الى ملاك النيو سيراتو سؤال واتمنى الأجابه بكل موضوعيه ؟

[M.Mostafa80]

مش عارف اقولكم ايه يارجاله
الف شكر ليكم
عمتا انا بردو الميل كلو للسيراتو
وهصلى استخاره اكثر من مره
وربنا الموفق
على فكره ياغازى ببيع واغير لأن التانى جاى فى السكه فا بلحق نفسى قبل ما يسيطرو عليا الأثنين وبصراحه البولو كتر خيرها قضت معايا فتره كبيره وحلوه بس أصبحت لا تناسب احتياجاتى وفى نفس الوقت وضعى الوظيفى والأجتماعى

[M.Mostafa80]

محمد بيه عيد سعيد عليك
انا اخوك حسام كنت معاك في قسم الفولكس فاكرني
موضوع رجه الموتور ده مش عتدي
بس العربيه من حيث الثبات والسحب زي الفل
والصيانه وقطع الغيار تمام
صلي استخاره وربنا يوفقك للي فيه الخير

أزيك ياحسام هى الرجاله كلها هنا ولا ايه لا خلاص انا أجيب بعضى وأجى بقى
هنعمل أيه ما فولكس أقل سعر لأقل عربيه لا تصلح لحالتى الأجتماعيه هى البولو 2010 ونازله منفضنها من كل حاجه وفقيره جدا و ب 130 ألف

[memo823000]

ربنا يوفقك ويعينك على الاختيار الافضل
طبعا مقدرش أزود كلام على الى أتقال
لكن أسمع بس أن الكروز بعض قطع غيرها غير متوافره فى التوكيل
وإن عربيات كروز كتير واقفه عند منصور مستنيه قطع غيرها توصل
لكن لو حد معاه كروز يقدر يأكدلك دا بأمانه من عدمه
كمان كنا بنسمع عن مشاكل فى الكروز المانيوال
فلو هترسى على الكروز خليك فى الاوتوماتيك
طبعا بدون جدال الكروز أجمل من السيراتو خارجيا وداخليا
لكن السيراتو ليها سحرها بردو مش عارف ليه :)
بخصوص الرجه أنا سمعت أنها عند بعض الناس
لكن فى الحقيقه محصلتش معايا
وكان فى عضو هنا معانا عنده الرجه دى لكن عند تشغيل التكييف وتقريبا أتحلت فى التوكيل
صلى صلاه أستخاره وأسأل ربا يهديك للأصلح ليك
ربنا معاك

[M.Mostafa80]

محمد باشا مصطفى كبير الفولكسويه في قسم كيا...

منور القسم يا ابوحميد, و واحشني والله...

هي خلاص... البولو رفضت كل المحاولات اللي عملتها معاها؟؟؟

ربنا يرزقك بالافضل, و اللي فيه الخير ليك ان شاء الله..

شوف يا باشا... بما اني Ex-New Cerato و مالك حالي لسيراتو 2005

هقولك اللي يرضي ضميري, و رأي بكل حياديه...

السيراتو فعلا عربيه كويسه, و انا شخصيا مازلت بحبها جداا
لكن عتبي عليها هو نظام التعليق الخلفي زي ما قلنا كتيير قبل كده...

الكروز افضل في الجزء ده من وجهة نظري...

شكل بره و جوه (اذواق), لكن الاثنين قمه في الشياكه و الجمال

بس اداء, و قوة موتور و صاج, و كماليات, و سعر.... كل ده في صالح السيراتو

الكروز تتميز بجيربوكس افضل (6 سرعات) و ده و زي ما انت عارف
راحه للموتور, صوت اهدى, اهتزازات اقل, استهلاك اقل نسبياً للبنزين,
كمان افضل من ناحية جودة الخامات الداخليه, و اللي عالجوها شويه في السيراتو
في الموديلات الجديده اللي بعد الدفعات الاولى اللي انا استلمت منها في 2009

موضوع الرعشه ده بردو ماكانش عندي اطلاقاً, لكن اهتزازات الموتور
عموماً في السيراتو محسوسه شويه جوه العربيه بس بشكل عادي
مش رخم او مزعج للي راكب, او يوصل لحد انها تكون مشكله او عيب فيها...

