بطاحات السيراتو

[Abohmaid]

السلام عليكم ياأهل الكيا

انا عندي سيراتو بس الشكل القديم موديل 2008 وروحت الاسبوع اللى فات عملت صيانة 40000 وعند الاستلام المهندس ادانى تقرير مكتوب فيه ان البطاحات الاماميه محتاجه تغيير ةقاللى ان هما متفرتكين ولازم يتغيروا ضرورى طيب ودول بكام ياباشا قاللى ب 500 جنيه الاتنين ..... بينى وبينكم قولتلوا طيب هاشوف وابقى احجز ميعاد واجى اغيرهم بس اللى انا اعرفة ان البطاحات دى بتمسك المساعدين فى جسم العربيه مشعارف صح واللا غلط واللى عايز اعرفه هما ليهم وظيفتهم ايه بالضبط وكمان اتأكد ازاى ان هما فعلا بايظين وبرضه هل لو غيرتهم بره هاتفرق فى السعر وهل هاتأثر على الضمان واللا لأ

معلشى انا طولت عليكم بس انتم الخبره بقى وشكرا

[M.ABDEEN]

تقريبا كده زي ما حضرتك بتقول الوظيفة بتاعتهم وعلى العموم شييك بره عند حد بتاع عفشة كويس وهو يدييك المفيد

[Abohmaid]

تقريبا كده زي ما حضرتك بتقول الوظيفة بتاعتهم وعلى العموم شييك بره عند حد بتاع عفشة كويس وهو يدييك المفيد

اشكرك جدا طيب لو عملتهم برة التوكيل العربيه تخرج من الضمان واللا لأ

[M.ABDEEN]

هو للاسف التوكيل من شروط ضمانه انك متعملش حاجة بره علشان الضمان يكون ساري وتحت امرك يا باشا

[Abohmaid]

اشكرك ياباشا على الرد وان شاء الله هاروح لحد بتاع عفشه وأتأكد ولو صحيح أروح اغيرهم فى التوكيل وأمرى لله