الله يسامح ولاد الاية

[max_ziro]

الحمد لله طبعا و قدر الله ماشاء فعل
طبا انتوا يا شباب فكرين تجربتى الاولانية ف اختبار التصادم مع كارو بقوة حمارين ..
و الحمد لله عدت ب السلامة و الاصابات كانت اريل كهربار و خبطة غبية ف حتة اغبى ف الرفرف الورانى

الحمد لله اتكررت التجربة التصادمية مع كارو قوة حمارين
و اثبتت السيفيا كل قوة و صلابة فى وجه الحمير الغزاة و الحمد لله تمت ب انتصار السيفيا
و كان الاصابات زجاج بابا السائق و خبطة غبية ف باب السائق و خبطة طفيفة ف الرفرف الامامى شمال

و الحمد لله تم تصليح كل الخبطات الغبية دى ف 5 ساعات عند الاخ السمكرى السحرى و الحمد لله عملى كلة كان فبريقة زى الاول و الحمد لله بجد سمكرى روعة روعة روعة

و الحمد لله تم اختبار الصلابة فى وجه عربيتين من العربيات العاتية زى البيجو ام اكصدام فظيع
و المرسيدس الشمامة المجنزرة الاالية البشعة و الحمد لله كانت النتائج فى هذة الصدامات الجانبية
خطوط على جانبين العربية طبعا كل تجربة على حدة خطوط حلوة كدة بتعبر عن عملة غزو فاشلة

و بعد كل الحجات الحلوة دى ما اتعملت و الحمد لله الاخ السمكرى السحرى الفظيع عمل كل الحجات العويصة من و وجهة نظرى دى بكل بساطة من وجهة نظرة
و بعد كدة بلاعة حلوة جمييلة من بلاعات القاهرة و كانت نتيجة العزو الى للاسف نجع
العتبة الفايبر الى حيلتى
و الحمد لله روحت عملتها و لصمتها و اتظبطت و معجنت الجمب كلة و ظبطت كل السمكرة و الحمد لله
و نويت بعون الله بعد العيد ارش العربية
اذ ب اول يوم عيد انزل من البيت الاقى الكابوت نازل على الماتور ينهارى اية دة يلاهوى فى اية
اتارى الاولاد ولاد الازينة كانو عاملين عليها حفلة

قلت الحمد لله خلاص و رديت الكابوت و رديت عضم الكابوت و رجع احسن من الاول و الحمد لله عشان هو اصلا كان هبطان لوحدة

و بعد كدة الحمد لله ركنتها بعيد عن المول عشن الاطفال الجمال اللذاذ المؤدبين جدا جدا
اذ بى انزل الصبح اكتشف ان العتبة الفبر الشمال الى ف العربية مش موجودة
و بعد كدة اكتشف ان شاب مثقف جدا اعتقد من الى بيعملوا حصان دول فى الشارع عشان يكتشفوا و يحاولوا ايجاد معادلة ضد الجازبية جديدة اتقلب ب الموتسيكل و نزلى تحت العربية اودى بحيات العتبة
.................................................. .................................................. .................................................. ..............*
و دى كانت يوميات عربيىة عايشة ف القاهرة



ملحوظة (هدف الموضوع التهريج و نقل الحجات الى بتحضل دى بصورة هزلية تهريج يعنى )
مش غضب او اعتراض على رغبة ربنا و الحمد لله ..


ياريت تحكولنا تجاربكوا و طبعا انا عارف ان فى ناس احسن منى 100000000000 كرة فى السرد
و كل سنة و انتوا طيبين ...

[Ayman-Ahmed]

بمب العيد:

قرر اولاد المنطقة الشطار واصحابهم الحلويين القيام بمباراة نيشان على سقف العربية من بين 3 عربيات وكان الفائز واحد فيهم او كلهم(ونفسى اعرفهم) وقاموا بقذف السقف ب 5بومبات من الحجم المتوسط وادى الانفجار ل 5 علامات نارية على سقف العربية ومع العلم ان العربية اللى كانت فى مرمى النيران عربية متغطية

[max_ziro]

بمب العيد:

قرر اولاد المنطقة الشطار واصحابهم الحلويين القيام بمباراة نيشان على سقف العربية من بين 3 عربيات وكان الفائز واحد فيهم او كلهم(ونفسى اعرفهم) وقاموا بقذف السقف ب 5بومبات من الحجم المتوسط وادى الانفجار ل 5 علامات نارية على سقف العربية ومع العلم ان العربية اللى كانت فى مرمى النيران عربية متغطية:_alshmokh08[1]:

هههههههههههه
الله يسامحهم ولاد الاية دول

و لسة لما نشوف باقى الاعضاء عاملين اية فى العيد

و احييك على طريقتك الجميلة ..

[Ayman-Ahmed]

هههههههههههه
الله يسامحهم ولاد الاية دول

و لسة لما نشوف باقى الاعضاء عاملين اية فى العيد

و احييك على طريقتك الجميلة ..