ده رأي عموماً في العربيه و بكل حياديه... و دي اوجه الفرق بينها و بين الكروز,
و بصراحه شايف ان سعر الكروز مبالغ فيه جدااا, و مستفز جدااااا بردو

يا رب اكون قدرت افيدك, و ربنا يوفقك للخير يا باشا...
و اتمنى تكون فرد جديد من افراد عائلة كيا عن قريب ;-))

تقبل خــــالص تحيــــاتي...

أخجلت تواضعنا ياغازى باشا
والمكان منور بأصحابه طبعا
بس مقولتليش انك حاليا معاك السيراتو 2005
والله يامحمد انا أختارتها بالرغم من أعتراضى على بعض الحاجات فيها بس لو فكرنا بعقل شويا وبصيت لوضع السوق ووضعى الأجتماعى حاليا مش هلاقى افضل منها كماليات وسعر وانتشار
وخصوصا ان خلاص زمن الجرى والشقاوه والغرزوالشد المفروض ينتهى بقى هبقى اب وللمره التانيه عجزنا بقى

[mohamedaghali]

مبروك ياباشا على المولود الجاى وربنا يباركلك فيه
بص انا هاحاول افيدك شويه بما انى ركيب بولو قديم (8 سنين و اكتر عربيه ارتبطت بيها فى حياتى) وراكب حاليا اوبترا و سيراتو ولما جيت اجيب السيراتو وقعت فى حيرتك ديه خصوصا ان توكيل الكروز بيحاول يقنع الناس انها عربيه تانيه غير الاوبترا علشان يحلل فرق الفلوس (الاوبترا ب 92000 و الكروز اللى زيها الفاضيه ماعدا الفتيس الستيب ترونيك ب 120000) و الموتور واحد و طبعا فرق الشكل و القعده و ده ما يستاهلش ال30000 الفرق. فلو كده توفير الفلوس افضل و خلينا فىالاوبترا لو بنتكلم عن ام 120000(انا بقوللك انا حسبتها ازاى).
نيجى للهاى لاين ام فرش جلد دى ب 150000 وده طبعا قمه التهريج لانها اغلى من السيراتو الهاى لاين بصمه وفرش جاد ب 30000 و بصراحه كانت الكروز الهاى محتاجه جنط 17 مش ال 16 اللى فيها لانه شكله مش حلو اوى و كمان السيراتو تكسب بالوبشنز اللى فيها
بس هو فى نقطه الشكل الخارجى انه جامد اوى بالنسبه للكروز بس برده السيراتو جامده
فى نقطه اهم بالنسبه لينا كلنا و هى سعر اعاده البيع, لو بسيت على الكروز هتلاقى ام 150000 بطلب فيها 125000 وهى عامله 3000 او 5000 اما السيراتو ام 120000 بيطلب فيها 112000 غير انه مافيش تقريبا سيراتو مستعمل غير قليل قوى

انا على اساس الحاجات دى كله اخدت قرار السيراتو و احب اطمنك مش هتندم على السيراتو و هتعجبك ان شاء الله اتمنى اكون افادتك فى حاجه و كل سنه وانتم طيبين

[mido]

مبروك ياباشا على المولود الجاى وربنا يباركلك فيه
بص انا هاحاول افيدك شويه بما انى ركيب بولو قديم (8 سنين و اكتر عربيه ارتبطت بيها فى حياتى) وراكب حاليا اوبترا و سيراتو ولما جيت اجيب السيراتو وقعت فى حيرتك ديه خصوصا ان توكيل الكروز بيحاول يقنع الناس انها عربيه تانيه غير الاوبترا علشان يحلل فرق الفلوس (الاوبترا ب 92000 و الكروز اللى زيها الفاضيه ماعدا الفتيس الستيب ترونيك ب 120000) و الموتور واحد و طبعا فرق الشكل و القعده و ده ما يستاهلش ال30000 الفرق. فلو كده توفير الفلوس افضل و خلينا فىالاوبترا لو بنتكلم عن ام 120000(انا بقوللك انا حسبتها ازاى).
نيجى للهاى لاين ام فرش جلد دى ب 150000 وده طبعا قمه التهريج لانها اغلى من السيراتو الهاى لاين بصمه وفرش جاد ب 30000 و بصراحه كانت الكروز الهاى محتاجه جنط 17 مش ال 16 اللى فيها لانه شكله مش حلو اوى و كمان السيراتو تكسب بالوبشنز اللى فيها
بس هو فى نقطه الشكل الخارجى انه جامد اوى بالنسبه للكروز بس برده السيراتو جامده
فى نقطه اهم بالنسبه لينا كلنا و هى سعر اعاده البيع, لو بسيت على الكروز هتلاقى ام 150000 بطلب فيها 125000 وهى عامله 3000 او 5000 اما السيراتو ام 120000 بيطلب فيها 112000 غير انه مافيش تقريبا سيراتو مستعمل غير قليل قوى

