سوأل عن السيراتو

[unixed]

بفكر أجيب السيراتو بس بصراحة عربيتى الحالية واطية و تعبانى أوى فى المطبات و البلاعات والذى منة لدرجة أنى كنت بفكر أجيب حاجة عالية ذى التيجو علشان نفسى أسوق من غير مبقى خايف من البلاوى بتاعت شوارع المحروسة السوءال بقى اية أخبار السيراتو فى شوارعنا ومطبتنا الحلوة واية النظام والعربية شايلة خمسة مثلا ولية مش كتبين على الموقع أرتفاع العربية كام عن الأرض ؟!! - الموضوع دة مهم أوى بالنسبة لية بصراحة هيحسم أختيارى أفيدونى لو سمحتم
:)

[محمد ابراهيم 1]

يا راجل تيجو ايه بس ؟
السيراتو ارتفاعها مناسب
وعموما علو العربية له أضرار اهمها إنه بيقلل الثبات

[ALSHARIEF]

باشا ماشاء الله السيراتو إرتفاعها مناسب جدا ماشاء الله و عن تجربة لو العربية over weight و مطب عالى تنين مش هتحك معاك و مش لازم حتى تعدى المطب كروس ........ والله أعلم

[NoRmAl]

الmin ground clearance فى السيراتو 150 مم
بغض النظر عن الارقام
العربيه مش بتحك فى المطبات والحمد لله وهى مميزه وربما دا أحد مميزات التورشن بيم
مثيلتها بملتى لينك زى الالنترا والسيفك مثلا مشهورين أنهم بيحكوا فى المطبات
على العموم العربيه مش بتحك إلا فى ظروف قاسيه جدا يعنى مركب 5 أوزان معديه ومطب جبلى
وأنت هتحسها وأنت راكب فخده بالعرض
غير كدا أنا مجرب كتير ومش بتحك الحمد لله
بالمناسبه ياسرالصياد كان مركب قبل كده أوزان أوزان يعنى وخد المطب بالعرض العربيه وقفت فوق المطب وحكت والعجل لف على الفاضى :))
ففى ساعات ظروف مفهاش رحمه يعنى :)

[yasserelsayad]

الmin ground clearance فى السيراتو 150 مم
بغض النظر عن الارقام
العربيه مش بتحك فى المطبات والحمد لله وهى مميزه وربما دا أحد مميزات التورشن بيم
مثيلتها بملتى لينك زى الالنترا والسيفك مثلا مشهورين أنهم بيحكوا فى المطبات
على العموم العربيه مش بتحك إلا فى ظروف قاسيه جدا يعنى مركب 5 أوزان معديه ومطب جبلى
وأنت هتحسها وأنت راكب فخده بالعرض
غير كدا أنا مجرب كتير ومش بتحك الحمد لله
بالمناسبه ياسرالصياد كان مركب قبل كده أوزان أوزان يعنى وخد المطب بالعرض العربيه وقفت فوق المطب وحكت والعجل لف على الفاضى :))
ففى ساعات ظروف مفهاش رحمه يعنى :)

دا يا باشا مكنش مطب دا كان جبل صغير والأوزان كانت على نفس الجنب ههههههههه

[xxxl]

بص ياباشا اناجربت السيراتو للاوزان لاول مره كان في العيد الي فات وكنت مسافر انا والعيله والشنطه كانت كومبليت وماشاء الله محكتش في ولا مطب توكل علي الله وهات السيراتو

[unixed]

شكرأ يا شباب فهمت من ردودكو أن العربية مش بتحك ألا فى الظروف القاسية أوى
طب سؤال تانى لو سمحتو هو العربية فيها أمبير حرارة ولا لمبة ؟

[NoRmAl]

شكرأ يا شباب فهمت من ردودكو أن العربية مش بتحك ألا فى الظروف القاسية أوى
طب سؤال تانى لو سمحتو هو العربية فيها أمبير حرارة ولا لمبة ؟

فى مقياس حراره ديجيتال من الفئه sx صعودا للهاى لاين
أما من الlx للـ ex فيه لمبه بس

[ALSHARIEF]

فى مقياس حراره ديجيتال من الفئه sx صعودا للهاى لاين
أما من الlx للـ ex فيه لمبه بس

الله ينور يا نورمال باشا....................... كلام فى الجول

[unixed]

فى مقياس حراره ديجيتال من الفئه sx صعودا للهاى لاين
أما من الlx للـ ex فيه لمبه بس

شكرأ شكرأ مية مية أصل موضوع اللمبة دة سخيف شوية :)

[bolok]

المشكلة مش في المطبات انها تحك لان ده مش بيحصل والحمد لله
المشكلة في العربيات اللى بتحك فيك وانت ماشي

[unixed]

المشكلة مش في المطبات انها تحك لان ده مش بيحصل والحمد لله
المشكلة في العربيات اللى بتحك فيك وانت ماشي

عندك حق بسدى بقة ملهاش حل :)

[NoRmAl]

عندك حق بسدى بقة ملهاش حل :)

لا مهو أنت تمشى فى شارع مفهوش مطبات ولا عربيات :))

[bolok]

لا مهو أنت تمشى فى شارع مفهوش مطبات ولا عربيات :))

ده في الجنة ان شاء الله :b4_033:

[pharonicking]

المشكلة مش في المطبات انها تحك لان ده مش بيحصل والحمد لله
المشكلة في العربيات اللى بتحك فيك وانت ماشي