كيا ريو 2011 يا رجالة

[engayman2006]

السلام عليكم

انا عضو جديد بالمنتدي. وحاسس انه منتدي رائع بالناس الي فيه

انا كنت عايز استشيركوا في الكيا ريو ال 1.4 المانيوال 2011 هي علي كونتاكت كارز ب 79900 انا الصراحة معرفش عنها حاجة بس هي شكلها عاجبني وامكانيات حلوة رغم اني حاسس ان سعرها مبالغ فيه بالنسبة للامكانيات بتاعتها

فيا ريت لو حد يعرف عنها اي حاجة يا ريت يقولي يا شباب

من حيث الثبات والفرامل
المتانة والامان
الاعتمادية
اعادة البيع

وشكرا جزيلا ليكوا يا شباب

[M.ABDEEN]

بص يا باشا الريو عربية محترمة جدا وعن نفسي انا شايف انها افضل من الياريس والافيو والاكسنت وبصراحة كل النقط اللي حضرتك سال عنها متحققة لكن اعادة البيع اللي ممكن يكون فيها كلام بس مش عارف ليه لكن العربية دي بامانة انا عملت عليها دراسة شاملة وتستحق الاحترام لكن المشكلة ان التوكيل مش عارف يسوقها وكمان معلي سعرها شوية لكن لو مش ناوي تبيع على طول دووووووس يا باشا وربنا يوفقك

[engayman2006]

بص يا باشا الريو عربية محترمة جدا وعن نفسي انا شايف انها افضل من الياريس والافيو والاكسنت وبصراحة كل النقط اللي حضرتك سال عنها متحققة لكن اعادة البيع اللي ممكن يكون فيها كلام بس مش عارف ليه لكن العربية دي بامانة انا عملت عليها دراسة شاملة وتستحق الاحترام لكن المشكلة ان التوكيل مش عارف يسوقها وكمان معلي سعرها شوية لكن لو مش ناوي تبيع على طول دووووووس يا باشا وربنا يوفقك

شكرا ليك يا باشا علي الرد الجميل وطمنتني ليها بجد بالنسبة لموضوع اعادة البيع دا مش فارق اوي ان شاء الله خير

[modydosoki]

عربيه جميله جدا بس مش عارف مش منتشره ليه والموضوع ده ليه مشكلتين موضوع اعاده البيع و توافر قطع الغيار غير كده العربيه تحفه وانا عن نفسي كنت حشتريها بس ساعتها ما لقتش اللون الي انا عايزه

[ramy87]

بصراحة العربية دي ممتازة و كويسة جدا و تعتبر زي النيو أكسنت و طبعا افضل من الأفيو بس ماظنش افضل من التويوتا ياريس و ده رأيي
سعر العربية مبالغ فيه شوية بس تستحق
انا حاططها ضمن اختيارات الشراء ان شاء الله
بس اللي مخليها مش منتشرة ان اللي بيفكر يجيبها بيقول ازود عليها شوية و اشتري السيراتو و خلاص

[M.ABDEEN]

بصراحة العربية دي ممتازة و كويسة جدا و تعتبر زي النيو أكسنت و طبعا افضل من الأفيو بس ماظنش افضل من التويوتا ياريس و ده رأيي
سعر العربية مبالغ فيه شوية بس تستحق
انا حاططها ضمن اختيارات الشراء ان شاء الله
بس اللي مخليها مش منتشرة ان اللي بيفكر يجيبها بيقول ازود عليها شوية و اشتري السيراتو و خلاص

رايك يحترم يا باشا بس فيه نقطتين
الياريس برده سعرها مبالغ فيه برده
الريو اكثر ثبات من الياريس

[engayman2006]

شكرا جدا

انا متشكر جدا يا شباب علي الردود الجميلة دي

وبجد انا اقتنعت بالريو جدا عن الاكسنت حتي لو حد عمل بحث عن الريو والاكسنت برا مصر هيلاقي ان سعر الريو تقريبا مماثل لسعرها في مصر مع اختلاف شوية امكانيات انا بصيت علي سعرها في موقع new cars

انما الاكسنت فعلا سعرها مبالغ فيه جدا بالنسبة علي اسعار برا وكمان مع نقص في الكماليات

شكرا جزيلا ليكوا يا شباب

[M.ABDEEN]

من غير حلفان انا كنت ناوي اجيبها وقارنت بينها وبين الاكسنت ولو لاحظت جودة التقفيل لصالح الريو وكمان الريو اوسع نسبيا ومش تحيز لكيا بس ممكن تحس عموما بالمتانة شوية في كيا عن الهيونداي

[tiger85]

اتوكل على الله وخلص فيها بس حاول تلاقى مكان او موزع معتمد كويس علشان ما يتعبكش
وانا عن نفسى افضل موزع كيا فى السوق هو محمد زكى

[tiger85]

انا اتعملت معاه اكثر من مرة وناس محترمة قوى
وفى واحد هناك اسمه ايمن راجل محترم قوى وده رقم تليفونه 0172244729 فى فرع فم الخليج

[mohamedgamall]

بص يا باشا الريو عربية محترمة جدا وعن نفسي انا شايف انها افضل من الياريس والافيو والاكسنت وبصراحة كل النقط اللي حضرتك سال عنها متحققة لكن اعادة البيع اللي ممكن يكون فيها كلام بس مش عارف ليه لكن العربية دي بامانة انا عملت عليها دراسة شاملة وتستحق الاحترام لكن المشكلة ان التوكيل مش عارف يسوقها وكمان معلي سعرها شوية لكن لو مش ناوي تبيع على طول دووووووس يا باشا وربنا يوفقك

ممكن حضرتك تعرضلنا الدراسة اللى حضرتك عملتها و جزاك الله خيرا

[M.ABDEEN]

ممكن حضرتك تعرضلنا الدراسة اللى حضرتك عملتها و جزاك الله خيرا

شوف كده جودة الخامات بينها وبين الاكسنت ( لصالح الريو )
شوف جودة التقفيل ( لصالح الريو )
شوف المتانة ودي بتحسها من كذا حاجة اهمها قفل الابواب الخاصة بالعربية تحس انها مدعمة ومتينة طبعا الجديد صاجه ضعيف بس اختبره كده
الصالون الداخلي للعربية ممتاز جدا والقعدة قدام مريحة مقارنة بالاكسنت اللي شفت انها ضيقة نسبيا
يمكن وراء تكون القعدة مفيهاش فرق جوهري لكن عموما انا حسيت براحة في الصالون بتاعها
الشنطة بالنسبة لحجم العربية ممكن تفتكر انها ضيقة لكن لما تتفتح هتحس بكبرها ووسعها
الثبات مع السرعات كويس جدا وتحس ان العربية ثقيلة على الارض وكمان انا بصيت على عرض الكاوتش لاقيت انه عريض وده ممكن يعطي ثبات واتزان بشكل نسبي
الحاجة الوحيدة اللي اعترض عليها في العربية دي هو ان سعرها عالي شوية وان التوكيل مش عارف يسوقها
وتحت امرك يا باشا