اضحك عليا فى السيراتو اعمل ايه ؟؟

[abdallahyassin]

السلام عليكم
ازيكم يا وحوش عاملين ايه

معلش انا فى حاجه مش عارف اعمل ايه فيها

انا كشفت على ال vin بتاع العربيه بتاعتى لاقتها عمانى مش سعودى وانا جايبها من جابر عبد الشهيد على انها سعودى
واتصلت بيهم قالولى لا سعودى وشوف القايم بتاع الباب

اعمل ايه دلوقتى؟؟

وحاجه كمان
رقم الموتور اللى مكتوب فى الرخصه بتاعت العربيه زايد رقم 3 على الرقم اللى طالعلى فى الموقع اللى كشفت فيه عن ال vin
هل رقم 3 ده حاجه من المرور بيزودوها ولا دى غلطه ؟ وايه العمل لو غلطه؟

وشكرا جدااااا ل نورمال باشا

[kh_talaat]

ممكن حضرتك لينك الموقع اللي بتكشف فيه على العربية

[abdallahyassin]

انا جبت الموقع من اللينك ده كان نورمال باشا كاتبه فى موضوع مشابهه

http://www.nilemotors.net/Nile/146471-a.html

[Esam Mosaad]

ان شاء الله خير ويطلع الموضوع بسيط

[a_samy]

طب وايه المشكله،مش العربيه كويسه ومفيش أى عيوب فيها؟
متضايقش نفسك وأستمتع بعربيتك الجديده.

[NoRmAl]

العفو يا عبد الله باشا أنا معملتش حاجه أساسا :)
متشكر
بخصوص العربيه أنا شايف أن مش مشكله طالماا لعربيه كويسه خلاص متزعلش نفسك ومش هتفرق كتير إن شاء الله
هو أستيكر السعودى بقى يضرب دلوقتى عادى علشان كدا بننصح نتأكد بالvin من العربيه قبل الشراء
حصل خير وأستمتع بعربيتك مفيش أى مشكله

[د.محمود صلاح]

مش المفروض يكون مكتوب على القاليم " حسب المواصفات الخليجية السعودية ؟ "

[MOSTAFABASAL]

مش المفروض يكون مكتوب على القاليم " حسب المواصفات الخليجية السعودية ؟ "

ماهو الكلام ده بقى بيضرب يا دكتره

[ابو ليلى]

بص ياسيدى انا زيك كده برضه بالظبط بس انا جبتها من عند سمير ريان

والقايم مكتوب عليه طبقا للموصفات الخليجية ( السعودية )

واكتشفت الموضوع بعد حوالى شهر من شراء العربية ولما رجعت للمعرض

قال ايه ان العربية متصدره لعمان وبعد كده راحت السعودية قلته بجد قالى ....اه

مع ان العربية فيها ولاعه واللى اعرفه ان العربيات اللى بتجيى من السعودية من غير ولاعه

متفكرش كتير واستمتع بعربيتك وربنا يباركلك فيها .

[abdallahyassin]

ربنا يخليكم يا جماعه
بس انا لاقيت جمله مكتوبه مش عارف معناها بقى انها سعودى ولا ايه
فى الموقع بتاع ال vin
كان مكتوب set tools ومكتوب جمبها saudi arabia
هل كده تبقى مواصفات سعودى؟؟

واشتريت الضمان تبع الشركه التانيه مش تكنو وان مع الاسف
ولما روحت اعمل صيانه اول 1000 لاقيت هناك عربيه سيراتو بتنجانى من سمير ريان لسه جديده وجايبنها وفاتحين الموتور بتاعها وبيصلحو فيها
عربيه جديده من غير نمررررررررررررررررررررررررر
فبجد كله يحذر من سمير ريان

والحمدلله على كل حال والحمدلله
بس هيا فعلا عربيه جميله ماشاءالله الله اكبر

[yehia]

معلهش يا جماعة أنا ليا استفسار ....

ازاي الـ vin بتعرفوا منه اذا كانت العربية سعودي ولا أردني أو خلافه؟ هو مش المفروض الـ vin ده مهمته انه يكشف عن بيانات العربية المتعلقة بالشركة المصنعة ومكان المصنع وسنة الصنع ورقمها المسلسل من بين السيارات اللي خارجة من المصنع خلال سنة التصنيع؟ يعني على حد علمي مالوش علاقة ببيانات مستورد السيارة أو بلد الاستيراد ....

يا ريت لو أنا فاهم غلط حد يصحح لي ....

[NoRmAl]

معلهش يا جماعة أنا ليا استفسار ....

ازاي الـ vin بتعرفوا منه اذا كانت العربية سعودي ولا أردني أو خلافه؟ هو مش المفروض الـ vin ده مهمته انه يكشف عن بيانات العربية المتعلقة بالشركة المصنعة ومكان المصنع وسنة الصنع ورقمها المسلسل من بين السيارات اللي خارجة من المصنع خلال سنة التصنيع؟ يعني على حد علمي مالوش علاقة ببيانات مستورد السيارة أو بلد الاستيراد ....

يا ريت لو أنا فاهم غلط حد يصحح لي ....

ال vin دا فيه كل حاجه
بمعنى الكلمه
دا بصمه العربيه بلا شك
تعرف منه أدق التفاصيل عن العربيه حتى الشفت الى أتصنعت فيه باليوم والساعه كمان
وراحت فين وجت منين
دا كمان الvin معلوماته المتاحه لينا أقل بكتير من الى عند كيا نفسها
دا هما بقى يجبولك الى كان شغال فيها قام شرب شاى الساعه كام :))
بخصوص تعرف منين هى مصدره لأى بلد
من الويبسايت دا
TEPS - WPC LOGIN
تشترك أزاى؟
عيش حياتك هنا :)
http://www.nilemotors.net/Nile/146471-a.html

[pharonicking]

العربيات السعودى اعلى فى المواصفات ولا الكويتى؟

[kh_talaat]

انا جبت الموقع من اللينك ده كان نورمال باشا كاتبه فى موضوع مشابهه
http://www.nilemotors.net/nile/146471-a.html

تسلم يا غالي

وشكرا لأستاذ نورمال على الموقع


انا والدي اشترى عربية سيراتو من سمير ريان من فترة ومكتوب عليها حسب المواصفات الخليجية السعودية

هكشف عليها برضه من خلال الموقوع واقولكم وربنا يستر