليجي, هيتجه ليه, و سوق الخليجي هينتعش جداا, و هتبقى فيه منافسه في الكماليات
بس المهم بقى, تجار الخليجي مايستهبلوش و يزودوا السعر, او يقللوا الكماليات, او يطمعوا عموماً..!!

3- لو معايا خليجي, و لسه جايبها جديد, بصراحه هدفع و هدخل العربيه الضمان فوراً...

لكن لو جايبها بقالي سنه مثلا, و العربيه تمام, و مستقر مع مركز خدمه محترم و مريح,
ماعتقدش اني هفكر في الموضوع ده, لانه مش هيبقى صفقه رابحه في نظري... هي هي

ده رأي بشكل عام, و شكراا جزيلاً على الموضوع الرائع يا ابوليلى, و ده العادي منك يا باشا

تقبل تحياتي...