أستفسار عن كيا سيراتو خليجى ومشكورين

[ismaeal]

أستلمت اليوم سيراتو خليجى فيها جنوط سبور 15 وفتحة سقف واتوماتيك وتكييف بكر وباقى الكماليات وسعرها 117 ألف فهل السعر معقول ولا غالية ودى نفس المواصفات فى موقع الشركة عن طريق رقم ال vin وكيف أعرف إذا كانت سعودى ولا كويتى ولا أردنى لانه غير موجود البلد وأخيرا أعمل ضمان مع شركة زى أمان الشرق ولا لاداعى ويتكلف كام ومشكورين مقدماً

[ابو ليلى]

الف مبروك وربنا يبارك فيها ويحميك من شر العين واهلا بيك معانا وانضمامك الى
نمور كيا وفى بيتنا الثانى نايل موتورز

انت متاكد ان الجنوط مقاس 15 ؟؟؟ اللى اعرفه بيكون فى 16 او 17 بالسعر ده

حضرتك اللى تقول اشترتها ايه سواء سعودى او اى بلد تانى لان فى بعض السيارات اصبحت على الموقع بدون اسم البلد المصدره ليه ....ولو هى سعودى حاجتين يحددو اولا الصفيحة اللى على القايم مكتوب عليها ( طبقا للموصفات الخليجية - السعودية ) وثانية تكون بدون ولاعه .

نصيحه وبقولها لكل الناس اشترى ضمان خليجى وعلى راى المثل ( اعور ولا اعمى ) واسال مجرب من رمضان اللى فات .
بالنسبة للشركة احنا هنا بنفضل امان الشرق لان فى تخفيض لينا كمنتدى نايل موتورز بتكون السنة ب 750 ج وثانى شى علشان بتعمل صياناتك فى مركز تكنو وان اللى هو برضه بنتعامل معاه وبيكون لينا مميزات فى المركز .

[NoRmAl]

مبروك على العربيه ربنا يديك خيرها ويكفيك شرها
وأهلا بيك فى المنتدى
ممكن مواصفات العربيه بالكامل علشان نعرف السعر مناسب ولا لأ؟
ويا ريت كمان الvin علشان نعرف هى مصدره لأى بلد

[ALSHARIEF]

[QUOTE=abouleila;3873100267]الف مبروك وربنا يبارك فيها ويحميك من شر العين واهلا بيك معانا وانضمامك الى
نمور كيا وفى بيتنا الثانى نايل موتورز

انت متاكد ان الجنوط مقاس 15 ؟؟؟ اللى اعرفه بيكون فى 16 او 17 بالسعر ده

حضرتك اللى تقول اشترتها ايه سواء سعودى او اى بلد تانى لان فى بعض السيارات اصبحت على الموقع بدون اسم البلد المصدره ليه ....ولو هى سعودى حاجتين يحددو اولا الصفيحة اللى على القايم مكتوب عليها ( طبقا للموصفات الخليجية - السعودية ) وثانية تكون بدون ولاعه .

نصيحه وبقولها لكل الناس اشترى ضمان خليجى وعلى راى المثل ( اعور ولا اعمى ) واسال مجرب من رمضان اللى فات .
بالنسبة للشركة احنا هنا بنفضل امان الشرق لان فى تخفيض لينا كمنتدى نايل موتورز بتكون السنة ب 750 ج وثانى شى علشان بتعمل صياناتك فى مركز تكنو وان اللى هو برضه بنتعامل معاه وبيكون لينا مميزات فى المركز .