يلا كلنا كنا بنفرقع بمب واحنا صغيرين بس مكناش بنعمل كده.وعارف انه ممكن يطلعلى اب ولا ام يقولوا حاجة تحرق الدم الله ما العيال بتلعب.

كل سنة وانت طيب بس هو انت ساكن جنب السيرك ولا ايه؟ واحد دخل تحت العربية بدريفت والعيال نطوا فوق الكبوت.هو العيال ديه حكايتها ايه؟اموت الجيل الجديد ونخلص ونطلع عيال تانية ولا ايه

[max_ziro]

يلا كلنا كنا بنفرقع بمب واحنا صغيرين بس مكناش بنعمل كده.وعارف انه ممكن يطلعلى اب ولا ام يقولوا حاجة تحرق الدم الله ما العيال بتلعب.

كل سنة وانت طيب بس هو انت ساكن جنب السيرك ولا ايه؟ واحد دخل تحت العربية بدريفت والعيال نطوا فوق الكبوت.هو العيال ديه حكايتها ايه؟اموت الجيل الجديد ونخلص ونطلع عيال تانية ولا ايه

ولله حاجة صعبة
انا ساكن فى السراى مول ف كل الاطفال المكبوتين بييجوا من شتى ارجاء الاحياء المجاورة ناحية الوايلى و كدة
ف لك ان تتخيل ..

[Amr A.salam]

يا نهار ابيض يا محمد باشا ....ايه كل الحروب دي

جامدة أوي الحمير الغزاة دي ههههههههههههههههه

كل سنة وانت طيب وماتزعلش نفسك وخلي العيال تلعب

[kamalsalem]

اول يوم العيد بالليل ركنت العربية الزيرو اللي معملتش الفين كيلو لسه عند بيت والدي

سمعت صوت خبط ورقع...قلت الحرب قامت تحت ولا ايه، طلعت البلكونة وانا بقول في نفسي يا ريتني خدت خوذه معايا، الاقي الافاعي ولاد الافاعي عاملين انتفاضة الاقصى في الشارع

تراشق بالحجارة وبأي شيء في الزبالة على الكلاب اللي مبرشطة فوق السقف، يعني مش كفاية الكلاب عملت العربية منتجع سياحي وضوفرها معلمة في السقف، لأ كمان الافاعي بيدوروا يضربوها

اخر جسم صلب شفتة بيرتطم في العربية كان ضهر فوتيه متنجد بالكامل طاير في الهول وطاااخ على الكبوت (طبعاً لأن العيل استحالة يوصله للسقف)، بعد كده فقدت الوعي لحظياً من كتر الغضب، وصحيت على صوت الافعى وهي بتصرخ ف ايدي والنبي سيبني يا عم، قلت ايه ده افعى بتتكلم؟

[madamada2070]

الحمد لله طبعا و قدر الله ماشاء فعل
طبا انتوا يا شباب فكرين تجربتى الاولانية ف اختبار التصادم مع كارو بقوة حمارين ..
و الحمد لله عدت ب السلامة و الاصابات كانت اريل كهربار و خبطة غبية ف حتة اغبى ف الرفرف الورانى

الحمد لله اتكررت التجربة التصادمية مع كارو قوة حمارين
و اثبتت السيفيا كل قوة و صلابة فى وجه الحمير الغزاة و الحمد لله تمت ب انتصار السيفيا
و كان الاصابات زجاج بابا السائق و خبطة غبية ف باب السائق و خبطة طفيفة ف الرفرف الامامى شمال

و الحمد لله تم تصليح كل الخبطات الغبية دى ف 5 ساعات عند الاخ السمكرى السحرى و الحمد لله عملى كلة كان فبريقة زى الاول و الحمد لله بجد سمكرى روعة روعة روعة

و الحمد لله تم اختبار الصلابة فى وجه عربيتين من العربيات العاتية زى البيجو ام اكصدام فظيع
و المرسيدس الشمامة المجنزرة الاالية البشعة و الحمد لله كانت النتائج فى هذة الصدامات الجانبية
خطوط على جانبين العربية طبعا كل تجربة على حدة خطوط حلوة كدة بتعبر عن عملة غزو فاشلة

و بعد كل الحجات الحلوة دى ما اتعملت و الحمد لله الاخ السمكرى السحرى الفظيع عمل كل الحجات العويصة من و وجهة نظرى دى بكل بساطة من وجهة نظرة
و بعد كدة بلاعة حلوة جمييلة من بلاعات القاهرة و كانت نتيجة العزو الى للاسف نجع
العتبة الفايبر الى حيلتى
و الحمد لله روحت عملتها و لصمتها و اتظبطت و معجنت الجمب كلة و ظبطت كل السمكرة و الحمد لله
و نويت بعون الله بعد العيد ارش العربية
اذ ب اول يوم عيد انزل من البيت الاقى الكابوت نازل على الماتور ينهارى اية دة يلاهوى فى اية
اتارى الاولاد ولاد الازينة كانو عاملين عليها حفلة

قلت الحمد لله خلاص و رديت الكابوت و رديت عضم الكابوت و رجع احسن من الاول و الحمد لله عشان هو اصلا كان هبطان لوحدة

