ركبت ليدات تحت التابلوة يا رب تعجبكو

[Mshawky]

الفكره نفسها حلو اوى طبعا
بس انا كنت شايف الاحمر حتى لو ضعيف كان هيبقا شكله اشيك للتناغم بين اضواء العربيه والعدادات الداخليه والسماعات كمان

انا كنت مره بفكر اركب الليدات اللى ورا الجنوط ديه وانت ماشى بتبقا منوره صحابى كلهم قالولى ايه القرف ده ناقص تكتب عليها اجره ههههههههههههههه فخوفت بقا اعمل اى حاجه شبيه بكده لحسن تطلع تاكسى مثلا

بس انت عاملها بنضافه وربنا يباركلك فيها بس انا قولتلك رايى بصراحه الاحمر كان هيدى جو جامد جدى

وحاول تجبلنا تفاصيل الراجل ورقمه وخدت وقت اد ايه والتركيب والحركات ديه

[ghost1900]

الف مبروك يا شادى شكلها شيك، بس لو كانت الأضاءه أحمر كانت هتبقى أحلى عشان هتكون ماشية مع الأنوار اللى عندك، ياريت تجبلنا تفاصيل الكهربائى ورقمه وأشتريت ايه وكده يعنى.

عندى استفسار بره الموضوع مين العضو اللطيف اللى عامل 19 مشاركة كلهم أيموشنز من غير كلام ، وأنا ملاحظ أنه مركز مع د. أسامة بزيادة .

[aymanay32]

جميلة جدا و انا شخصيا هنفذ الفكرة دى بس هعملها على زرار منفصل مش على الباب عشان لو وقعت فلوس فضه او حاجة و عاوز ادور عليها و كمان لو العيال بياكلوا و وقع منهم حاجة او غطاء الزجاجة بتاعة العصير


و مبروك عليك يا باشا

[amrnagy]

تحفة بجد ربنا يباركلك فيها

[yasso0101]

ما شاء الله حلوه بس انا مع الاعضاء اللي قالو لو اللون احمر كانت هتبقى احلى

وعندي سؤال ينفع اعمل النور اللي في السمعات على العربيه السيراتو السيدان و يكون نور السماعات مربوط بالموسيقى برده

ولو فيه مين ممكن يعملهالي و بكام

[shod90]

ما شاء الله حلوه بس انا مع الاعضاء اللي قالو لو اللون احمر كانت هتبقى احلى

وعندي سؤال ينفع اعمل النور اللي في السمعات على العربيه السيراتو السيدان و يكون نور السماعات مربوط بالموسيقى برده

ولو فيه مين ممكن يعملهالي و بكام

الف شكر ليك على ذوقك بس الاحمر فعلا مكانش باين خالص مكنش لية لزمة اصلا .. و النور اللى حوالين السمعات مش عارف اصلا ممكن تجيبة منين بس لو جبتة اعتقد انك ممكن تتحكم اذا يفتح او يطفى بزرار لاكن مع الاغانى دى مفتيش فيها

[shod90]

الفكره نفسها حلو اوى طبعا
بس انا كنت شايف الاحمر حتى لو ضعيف كان هيبقا شكله اشيك للتناغم بين اضواء العربيه والعدادات الداخليه والسماعات كمان

انا كنت مره بفكر اركب الليدات اللى ورا الجنوط ديه وانت ماشى بتبقا منوره صحابى كلهم قالولى ايه القرف ده ناقص تكتب عليها اجره ههههههههههههههه فخوفت بقا اعمل اى حاجه شبيه بكده لحسن تطلع تاكسى مثلا

بس انت عاملها بنضافه وربنا يباركلك فيها بس انا قولتلك رايى بصراحه الاحمر كان هيدى جو جامد جدى

وحاول تجبلنا تفاصيل الراجل ورقمه وخدت وقت اد ايه والتركيب والحركات ديه

و الله انا اول ما قولت يا ليدات قولت احمر وششش عشان الانوار اللى جوا بس طلع وااااااطى جدا مش بيتشاف بسهولة فى الضلمة اصلا :( .. و فكرت النور اللى ورا الطانابير تمشى مع عربيات و عربيات لا .. و هحاول اجيب نمرتو او اعرف اسم المحل اية . اللى اعرفة ان الراجل اللى عملة اسمة عبدالنبى شاطر جدا و فاهم فى الموضوع :) .. و اللى احتجناة 3 متر سلك عشان يوصل اللى جنب السائق بيهم .. و مشى السلك من تحت الفرش ولا فى حاجة بينا خاااالص

[shod90]

الف مبروك يا شادى شكلها شيك، بس لو كانت الأضاءه أحمر كانت هتبقى أحلى عشان هتكون ماشية مع الأنوار اللى عندك، ياريت تجبلنا تفاصيل الكهربائى ورقمه وأشتريت ايه وكده يعنى.

عندى استفسار بره الموضوع مين العضو اللطيف اللى عامل 19 مشاركة كلهم أيموشنز من غير كلام ، وأنا ملاحظ أنه مركز مع د. أسامة بزيادة .

نفس الرد بالظبط اللى قولتو لى Mshawky .. و فعلا انا ملاحظ انو اصلا مش بيعلق غير على د.اسامة و دى كدا مش لطافة يعنى

[shod90]

جميلة جدا و انا شخصيا هنفذ الفكرة دى بس هعملها على زرار منفصل مش على الباب عشان لو وقعت فلوس فضه او حاجة و عاوز ادور عليها و كمان لو العيال بياكلوا و وقع منهم حاجة او غطاء الزجاجة بتاعة العصير


و مبروك عليك يا باشا

واضح ان حضرتك تعبان من العيال فى الحتة دى ههههههههههه .. على العموم نورها جامد و بردو بتفدنى لو فى فضة وقعة على الارض هههههه

[mastr_n]

الف مبروك

[shod90]

الف مبروك

شكلها مش عجباك ولا اية يا باشا لو مش عجباك اشيلها والله

[NoRmAl]

لا جامده أوى
هضمها للسته إن شاء الله :)

[bolok]

الف مبروك ... جميلة جدا
تعيش وتنور العربية

[manchy]

معلش يا باشا انا عاوز اعرف هل العربية نازلة اصلا كده فيها اضاءة للسماعات ولا انت اللى مركب الاضاءه للسماعات ولو مركبها مركبها فين
اللى انا اعرفه انها بتنزل بس فى الكيا سول مش فى السيراتو

[ghost1900]

حضرتك السيراتو الكوبية والسول فيهم أضاءة حوالين السماعات.