حبيبى أبو ليلى الغالى ................ بعد السلام و التحية و بعد ما بعتلك أشواق و أهات و سلامات ( مش عارف إيه إللى أنا بقوله ده )--------------- نخش فى الموضوع أحسن :
أولا : طمننى عليك و على أخبارك و على أخبار العربية عملت فيها إيه و وصلت لحد فين دلوقتى ؟
ثانيا : أنا عربيتى سعودى و فيها ولاعة يبقى إيه بقى فين بيروح وبييجى منين ؟

أسف لصاحب الموضوع إنى خرجت عن محتوى الموضوع و لكنى بسأل فى حاجة تخص الخليجى بشكل عام و بسأل عن شخص يخصنا كلنا و حبيبنا كلنا أبو لول عندنا

[ALSHARIEF]

أستلمت اليوم سيراتو خليجى فيها جنوط سبور 15 وفتحة سقف واتوماتيك وتكييف بكر وباقى الكماليات وسعرها 117 ألف فهل السعر معقول ولا غالية ودى نفس المواصفات فى موقع الشركة عن طريق رقم ال vin وكيف أعرف إذا كانت سعودى ولا كويتى ولا أردنى لانه غير موجود البلد وأخيرا أعمل ضمان مع شركة زى أمان الشرق ولا لاداعى ويتكلف كام ومشكورين مقدماً

إسماعيل باشا نورت بيتك التانى نايل موتورز و ماتتصورش فرحتى بيك شخصيا إنك بقيت واحد من النمور و بقيت فرد جديد فى العصابة ................... مبارك عليك العربية و أسأل الله إن يعطيك خيرها و خير ما صنعت له و يكفيك شرها و شر ما صنعت له و أسأل الله أن يبارك لك و يبارك عليك و يبارك فيك .

أعذرنى معلش إنى رديت على أبو ليلى قبل ما أرد عليك و خرجت عن الموضوع معلش أنا أسف .

و زى ما النمور قالوا لحضرتك إحنا محتاجين المواصفات الكاملة للعربية علشات نقدر نحدد التمن و لو إن أنا شايفه غالى حبة صغننة بس ممكن يكون علشان هيه موديل 2011 بس على العموم مبارك عليك و يارب تفرح بيها و خللى بالك منها كويس جدا جدا ............ يعنى حطها جوه عينيك .

تقبل مرورى أخى العزيز و تقبل إعتذارى عن قلة ذوقى مع حضرتك و ياريت تتقبلنى صديق و زميل فى العصابة و أهلا بيك مرة تانية عضو معانا و بجد نورت قسم كيا الدور التانى عصابة السيراتو

[ابو ليلى]

[QUOTE=ALSHARIEF;3873100391][QUOTE=abouleila;3873100267]أولا : طمننى عليك و على أخبارك و على أخبار العربية عملت فيها إيه و وصلت لحد فين دلوقتى ؟
ثانيا : أنا عربيتى سعودى و فيها ولاعة يبقى إيه بقى فين بيروح وبييجى منين ؟

QUOTE]

انا الحمد لله بخير وشكرا على سؤالك انا بس منتظر التفاصيل كلها تخلص وبعدين اقول كل حاجه

بص بقى علشان تبقى عارف .....الولاعه دى اتعامل عليها مواضيع فى المنتدى وكان الراى النهائى ان السعودى مش فيه ولاعه ...
انا عربيتى المفروض شريها على انها سعودى وكان فيها ولاعه واتضح بعد كده انها عمانى وده بياكد معلومتى
ورميت الولاعه علشان تبقى سعودى

[moroattar]

طيب كويس والله انا كمان هأروح ارمى الولاعه علشان تبقى سعودى

[ismaeal]

أنا متشكر للجميع على الردور السريعة وحاسس ان المنتدى كل اعضائه محترمين جداً وبالنسبة ل vin فهو knafu411bb5293634 المواصفات كما ذكرت موديل 2011/اتوماتيك/تكييف بكر/جنوط 15/وصلة usb-ipod-12 volt /زجاج معتم/كاسيت cd/فتحة سقف/مفتاح ريموت/زجاج كهرباء/مسند أمامى وخلفى/طارة بوظأئف متعددة/عدادات رياضية/تحكم كهربائى بالمقعد/تعتيم شمس/فوج لايت/تحكم بالمرايات الجانبية وعموما هى نفس المواصفات الموجودة بالبحث فى موقع الشركة بال vin ولكن لا أعرف البلد الموردة منه وياترى لو السعر غالى فيبقى فى حدود أيه وانا متشكر جداً على تضامن الجميع وربنا يكفينى شرها