و بعد كدة الحمد لله ركنتها بعيد عن المول عشن الاطفال الجمال اللذاذ المؤدبين جدا جدا
اذ بى انزل الصبح اكتشف ان العتبة الفبر الشمال الى ف العربية مش موجودة
و بعد كدة اكتشف ان شاب مثقف جدا اعتقد من الى بيعملوا حصان دول فى الشارع عشان يكتشفوا و يحاولوا ايجاد معادلة ضد الجازبية جديدة اتقلب ب الموتسيكل و نزلى تحت العربية اودى بحيات العتبة
.................................................. .................................................. .................................................. ..............*
و دى كانت يوميات عربيىة عايشة ف القاهرة



ملحوظة (هدف الموضوع التهريج و نقل الحجات الى بتحضل دى بصورة هزلية تهريج يعنى )
مش غضب او اعتراض على رغبة ربنا و الحمد لله ..


ياريت تحكولنا تجاربكوا و طبعا انا عارف ان فى ناس احسن منى 100000000000 كرة فى السرد
و كل سنة و انتوا طيبين ...

ممكن حضرتك تقولي على السمكري ده فين عشان عندي كام خبطه مضايقني اوي

[ahmedsamir5edr]

هههههههههههههههههههههههههههههههههههههههه
موضوع جميل

[gazzar91]

طيب أنا بقى أعمل ايه؟؟
كلب معفن مالوش كيف غير القعدة على العربيات...
عورلي السقف و الكبوت و جرحلي الازاز .... لأ و كمان شرخهولي!!!!
حطيتله سم مامتش...
كنت هضربه بالـ Toe wire ماطولتوش....
أحدفه بطوبه يجري!!!

أعمل اييييييييييييييييييييييييه؟؟؟

في رعاية الله.....

[kamalsalem]

طيب أنا بقى أعمل ايه؟؟
كلب معفن مالوش كيف غير القعدة على العربيات...
عورلي السقف و الكبوت و جرحلي الازاز .... لأ و كمان شرخهولي!!!!
حطيتله سم مامتش...
كنت هضربه بالـ toe wire ماطولتوش....
أحدفه بطوبه يجري!!!

أعمل اييييييييييييييييييييييييه؟؟؟

في رعاية الله.....

ربي فهد اسود في العربية

[lolly136]

ألف ألف سلامة عالعربية يا محمد

[Ayman-Ahmed]

طيب أنا بقى أعمل ايه؟؟
كلب معفن مالوش كيف غير القعدة على العربيات...
عورلي السقف و الكبوت و جرحلي الازاز .... لأ و كمان شرخهولي!!!!
حطيتله سم مامتش...
كنت هضربه بالـ toe wire ماطولتوش....
أحدفه بطوبه يجري!!!

أعمل اييييييييييييييييييييييييه؟؟؟

في رعاية الله.....

استحلفك بالله لو لقيت حل للكلاب تقولى عشان انا عندى اتنين كيفهم الساعة 6 ص واحد على الكبوت والتانى يلعب مرة على الشنطة ومرة على السقف واحدفهم بحاجة يجروا والمشكلة بقى انه كيفه عربيتى يعنى اغطيها ولا اسيبها برده وراها.انا قلت يمكن خدت مكان نومته لما بركن العربية؟ والانذار شغال واخر ازعاج وهما ولا هنا.

هو مش كان فيه زمان عربيات الكلاب اللى بتصطاد الكلاب الضالة؟محدش يعرفلهم تيلفون ولا عنوان؟

[star1991]

بسم الله الحليم المجيد

بارك الله لكم ايام العيد واطال عمركم المديد احكي لكم من الحكايه الجديد في احد ايام رمضان السعيد ذهبت الي احد اقاربي غير بعيد تلبيه لدعواه لافطار اكيد وذلك بعد الحاحه الشديد اسف على الخروج على موضوعكم الجديد بعد ان وصلته ركنت سيارتي امام بيت جديد له باب من حديد وصعدت معه لمسكنه البعيد في الدور الخامس في المنزل الجديد الموجود بباب الحديد ووقفت في الشرفه انتظر الافطار الاكيد وادعو الله والدعاء مستجاب اكيد لكن نسيت سيارتي من الدعاء الاكيد ونظرت غير بعيد ياويلتي سيارتي تدخن وانا بكيت هرولت وعلى السلم جريت ونزلت اشوف ولاد التيت لقيتهم فجروها بالديناميت ولم تحدث اي ضرر اكيد فحمدت الله العلي الحميد

[star1991]

في ليله ليلاء نظرت من الشرفه في المساء لاستنشق بعض الهواء رايت كلبه هيفاء تجلس على سقف سيارتي البيضاء قلت ياربي ماهذا البلاء ؟
توجهت لسيارتي وانا اجهش في البكاء بعدما رايت مافعلته الهيفاء سقف سيارتي جاله التواء وهبط للداخل كانه صنع من هواء فجلست في سيارتي البيضاء ودفعت السقف لاعلى فعاد لسيرته الاولى فشكرت ربي الاعلى