انا على اساس الحاجات دى كله اخدت قرار السيراتو و احب اطمنك مش هتندم على السيراتو و هتعجبك ان شاء الله اتمنى اكون افادتك فى حاجه و كل سنه وانتم طيبين

على فكره ده كان نفس تفكيرى الاسبوع اللى فات :)

الاحسن من كل ده تحاول تسوق العربيتين وتقارن بنفسك ولو الكروز مش اكتر من شكل حلو فالشكل هتتعود عليه بعد شهر ولا اتنين وبعد كده هيفضل معالك العربيه اللى من غير اوبشنز
ربنا يوفقك فى الاختيار ان شاء الله

[kimo_100_1]

بص ياباشا
العربيه ممتازه جدا
قبل ماجيبها كام واحد قاللي عيوبها كتير
بس الصراحه لما جبتها عرفت انها عربيه تستاهل كل قرش اندفع فيها
انا معايا exعربيه زي الفل مشكلتها بس ان عفشتها ناشفه شويه
بس غير كده مفيش

[morasystem]

السلام عليكم
طبعا مفيش كلام جديد يتقال ... و اللى انا متأكد منه إن حضرت خلااص اقتنعت تقريبا بالسيراتو ... بس عاوز أقول كام حاجة كدة ... انا مسمعتش عن حكاية الرجة دى خالص قبل كدة ولا حتى هنا فى المنتدى ... الموضوع الأساسى اللى الناس بتخاف منه لما بتيجى تشترى السيراتو هو يقوللك "العقشة ناشفة" و ده كان فى الجنط 16 و 17 ... انا مجربتش الحقيقة ده ولا ده قبل كدة بس حضرتك جربت و ممكن تحكم ... لو حضرتك شايف إنه ناشف و فى نفس الوقت عايز جنط سبور يديك ثبات على الطريق ... انا معايا الجنط 15 Alloy ده بينزل فى الخليجى بس "لو ناوى تشترى خليجى يعنى" اللى هو فى صورة التوقيع تحت ... و ده عن تجربة بجد بجد لطيف جدا ... مش بعيب ولا حاجة فى ال 16 أو ال 17 بس انا مجربتهمش علشان كدة مش هحكم ... حاجة كمان و هى موضوع السيراتو و الكروز من حيث الشكل الخارجى و الداخلى فدى أذواق فى النهاية ... بس طبعا موضوع الشكل سواء كان الداخلى أو الخارجى فهو غير محسوم على الإطلاق لأى عربية من الاتنين ... الكروز عربية محترمة جدا و السيراتو عربية محترمة جدا ... بس فيه ناس فاكرة الكروز حجمها من برة أو من جوة أكبر من السيراتو أكبر بس ده انطباع غلط لأن الاتنين تقريبا نفس الحجم ... بس الكروز يمكن أطول و أرتفاعها الخلفى أوطى شوية ... لكن طبعا موضوع السعر ده يحسم الموضوع و تجميع السيارة "كوريا - مصر" ده يحسم الموضوع للسيراتو تماما ... الناس أغلبها بقوا بيدخلوا قسم الكيا هنا و مرعوبين من السيراتو و واخدين عنها فكرة غلط إنها ناشفة و بتقلب لوحدها و بتولع و هى ماشية و فيها عيوب صناعة بالهبل و مش عارف إيه ... بس الواقع إنها عربية انتشرت بشكل رهيب و زاد معاها عدد السيارات اللى فيها شكاوى ... يعنى لو 10 عربيات فيهم شكوى واحدة هى هياها لو 20 عربية فيهم شكوتين ... العربية مش كدة خالص يا جماعة ... السيراتو أكتر عربية عائلية/ رياضية/ رفاهية فى الفئة السعرية دى ... و الأقل عيوب ... و لو كان ظهر عيوب فهى حالات فردية