[tameraast]

جنط 17
بارك سينسور
تكيف تاتش
مالتى فانكشن
2 اير باج
اوتوماتك
abs

توكيل الطارق 119 بعد خصم 1000 نتيجه الكوسه

اعتقد السعر غالى شويتين

[bolok]

ورميت الولاعه علشان تبقى سعودى
[/QUOTE]

ههههههههههههه ... تصدق فكرة هايلة ... انت حليت مشكلة كبيرة اوى يا ابو ليلى
الزميل اللى شاري سعودي بولاعة .. اتأكد انها سعودي علشان فعلا السعودي من غير طفاية وولاعة
صديقة للبيئة .. قال يعني هي دي اللى حتفرق مع البيئة

[ismaeal]

وطبعاً فيها ايرباج و abs

[adelahmed007]

أنا متشكر للجميع على الردور السريعة وحاسس ان المنتدى كل اعضائه محترمين جداً وبالنسبة ل vin فهو knafu411bb5293634 المواصفات كما ذكرت موديل 2011/اتوماتيك/تكييف بكر/جنوط 15/وصلة usb-ipod-12 volt /زجاج معتم/كاسيت cd/فتحة سقف/مفتاح ريموت/زجاج كهرباء/مسند أمامى وخلفى/طارة بوظأئف متعددة/عدادات رياضية/تحكم كهربائى بالمقعد/تعتيم شمس/فوج لايت/تحكم بالمرايات الجانبية وعموما هى نفس المواصفات الموجودة بالبحث فى موقع الشركة بال vin ولكن لا أعرف البلد الموردة منه وياترى لو السعر غالى فيبقى فى حدود أيه وانا متشكر جداً على تضامن الجميع وربنا يكفينى شرها

الف مليون مبروك على العربيه وربنا يديك خيرها ويكفيك شرها .. العربيه اردنى وتاريخ تصديرها 14/7/2010

[NoRmAl]

العربيه أردنى فعلا مش سعودى
بس أيه "تحكم كهربائى بالمقعد" دى!!!!!

[ahmed_201091]

ياباشا انا عربيتى نفس المواصفات دى من غير فتحة سقف و عدادات رياضية موديل 2010 شاريها فى شهر 7 و كانت 105000 بس حوار المقاعد الكهربية دى معنديش فكرة عنها
و انا عربيتى سعودى و فعلا مفهاش طفاية ولا ولاعة و خليت والدى يجبلى الطفاية من التوكيل فى الكويت ب 200 جندى عشان شكلها حلو:))
و فى الاول و الاخر انت جبت العربية الف مبروك عليك و اتمتع بيها

[ALSHARIEF]

يا صباح إللى بتغنى ................... ده على أى أساس السعودى ماينزلش بولاعة و طفاية دا ليه إن شاء الله ؟

يمكن علشان التدخين حرام شرعا علشان كده هما من الأصل ما بيحطوش ولاعة فى العربية و كمان بيشيلو الطفاية ( إنتم قصدكوا طفاية حريق زى ظابط المرور و لا أنا فهمت إنها طفاية السجاير زى أحمد حلمى ما فهم فى نفس الفيلم ) .

يا رجالة عايز بجد الموقع إللى بيجيب مواصفات العربية و كمان بلد المنشأ لحسن أروح أكسر المعرض على صحابه
وأستخدم الولاعة إللى لسه مستخدمتهاش لحد دلوقتى و أروح فيهم فى ستين داهية و هيبقى إنتم السبب