فى النهايو برضه صلى صلاة استخارة ... و اللى فيه الخير ربنا يديهولك ... و اسف للإطالةِ

[yasso0101]

انا عندي اضافه قويه بالنسبه للسيراتوا

السيراتو تكسب الكروز لان هتلاقي هنا بجد اخوات هينصحوك في كل صغيره وكبيره لوجه الله وده و الله اللي شجعني ناحيه السيراتو عن الكروز برده وانا كنت عامل موضوع مقارنه ما بين الكروز و السيراتو الكوبيه دور عليه وهتعرف وهتعرف مين اللي كسب .

انا مش هقولك على الرجاله اللي في القسم هنا بيعمله ايه علشان متبقاش دعايه او مجامله او رياء والعياذ بالله.

بس معنديش غير كلمه ( الله يبارك فيهم ويبارك لهم )

[M7amD_7amDy]

محمد باشا حمدي... انت كمان واحشني والله يا باشا, و عيد سعيد عليك...

هو الكروز بردو على بيم خلفي..!!!!؟؟ انا اللي اعرفه انها مالتي لينك زي الالنترا...

طيب كروز ايه بقى..!! كل سنه و انت طيب, كده السيراتو افضل اكيد, خصوصاً السعر مع الكماليات

شكراا يا باشا على تصحيح المعلومه...

العفو ياكبير

[revel_sony]

أزيك ياحسام هى الرجاله كلها هنا ولا ايه لا خلاص انا أجيب بعضى وأجى بقى
هنعمل أيه ما فولكس أقل سعر لأقل عربيه لا تصلح لحالتى الأجتماعيه هى البولو 2010 ونازله منفضنها من كل حاجه وفقيره جدا و ب 130 ألف

ربنا يكرمك يامحمد
ومتنساش تطمنا عليك
وربنا يحفظك

[A.Saad]

محمد باشا هينور كيا
ويبقى احد النمور
هييييييه

لو هتشترى توكيل يا محمد قول
ممكن اساعدك فى الموضوع ده

[username1]

كيف تصلى صلاة استخارة بطريقة صحيحة ؟ سيراتو ولا كروز ؟
دخل محمد بك مصطفى الى حجرته بعد تناول وجبة عشاء خفيفه عاقداً نيته على اداء صلاة استخارة ليعلم اى سيارة سيقوم بشرائها هل هى سيراتو ام كروز ؟ لا سيما و انه قد أنهى قرائته لنصائح الأصدقاء هنا ، وبعد أن فرغ من الصلاة أغمض عينيه ينتظر العلامه (مثل فانوس رابعة ) - وفجأة رأى وهو مغمض العينين صورة السيارة سيراتو فى لونها السيلفر ،ففتح عينيه و قد انفرجت اساريره وعرف انها العلامة قد جائته فى التو واللحظة وان الإستخارة قالت القول الفصل سيراتو سيراتو فقام متجهاً لخارج الحجرة ليبلغ الأهل بالنبأ السار ونتيجة الإستخارة ، وما كاد يفتح باب الحجرة حتى وقعت عيناه على ما عقد لسانه وأضاع فرحته فقد رأى على شاشة التلفزيون الأخ ألفنان أحمد عز وهو يتشقلب ويركب الكروز الحمراء ؟!! فأسقط فى يده !! ماذا أفعل ؟ ايهما العلامة ؟ ايهما أصدق ؟ وعاد الى حجرته مرة أخرى وقد اغلق بابها خلفه فى بطء ونظر فى شرود الى جهاز الكمبيوتر وقد حدثته نفسه أن يكتب مرة أخرى للأصدقاء هنا لعل أحدهم يخبره أى العلامتين أصدق ؟!